ಅಪ್ಪ,ಅಮ್ಮಾ ಭಿಕ್ಷೆಯಾಗಿ ಕೊಟ್ಟ ದೇಹವನ್ನ ಹಾಳು ಮಾಡಿಕೊಳ್ಳುವ ಹಕ್ಕು ನಿಮಗಿಲ್ಲ : ಯುವಜನತೆಯನ್ನ ಎಚ್ಚರಿಸಿದ ಯಶ್

ರೈಸಿಂಗ್ ಕನ್ನಡ :

ಬೆಂಗಳೂರು:

ಪೋಷಕರು ನಿಮಗೆ ಕೊಟ್ಟಿರುವ ದೇಹ ಭಿಕ್ಷೆಯಾಗಿದ್ದರಿಂದ ನಿಮಗೆ ಹಾಳು ಮಾಡಿಕೊಳ್ಳುವ ಹಕ್ಕು ನಿಮಗಿಲ್ಲ ಎಂದು ರಾಕಿಂಗ್​ ಸ್ಟಾರ್​ ಯಶ್​ ಯುವ ಜನತೆಯನ್ನ ಎಚ್ಚರಿಸಿದ್ದಾರೆ.

ಸ್ಯಾಂಡಲ್​ವುಡ್​ನಲ್ಲಿ ಡ್ರಗ್ಸ್​ ಮಾಫಿಯಾಕ್ಕೆ ಸಂಬಂಧಿಸಿದಂತೆ ಹ್ಯಾಟ್ರಿಕ್​ ಹೀರೋ ಶಿವರಾಜ್ ಕುಮಾರ್​, ಸಾ.ರಾ.ಗೋವಿಂದ್​, ದುನಿಯಾ ವಿಜಿ, ನಟಿ ತಾರಾ, ಉಮೇಶ್​ ಬಣಕರ್​ ಮತ್ತು ಇತರೆ ಸ್ಯಾಂಡಲ್​ವುಡ್​ ಮಂದಿ ಸಿಎಂ ಯಡಿಯೂರಪ್ಪ ಅವರನ್ನ ಭೇಟಿ ಮಾಡಿ ಮಾತುಕತೆ ನಡೆಸಿದ್ದಾರೆ.

ನಂತರ ಮಾತನಾಡಿದ ನಟ ಯಶ್​ ಯುವ ಜನತೆಯನ್ನ ಉದ್ದೇಶಿಸಿ, ನಿಮ್ಮ ದೇಹ ಪೋಷಕರು ಕೊಟ್ಟ ಭಿಕ್ಷೆ. ನಿಮ್ಮ ಅಪ್ಪ, ಅಮ್ಮಾ ತಾವು ಹಸಿವಿನಲ್ಲಿದ್ದರೂ ನಿಮಗೆ ಒಳ್ಳೆ ಆಹಾರ ಕೊಟ್ಟು ಬೆಳೆಸುತ್ತಾರೆ.ಮುಂದೆ ನಿಮ್ಮ ಭವಿಷ್ಯದ ಬಗ್ಗೆ ಒಳ್ಳೆಯ ಕನಸು ಕಾಣುತ್ತಾರೆ.

ಡ್ರಗ್ಸ್​ ಸೇವಿಸಿ ದೇಹವನ್ನ ಹಾಳು ಮಾಡಿಕೊಳ್ಳಬೇಡಿ, ಹಾಳು ಮಾಡಿಕೊಳ್ಳೋಕೆ ನಿಮಗೆ ಅಧಿಕಾರವಿಲ್ಲ.ದುಶ್ಚಟಗಳಿಂದ ದೂರವಿರಿ ಎಂದು ತಿಳಿಸಿದರು.