Featured
ಚೀನಾ ವಿರುದ್ಧ ತೊಡೆ ತಟ್ಟಿದ ಅಮೆರಿಕಾ- ಯುದ್ಧಭೂಮಿಯಲ್ಲಿ ಭಾರತಕ್ಕೆ ಅಮೆರಿಕ ಬೆಂಬಲ- ಅಮೆರಿಕ ಸಂಸತ್ನಲ್ಲಿ ಡಿಫೆನ್ಸ್ ಆ್ಯಕ್ಟ್ ಪಾಸ್..!
ರೈಸಿಂಗ್ ಕನ್ನಡ ನ್ಯೂಸ್ ಡೆಸ್ಕ್:
ನರಿಬುದ್ಧಿ ಚೀನಾಕ್ಕೆ ಬುದ್ಧಿ ಕಲಿಸಲು ವಿಶ್ವದ ದೊಡ್ಡಣ್ಣ ಅಮೆರಿಕಾ ನಿರ್ಣಯ ಮಾಡಿದೆ. ಭಾರತದ ಜೊತೆಗೆ ಉತ್ತಮ ಸಂಬಂಧ ಬೆಳೆಸಿರುವ ಅಮೆರಿಕಾ ಈಗ ಚೀನಾ ವಿಷಯದಲ್ಲಿ ಭಾರತಕ್ಕೆ ಸಂಪೂರ್ಣ ಬೆಂಬಲ ನೀಡಿದೆ. ಅಮೆರಿಕಾ ಸಂಸತ್ತಿನಲ್ಲಿ “ಡಿಫೆನ್ಸ್ ಆಥರೈಸೇಷನ್ ಆ್ಯಕ್ಟ್”ತಿದ್ದುಪಡಿ ಮಂಡಿಸಲಾಗಿತ್ತು. ಇದರ ಪ್ರಕಾರ ಚೀನಾ ಆಕ್ರಮಣದ ವೇಳೆ ಅಮೆರಿಕಾ ಭಾರತದ ನೆರವಿಗೆ ಧಾವಿಸಬೇಕು. ಭಾರತ ಅಮೆರಿಕಾದ ನಂಬಿಕಸ್ಠ ರಾಷ್ಟ್ರ. ಭಾರತೀಯ ಮೂಲಕದ ಸಂಸದರು ಮಂಡಿಸಿದ್ದ ಈ ಆ್ಯಕ್ಟ್ಗೆ ಅಮೆರಿಕಾ ಸಂಸತ್ ಸರ್ವಾನುಮತದ ಅಂಗೀಕಾರ ನೀಡಿದೆ.
ಭಾರತ ಏಷ್ಯಾದಲ್ಲಿ ಚೀನಾಗೆ ಸಡ್ಡು ಹೊಡೆಯುವ ತಾಕತ್ತು ಹೊಂದಿದೆ. ಹೀಗಾಗಿ ಅಮೆರಿಕಾ ಚೀನಾ ವಿರುದ್ಧ ರಾಜತಾಂತ್ರಿಕ ಬಲ ನೀಡುವುದು, ಸಂಕಷ್ಟದ ಸಮಯದಲ್ಲಿ ಯುದ್ಧೋಪಕರಣಗಳನ್ನು ರವಾನಿಸುವುದು ಸೇರಿ ಪ್ರಮುಖ ಅಂಶಗಳನ್ನು ಡಿಫೆನ್ಸ್ ಆ್ಯಕ್ಟ್ನಲ್ಲಿ ಸೇರಿಸಿಕೊಂಡಿದೆ. ಇತ್ತೀಚೆಗೆ ಲಡಾಖ್ನಲ್ಲಿ ಚೀನಾ ಭಾರತ ಜೊತೆ ಗಡಿ ಕಿತಾಪತಿ ನಡೆಸಿತ್ತು. ಗಲ್ವಾನ್ ಕಣಿವೆ ಭಾಗದಲ್ಲಿ ದುಷ್ಟ ಬುದ್ಧಿ ಪ್ರದರ್ಶಿಸಿತ್ತು. ಆದ್ರೆ ಭಾರತ ಕೂಡ ದಿಟ್ಟವಾಗಿ ಹೆಜ್ಜೆ ಇಟ್ಟು ಚೀನಾಕ್ಕೆ ಪಾಠ ಕಲಿಸಿದೆ. ಈಗ ಅಮೆರಿಕಾ ಕೂಡ ಭಾರತದ ಜೊತೆ ನಿಂತು ಕೊಳ್ಳುವುದರ ಮೂಲಕ ಡ್ರ್ಯಾಗನ್ ರಾಷ್ಟ್ರಕ್ಕೆ ಎಚ್ಚರಿಕೆಯ ಸಂದೇಶ ರವಾನಿಸಿದೆ. ಕಮ್ಯೂನಿಸ್ಟ್ ಚೀನಾ ಕೊರೊನಾ ಬಿಕ್ಕಟ್ಟು ಬಳಸಿಕೊಂಡು ನೆರೆ ರಾಷ್ಟ್ರಗಳ ಮೇಲೆ ಆಕ್ರಮಣ ಮಾಡುತ್ತಿದೆ.
ಇದರ ನಡುವೆ ದಕ್ಷಿಣ ಚೀನಾ ಸಮುದ್ರದ 10.3 ಲಕ್ಷ ಚದರ ಅಡಿ ಪ್ರದೇಶದ ಸಂಪತ್ತು ತನಗೇ ಸೇರಿದ್ದು ಎಂದು ಹೇಳಿಕೊಂಡಿದೆ. ವಿಯೆಟ್ನಾಂ, ಬ್ರೂನಿ, ಮಲೇಷ್ಯಾ, ತೈವಾನ್, ಪಿಲಿಪ್ಪೀನ್ಸ್ ಮೇಲೆ ಸರ್ವಾಧಿಕಾರ ಸ್ಥಾಪಿಸಲು ತಯಾರಿ ಮಾಡಿಕೊಳ್ಳುತ್ತಿದೆ. ಚೀನಾದ ಈ ಅಕ್ರಮಣಶೀಲತೆಯನ್ನು ಕಟ್ಟಿಹಾಕಲು ಅಮೆರಿಕ ಈ ನಿರ್ಣಯ ತೆಗೆದುಕೊಂಡಿದೆ.
