ಡ್ರಗ್ಸ್​ ಮಾಫಿಯಾ: ನಟಿ ಸಂಜನಾ ಗಲ್ರಾನಿಗೆ ಸಿಸಿಬಿ ಪೊಲೀಸರಿಂದ ಡ್ರಿಲ್​

ರೈಸಿಂಗ್ ಕನ್ನಡ:

ಬೆಂಗಳೂರು:
ಡ್ರಗ್ಸ್​ ಮಾಫಿಯಾ ಪ್ರಕರಣದಲ್ಲಿ ಪೊಲೀಸ್ ವಶದಲ್ಲಿರುವ ನಟಿ ಸಂಜನಾ ಗಲ್ರಾನಿಗೆ ಕಳೆದ ಒಂದುವರೆ ಗಂಟೆಯಗಳಿಂದ ಸಿಸಿಬಿ ಪೊಲೀಸರು ಡ್ರಿಲ್ ಮಾಡುತ್ತಿದ್ದಾರೆ.

ಮಂಗಳವಾರ ಬೆಳ್ಳಂ ಬೆಳಗ್ಗೆ ನಟಿ ಸಂಜನಾ ಮನೆ ಮೇಲೆ ದಾಳಿ ಮಾಡಿ ಇಡೀ ಫ್ಲ್ಯಾಟ್​ ಅನ್ನ ವಶಕ್ಕೆ ತೆಗೆದುಕೊಂಡಿತ್ತು.

ನಂತರ ಹತ್ತು ಗಂಟೆ ಸುಮಾರಿಗೆ ನಟಿ ಸಂಜನಾ ಗಲ್ರಾನಿ ಅವರನ್ನ ಸಿಸಿಬಿ ಪೊಲೀಸರು ವಶಕ್ಕೆ ತೆಗೆದುಕೊಂಡು ಚಾಮರಾಜಪೇಟೆಯಲ್ಲಿರುವ ಸಿಸಿಬಿ ಕಚೇರಿಗೆ ತೆಗೆದುಕೊಂಡು ಬರಲಾಯಿತು.

ಡ್ರಗ್ಸ್ ಜಾಲದ ನಂಟಿರುವ ಕುರಿತು ಪೊಲೀಸರು ನಟಿ ಸಂಜನಾ ಅವರ ಹೇಳಿಕೆಯನ್ನ ಪಡೆಯುತ್ತಿದ್ದಾರೆ. ಶೇಕ್​ ಫಾಝಿಲ್ ಎಂಬಾತನ ಜೊತೆಗಿನ ನಂಟು ಜೊತೆಗೆ ಈಗಾಗಲ್ಲೇ ಬಂಧಿಸಲ್ಪಟ್ಟಿರುವ ಡ್ರಗ್ಸ್​ ಪೆಡ್ಲರ್​ಗಳಾದ ರಾಹುಲ್​, ವಿರೇನ್ ಖನ್ನಜೊತೆಗಿನ ನಂಟಿನ ಕುರಿತು ಸಿಸಿಬಿ ಪೊಲೀಸರು ವಿಚಾರಿಸುತ್ತಿದ್ದಾರೆ.

ವಿಚಾರಣೆ ನಂತರ ಸಿಸಿಬಿ ಪೊಲೀಸರು ನಟಿ ರಾಗಿಣಿಯನ್ನ ಬಂಧಿಸಿದಂತೆ ನಟಿ ಸಂಜನಾ ಅವರನ್ನ ಬಂಧಿಸುತ್ತಾರಾ ಅನ್ನೋದನ್ನ ಕಾದು ನೋಡಬೇಕಿದೆ.