Featured
ದೆಹಲಿಯಲ್ಲಿ ಆಪ್ ಕಿ ದರ್ಬಾರ್ – ಡೀಸೆಲ್ ಬೆಲೆಯಲ್ಲಿ 8 ರೂಪಾಯಿ ಕಡಿತಗೊಳಿಸಿದ ಕೇಜ್ರಿ ಸರ್ಕಾರ್..!
ರೈಸಿಂಗ್ ಕನ್ನಡ :
ದೆಹಲಿ:
ಪೆಟ್ರೋಲ್ ಮತ್ತು ಡಿಸೇಲ್ ಬೆಲೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಕೇಂದ್ರ ಸರ್ಕಾರ ಇದರ ತೈಲ ಬೆಲೆ ಏರಿಕೆ ಬಗ್ಗೆ ಹೆಚ್ಚು ತಲೆ ಕೆಡಿಸಿಕೊಂಡಿಲ್ಲ. ಇನ್ನೊಂದೆಡೆ ಕಾಂಗ್ರೆಸ್ ತೈಲ ಬೆಲೆ ಏರಿಕೆ ವಿರೋಧಿಸಿ ಪ್ರತಿಭಟನೆ ಮಾಡಿದರೂ ಅದು ಪ್ರಯೋಜನಕ್ಕೆ ಬಂದಿಲ್ಲ. ಈ ನಡುವೆ ದೆಹಲಿಯಲ್ಲಿ ಆಡಳಿತ ನಡೆಸುತ್ತಿರುವ ಕೇಜ್ರಿವಾಲ್ ನೇತೃತ್ವದ ಆಪ್ ಸರ್ಕಾರ ಮ್ಯಾಜಿಕ್ ಮಾಡಿದೆ. ಡಿಸೇಲ್ ಬೆಲೆಯನ್ನು ಕಡಿಮೆಗೊಳಿಸಲು ತನ್ನ ವ್ಯಾಟ್ ದರವನ್ನೇ ಕಡಿಮೆ ಮಾಡಿದೆ.
ಅರವಿಂದ್ ಕೇಜ್ರಿವಾಲ್ ನೇತೃತ್ವದ ದೆಹಲಿ ಸರ್ಕಾರ ರಾಷ್ಟ್ರರಾಜಧಾನಿ ಜನರಿಗೆ ಗುಡ್ನ್ಯೂಸ್ ಕೊಟ್ಟಿದೆ. ಪೆಟ್ರೊಲ್ ಮತ್ತು ಡೀಸೆಲ್ ದರ ಏರಿಕೆಯಾಗುತ್ತಲ್ಲೇ ಇದೆ ಆದರೆ ದೆಹಲಿ ಸರ್ಕಾರ ಡೀಸೆಲ್ ಪ್ರತಿ ಲೀಟರ್ಗೆ 8 ರೂಪಾಯಿ ಇಳಿಸಿ ಸರ್ಪ್ರೈಸ್ ಕೊಟ್ಟಿದೆ.
ಕೆಲವು ದಿನಗಳ ಹಿಂದೆ ದೆಹಲಿಯಲ್ಲಿ ಪೆಟ್ರೊಲ್ಗಿಂತ ಡೀಸೆಲ್ ದರ ಹೆಚ್ಚಿತ್ತು. ಡಿಸೇಲ್ ದರದ ವ್ಯಾಟ್ ಅನ್ನ ಇಳಿಸಿರುವುದಾಗಿ ಸಿಎಂ ಕೇಜ್ರಿವಾಲ್ ಹೇಳಿದ್ದಾರೆ. ಜುಲೈ ಆರಂಭದಲ್ಲಿ 82 ರೂಪಾಯಿ ದರ ಇತ್ತು ಇದೀಗ 73 ರೂಪಾಯಿಗೆ ಇಳಿದಿದೆ. ರಾಷ್ಟ್ರರಾಜಧಾನಿಯಲ್ಲಿ ಡಿಸೇಲ್ ದರ ಕುಸಿತ ಅಲ್ಲಿನ ಜನರ ಸಂತಸ ಹೆಚ್ಚಾಗುವಂತೆ ಮಾಡಿದೆ.
