ಸತತ 13 ವರ್ಷ ಸಂಬಂಧಿಯ ಮೇಲೆ ಅತ್ಯಾಚಾರ ಎಸಗಿದ್ದ ನಟ ಅರೆಸ್ಟ್..!

ಮದುವೆಯಾಗುವುದಾಗಿ ನಂಬಿಸಿ ಸತತ 13 ವರ್ಷ ಅತ್ಯಾಚಾರ ಎಸಗಿದ್ದ ಆರೋಪದಲ್ಲಿ ನಟ-ನಿರ್ಮಾಪಕ-ನಿರ್ದೇಶಕ ಮನೋಜ್ ರಜಪೂತ್ ಬಂಧಿಸಲಾಗಿದೆ. ಛತ್ತೀಸ್ ಗಢದ ದುರ್ಗ್ ಜಿಲ್ಲೆಯ ಮೂಲದವರಾದ ಮನೋಜ್ ರಜಪೂತ್ ವಿರುದ್ಧ 29 ವರ್ಷದ ಮಹಿಳೆ ನೀಡಿದ ದೂರಿನ ಆಧಾರದಲ್ಲಿ ಬಂಧಿಸಲಾಗಿದೆ. ಪ್ರಕರಣದ ಕುರಿತು ಪೊಲೀಸರು ಮಾಹಿತಿ ನೀಡಿದ್ದು, ಫೆಬ್ರವರಿ 22 ರಂದು ಯುವತಿ ದೂರು ನೀಡಿದ್ದಳು.

ಇದನ್ನು ಆಧರಿಸಿ ಮನೋಜ್ ರಜಪೂತ್ ಬಂಧಿಸಲಾಗಿದೆ ಎಂದು ಸ್ಪಷ್ಟಪಡಿಸಿದ್ದಾರೆ. ಮನೋಜ್ ರಜಪೂತ್ ವಿರುದ್ಧ ಪೋಕ್ಸೋ, ಐಪಿಸಿ ಅಡಿ ಜೀವ ಬೆದರಿಕೆ ಪ್ರಕರಣಗಳು ದಾಖಲಾಗಿವೆ. ಈಗಾಗಲೇ ಸ್ಥಳೀಯ ನ್ಯಾಯಾಲಯಕ್ಕೆ ಮನೋಜ್ ರಜಪೂತ್ ಹಾಜರುಪಡಿಸಲಾಗಿದ್ದು, 2011ರಲ್ಲಿ ಪೋಕ್ಸೋ ಕಾಯ್ದೆ ಅಸ್ತಿತ್ವದಲ್ಲೇ ಇಲ್ಲದಿದ್ದ ಕಾರಣ ಪೋಕ್ಸೋ ಅಡಿ ದಾಖಲಾಗಿದ್ದ ಪ್ರಕರಣವನ್ನು ನ್ಯಾಯಾಲಯ ರದ್ದು ಮಾಡಿದೆ.