26 ಸುವಿಧಾ ಕೇಂದ್ರಗಳಿಗೆ ಸಂಸದ ತೇಜಸ್ವಿ ಚಾಲನೆ: ಯೋಜನೆಗಳ ಪರಿಣಾಮಕಾರಿ ಅನುಷ್ಠಾನಕ್ಕೆ ಕರೆ

ರೈಸಿಂಗ್ ಕನ್ನಡ :

ಬೆಂಗಳೂರು :

ಪ್ರಧಾನ ಮಂತ್ರಿ ಜನ ಕಲ್ಯಾಣಕಾರಿ ಯೋಜನೆ ಪ್ರಚಾರ ಪ್ರಸಾರ ಅಭಿಯಾನ ವತಿಯಿಂದ ಕರ್ನಾಟಕದಲ್ಲಿ 26 ಸುವಿಧಾ ಕೇಂದ್ರಗಳ ಆನ್​ಲೈನ್ ಉದ್ಘಾಟನಾ ಸಮಾರಂಭದಲ್ಲಿ ಮುಖ್ಯ ಅತಿಥಿ ಯಾಗಿ ಸಂಸದ ತೇಜಸ್ವಿ ಸೂರ್ಯ ಭಾಗವಹಿಸಿದ್ದರು.

ಪ್ರಧಾನಮಂತ್ರಿ ಯೋಜನೆಗಳ ಬಗ್ಗೆ ಕರ್ನಾಟಕದಲ್ಲಿ ಜಾಗೃತಿ ಮೂಡಿಸಲು ಮತ್ತು ಹೆಚ್ಚು ಹೆಚ್ಚು ಜನರನ್ನು ತಲುಪುವ ಗುರಿ ಹೊಂದಿರುವ PMJKYPPA (ಪ್ರಧಾನ ಮಂತ್ರಿ ಜನ ಕಲ್ಯಾಣಕಾರಿ ಯೋಜನಾ) ತಂಡ ಸುಮಾರು 186 ಪ್ರಧಾನಮಂತ್ರಿ ಜನ ಕಲ್ಯಾಣಕಾರಿ ಯೋಜನೆಗಳಿಗೆ ಬೆಂಬಲ ನೀಡುವ ಮತ್ತು ಅವುಗಳನ್ನು ಸಮಾಜದ ಎಲ್ಲಾ ಹಂತಗಳಲ್ಲಿ ಪರಿಣಾಮಕಾರಿಯಾಗಿ ಅನುಷ್ಠಾನ ಗೊಳಿಸಲು ಸಹಕಾರಿಯಾಗಲೆಂದು ತೇಜಸ್ವಿ ಸೂರ್ಯ ಹಾರೈಸಿದರು. ಕರ್ನಾಟಕದ 26 ಸುವಿಧಾ ಕೇಂದ್ರದ PMJKYPPA ಕಾರ್ಯಕರ್ತರಿಗೆ ಶುಭಕೋರಿದರು.

ಈ ಸಮಾರಂಭದಲ್ಲಿ ಕರ್ನಾಟಕದ  PMJKYPPA ಅಧ್ಯಕ್ಷೆ ಶ್ರೀಮತಿ ಅಮಿತಾರಾಣಿ ಪಾಂಡೆ ಮತ್ತು ಅವರ ತಂಡ ಹಾಜರಿತ್ತು.