International News
ಚೀನಾಗೆ ಬುದ್ಧಿಕಲಿಸಲು ಭಾರತದ ಹಾದಿ ಹಿಡಿದ ಅಮೆರಿಕಾ – ಡ್ರ್ಯಾಗನ್ ರಾಷ್ಟ್ರ ಇನ್ನೂ ಢಮಾರ್..!
ರೈಸಿಂಗ್ ಕನ್ನಡ :
ವೆಬ್ ಡೆಸ್ಕ್ :
ವಿಶ್ವಾದ್ಯಂತ ಕೊರೊನಾ ಮಹಾಮಾರಿಗೆ ಕಾರಣ ಅನ್ನಲಾಗುತ್ತಿರೋ ಚೀನಾ ವಿರುದ್ಧ ವಿಶ್ವವೇ ಸಮರ ಸಾರೋಕೆ ಹೊರಟಿದೆ. ಭಾರತದ ಡಿಜಿಟಲ್ ಸ್ಟ್ರೈಕ್ ಬಳಿಕ ಇದೀಗ, ವಿಶ್ವದ ಹಿರಿಯಣ್ಣ ಅಮೆರಿಕಾ ಕೂಡ ಚೀನಾ ವಿರುದ್ಧ ಡಿಜಿಟಲ್ ಕಾರ್ಯಾಚರಣೆಗೆ ಚಿಂತನೆ ನಡೆಸಿದೆ. ಚೀನಾದ ವಿಡಿಯೋ ಶೇರಿಂಗ್ ಆ್ಯಪ್ ಟಿಕ್ಟಾಕ್ ಅನ್ನು ನಿಷೇಧಿಸಲು ಅಮೆರಿಕಾ ಚಿಂತನೆ ನಡೆಸಿದೆ. ಈ ಕುರಿತು ಮಾತನಾಡಿದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಟಿಕ್ಟಾಕ್ಗೆ ಪರ್ಯಾಯವಾಗಿ ಬೇರೆ ಅನ್ವೇಷಣೆ ನಡೆಸುತ್ತಿದ್ದೇವೆ ಎಂದಿದ್ದಾರೆ.
ಆ್ಯಪ್ ಬಳಕೆದಾರರ ಮಾಹಿತಿ ನಿರ್ವಹಣೆ ಮತ್ತು ರಾಷ್ಟ್ರೀಯ ಭದ್ರತೆ ಬಗ್ಗೆ ಕಳೆದ ತಿಂಗಳು ಕಳವಳ ವ್ಯಕ್ತಪಡಿಸಿದ್ದ ಅಮೆರಿಕಾ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೋ, ಟಿಕ್ಟಾಕ್ ಸೇರಿದಂತೆ ಚೀನಾದ ಹಲವು ಮೊಬೈಲ್ ಅಪ್ಲಿಕೇಷನ್ಗಳನ್ನೂ ನಿಷೇಧಿಸಲು ಚಿಂತನೆ ನಡೆಸಲಾಗಿದೆ ಎಂದಿದ್ದಾರೆ. ಅಲ್ಲದೇ ಈ ಕುರಿತು ಅಧ್ಯಕ್ಷರಾದ ಡೊನಾಲ್ಡ್ ಟ್ರಂಪ್ ಜೊತೆ ಮಾತುಕತೆ ನಡೆಸಿದ್ದು, ಅವರು ಕೂಡ ಸಕಾರಾತ್ಮಕವಾಗಿ ಸ್ಪಂದಿಸಿದ್ದಾರೆ ಎಂದು ತಿಳಿಸಿದ್ದಾರೆ.
ಚೀನಾ ಕಮ್ಯುನಿಸ್ಟ್ ಪಕ್ಷದ ವಿದೇಶಾಂಗ ನೀತಿಯ ಉದ್ದೇಶಗಳನ್ನು ಸರಾಗವಾಗಿ ಈಡೇರಿಸುವಂತಾಗಲು ನೆರವಾಗುವಂತೆ ಟಿಕ್ಟಾಕ್ ತನ್ನ ಬಳಕೆದಾರರ ಮಾಹಿತಿಯನ್ನೂ ನಿರ್ವಹಿಸುತ್ತಿದೆ. ಹಾಗಾಗಿ ಅಮೆರಿಕನ್ನರ ಮಾಹಿತಿ ಗೌಪ್ಯತೆ ಮತ್ತು ಸುರಕ್ಷತೆಯನ್ನು ಕಾಪಾಡಲು ನಿರ್ಣಾಯಕ ಕ್ರಮ ತೆಗೆದುಕೊಳ್ಳಬೇಕು ಎಂದು ಅಮೆರಿಕ ಕಾಂಗ್ರೆಸ್ನ 25 ಸದಸ್ಯರು ಒತ್ತಾಯಿಸದ್ದರು. ಭಾರತವೂ, ಟಿಕ್ಟಾಕ್, ಸೇರಿದಂತೆ 60ಕ್ಕೂ ಅಧಿಕ ಆ್ಯಪ್ಗಳನ್ನ ಅದಾಗಲೇ ಬ್ಯಾನ್ ಮಾಡಿದೆ. ‘
ಒಟ್ಟಿನಲ್ಲಿ ಭಾರತದ ಬಳಿಕ ಇದೀಗ ಅಮೆರಿಕಾ ಡಿಜಿಟಲ್ ಸ್ಟ್ರೈಕ್ ಮಾಡೋಕೆ ಮುಂದಾಗಿದ್ದು, ಮುಂದಿನ ದಿನಗಳಲ್ಲಿ ಇತರೆ ದೇಶಗಳು ಇದೇ ಕ್ರಮಕ್ಕೆ ಮುಂದಾಗೋ ಸಾಧ್ಯತೆ ಇದೆ
