ಬೆಂಗಳೂರಿನ ನಡುರಸ್ತೆಯಲ್ಲೇ ನಟ ಕೋಮಲ್​ಗೆ ಥಳಿತ : ಬೆಚ್ಚಿಬಿದ್ದ ಕನ್ನಡ ಚಿತ್ರರಂಗ..!

ಬೆಂಗಳೂರು : ಕಾಮಿಡಿ ನಟ ಕೋಮಲ್​​ಗೆ ಯಾರೋ ಕಿಡಿಕೇಡಿಗಳು ಬೆಂಗಳೂರಿನ ನಡು ರಸ್ತೆಯಲ್ಲೇ ರಕ್ತ ಬರುವಂತೆ ಥಳಿಸಿದ್ದಾರೆ. ಆದ್ರೆ, ನಟ ಕೋಮಲ್​​ಗೆ ಥಳಿಸಿದ್ದು ಯಾರು..? ಯಾಕೆ ಹೊಡೆದ್ರು..? ಅನ್ನೋದರ ಬಗ್ಗೆ ಮಾಹಿತಿ ಇಲ್ಲ. ಆದ್ರೆ, ಕಿಡಿಗೇಡಿಗಳಿಂದ ಏಟು ತಿಂದ ಕೋಮಲ್​ ಆಸ್ಪತ್ರೆಯಲ್ಲಿ ಟ್ರೀಟ್​ಮೆಂಟ್​ ಪಡೆದು, ಪೊಲೀಸರಿಗೆ ದೂರು ನೀಡಿದ್ದಾರೆ.

ತನ್ನ ಮೇಲಿನ ಹಲ್ಲೆ ಕುರಿತಾಗಿ, ಪೊಲೀಸರಿಗೆ ಹೇಳಿಕೆ ನೀಡಿರೋ ನಟ ಕೋಮಲ್, ನಾನು ಮಕ್ಕಳನ್ನು ಟ್ಯೂಷನ್​​ಗೆ ಬಿಡಲಿಕ್ಕೆ ಹೋಗ್ತಿದ್ದೆ. ಈ ವೇಳೆ ಏಕಾಏಕಿ ನಾಲ್ಕು ಜನ ನನ್ನ ಕಾರನ್ನು ಅಡ್ಡಗಟ್ಟಿದ್ರು. ಬಳಿಕ ಅವಾಚ್ಯ ಶಬ್ದಗಳಿಂದ ನಿಂದಿಸಿ, ಹಲ್ಲೆ ಮಾಡಿದ್ರು. ಈ ವೇಳೆ, ಸ್ಥಳೀಯರು ನನ್ನ ರಕ್ಷಣೆಗೆ ನಿಂತ್ರು. ಹಲ್ಲೆ ಮಾಡಿದ ವ್ಯಕ್ತಿಗಳ ಬಗ್ಗೆ ಮಾಹಿತಿ ಇಲ್ಲ ಎಂದು ಮಲ್ಲೇಶ್ವರಂ ಪೊಲೀಸರಿಗೆ ದೂರಿನಲ್ಲಿ ಹೇಳಿದ್ದಾರೆ.

ನಟ ಕೋಮಲ್​​ ಮೇಲೆ ಹಲ್ಲೆ ನಡೆಸಿರೋ ಕಿಡಿಗೇಡಿಗಳನ್ನ ಸ್ಥಳೀಯರು ಹಿಡಿದು, ಪೊಲೀಸರಿಗೆ ಒಪ್ಪಿಸಿದ್ದಾರೆ. ಸದ್ಯ ದೂರು ದಾಖಲಿಸಿಕೊಂಡಿರೋ ಪೊಲೀಸರು, ತನಿಖೆ ನಡೆಸಿದ್ದಾರೆ.

ನಟ ಕೋಮಲ್​ ಮೇಲೆ ಹಲ್ಲೆ ಆಗಿರೋ ವಿಚಾರ ತಿಳಿಯುತ್ತಿದ್ದಂತೆ, ನಟ ಹಾಗೂ ಕೋಮಲ್ ಅಣ್ಣ ಜಗ್ಗೇಶ್​ ಕೂಡ ಆಸ್ಪತ್ರೆಗೆ ಬಂದ್ರು. ಅಲ್ಲಿಂದ ಪೊಲೀಸ್​ ಸ್ಟೇಷನ್​​ಗೆ ಬಂದು ದೂರು ನೀಡಿದ್ರು. ಈ ವೇಳೆ ಮಾತ್ನಾಡಿದ ಜಗ್ಗೇಶ್, ಶ್ರೀರಾಮಪುರ ರೈಲ್ವೆ ಅಂಡರ್ ಪಾಸ್ ಬಳಿ ಘಟನೆ ನಡೆದಿದೆ. ಕೋಮಲ್ ಮೇಲೆ ಹಲ್ಲೆ ಮಾಡಿರೋ ನಾಲ್ಕು ಜನ ಕುಡಿದಿದ್ರು. ಈ ರೀತಿಯ ಘಟನೆ ಬೆಂಗಳೂರಿನಲ್ಲಿ ಆಗಿರೋದು ಭಯ ಹುಟ್ಟಿಸಿದೆ. ಕುಡಿದು, ಗಾಂಜಾ ಸೇವಿಸಿ, ಹಗಲು ಹೊತ್ತಿನಲ್ಲೇ ಬೆಂಗಳೂರಲ್ಲಿ ಈ ರೀತಿ ನಡೆದ್ರೆ ಏನು ಅರ್ಥ ಅಂತ ಜಗ್ಗೇಶ್ ಪ್ರಶ್ನೆ ಮಾಡಿದ್ರು.

ಚಿತ್ರರಂಗದವರೇ ಕೋಮಲ್​ ಮೇಲೆ ಹಲ್ಲೆ ಮಾಡಿಸಿದ್ರಾ..?

ವಿನಾಃ ಕಾರಣ ಕೋಮಲ್​ ಮೇಲೆ ಹಲ್ಲೆ ಮಾಡಿದ್ದು ಯಾರು ಅನ್ನೋದರ ಬಗ್ಗೆ ಹಲವು ಸಂಶಯಗಳು ಕಾಡ್ತಿವೆ. ನಟ ಜಗ್ಗೇಶ್​ ಮಾತನ್ನು ಗಮನಿಸಿದ್ರೆ, ಚಿತ್ರರಂಗದವರೇ ಈ ಕೃತ್ಯ ಮಾಡಿಸಿದ್ರಾ ಎನ್ನಲಾಗ್ತಿದೆ. ನಂಗೆ ಗೊತ್ತಾಗುತ್ತೆ ಯಾರು ಏನ್ ಮಾಡ್ತಿದ್ದಾರೆ ಅಂತ ಜಗ್ಗೇಶ್​ ಹೇಳಿದ್ದು ಯಾಕೆ ಅನ್ನೋ ಪ್ರಶ್ನೆ ಕಾಡುತ್ತೆ. ಇದರ ಜೊತೆ ಇಂಡಸ್ಟ್ರಿಯವರು ಮಾಡಿದ್ರೆ ಖಂಡಿತಾ ನಾನು ಅವರನ್ನ ಬಿಡಲ್ಲ. ನಾನೂ ಕೂಡ ಮೂವತ್ತು ವರ್ಷದಿಂದ ಸಿನಿಮಾದಲ್ಲೇ ಇದ್ದೇನೆ ಎಂದು ಎಚ್ಚರಿಕೆ ನೀಡಿದ್ದಾರೆ.