ಕೊರೊನಾ ಸೋಂಕು ಏರುಗತಿ ನಡುವೆ ಹತ್ತು ಲಕ್ಷ ಮಂದಿ ಗುಣಮುಖ

ರೈಸಿಂಗ್ ಕನ್ನಡ :

ನವದೆಹಲಿ:

ದೇಶದಲ್ಲಿ ಕಳೆದ ಕೆಲವು ದಿನಗಳಿಂದ 50ಕ್ಕಿಂತ ಹೆಚ್ಚು ಕೊರೊನಾ ಪ್ರಕರಣಗಳು ದಾಖಲಾಗುತ್ತಿದೆ ಆದರೆ ಸಮಾಧಾನಕರ ವಿಷಯವೆಂದರೆ ಸೋಂಕಿತರ ಸಂಖ್ಯೆ ಏರುಗತಿಯಲ್ಲಿ ಹೆಚ್ಚಿದಷ್ಟೆ ಸೋಂಕಿನಿಂದ ಗುಣಮುಖರಾದವರ ಸಂಖ್ಯೆಯೂ ಹೆಚ್ಚಿದೆ.

ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 16ಲಕ್ಷಕ್ಕೆ ಏರಿದೆ  ಇದೀಗ 10 ಲಕ್ಷ ಮಂದಿ ಈ ಹೆಮ್ಮಾರಿ ವಿರುದ್ಧ ಹೋರಾಡಿ ಗುಣಮುಖರಾಗಿದ್ದಾರೆ ಕೇಂದ್ರ ಆರೋಗ್ಯ ಇಲಾಖೆ ಹೇಳಿದೆ.ಏಪ್ರಿಲ್​ ತಿಂಗಳಲ್ಲಿ ಚೇತರಿಕೆ ಪ್ರಮಾಣ ಶೇ.7.85ರಷ್ಟು ಇತ್ತು ಇದೀಗ ಜುಲೈನಲ್ಲಿ 64.44ಕ್ಕೆ ಏರಿದೆ.

ದೇಶದಲ್ಲಿ 5,28,242 ಸಕ್ರಿಯ ಪ್ರಕರಣಗಳಿವೆ.10,20,582 ಮಂದಿ ಡಿಸ್ಚಾರ್ಜ್​ ಆಗಿದ್ದಾರೆ. ಸಕ್ರಿಯ ಪ್ರಕರಣಕ್ಕಿಂತ ಚೇತರಿಕೆ ಪ್ರಮಾಣ ಹೆಚ್ಚಿದೆ. ಕಳೆದ ಏಳು ದಿನಗಳಿಂದ ಕೊರೊನಾದಿಂದ ಚೇತರಿಸಿಕೊಂಡವರ ಸಂಖ್ಯೆ ಹೆಚ್ಚಾಗುತ್ತಿದ್ದು ಪ್ರತಿ ದಿನ 34 ಸಾವಿರ ಮಂದಿ ಆಸ್ಪತ್ರೆಯಿಂದ ಹೊರ ಬರುತ್ತಿದ್ದಾರೆ.

ವಿವಿಧ ರಾಜ್ಯಗಳಲ್ಲಿ ಚೇತರಿಕೆ ಪ್ರಮಾಣ

ದೆಹಲಿ ಶೇ.88, ಲಡಾಖ್​ ಶೇ.80, ಹರ್ಯಾಣ ಶೇ.78, ಅಸ್ಸಾಂ ಶೇ.76, ತೆಲಂಗಾಣ ಶೇ.74, ತಮಿಳುನಾಡು ಮತ್ತು ಗುಜರಾತ್ ಶೇ.73, ರಾಜಸ್ಥಾನದಲ್ಲಿ ಶೇ.70, ಮಧ್ಯಪ್ರದೇಶದ ಶೇ.69 ಮತ್ತು ಗೋವಾದಲ್ಲಿ ಶೇ.68ರಷ್ಟಿದೆ.

ಕಳೆದ ತಿಂಗಳು ಪರಿಣಾಮಕಾರಿ ವೈದ್ಯಕೀಯ ನಿರ್ವಹಣೆಯಿಂದಾಗಿ ಶೇ. 3.33ರಷ್ಟು ಇದ್ದ ಸಾವಿನ ಪ್ರಕರಣ ಜುಲೈನಲ್ಲಿ ಶೇ.2.221ಕ್ಕೆ ಇಳಿದಿದೆ. ಕಳೆದ 24 ಗಂಟೆಯಲ್ಲಿ ಮಹಾರಾಷ್ಟ್ರದಲ್ಲಿ 11,147 ಹೊಸ ಕೊರೊನಾ ಪ್ರಕರಣಗಳು ದಾಖಲಾಗಿದ್ದು 266 ಮಂದಿ ಸಾವನಪ್ಪಿದ್ದಾರೆ.