ಬೆಂಗಳೂರಿನಲ್ಲಿ 3 ಸಾವಿರ ಕೊರೊನಾ ಸೋಂಕಿತರು ನಾಪತ್ತೆ: ಆರೋಗ್ಯ ಇಲಾಖೆಯಿಂದ ಆತಂಕಕಾರಿ ಮಾಹಿತಿ

ರೈಸಿಂಗ್ ಕನ್ನಡ :

ಬೆಂಗಳೂರು:

ರಾಜಧಾನಿ ಬೆಂಗಳೂರಿನಲ್ಲಿ ಕೊರೊನಾ ಆರ್ಭಟ  ಜೋರಾಗಿದೆ ಇದರ ನಡುವೆ ಸುಮಾರು 3 ಸಾವಿರಕ್ಕಿಂತ ಹೆಚ್ಚು ಕೊರೊನಾ ಸೋಂಕಿತರ ನಾಪತ್ತೆಯಾಗಿದ್ದಾರೆ ಎನ್ನುವ ಆತಂಕಕಾರಿ ಮಾಹಿತಿಯನ್ನ ರಾಜ್ಯ ಆರೋಗ್ಯ ಇಲಾಖೆ ಹೇಳಿದೆ.

ಬಿಬಿಎಂಪಿ ಕಮೀಷನರ್ ಎನ್​. ಮಂಜುನಾಥ್ ಕರೆದಿದ್ದ ಪತ್ರಿಕಾಗೋಷ್ಠಿಯಲ್ಲಿ ಸುಮಾರು 3,338 ಜನರಿಗೆ ಲ್ಯಾಬ್​ನಲ್ಲಿ ಪರೀಕ್ಷಿಸಲಾದ ಸ್ಯಾಂಪಲ್​ಗಳು ಪಾಸಿಟಿವ್ ಬಂದಿದೆ. ಇದರಲ್ಲಿ ಕೆಲವರು ತಪ್ಪು ಮೊಬೈಲ್​ ಸಂಖ್ಯೆ ಮತ್ತು ಮನೆ ವಿಳಾಸವನ್ನ ಕೊಟ್ಟಿದ್ದಾರೆ.

ಪಾಸಿಟಿವ್​ ಎಂದು ದೃಢಪಟ್ಟವರ ಸುಳಿವು ನಮಗೆ ಸಿಗುತ್ತಿಲ್ಲ. ಈ ಸಮಸ್ಯೆ ಬಗ್ಗೆ ಪರಿಶೀಲನೆ ಮಾಡುತ್ತಿದ್ದೇವೆ ಎಂದು ಮಾಹಿತಿ ನೀಡಿದ್ದಾರೆ.

ಕಳೆದ 14 ದಿನಗಳಲ್ಲಿ 27 ಸಾವಿರ ಕೊರೊನಾ ಸೋಂಕು ತಗುಲಿರುವ ವರದಿಯಾಗಿವೆ.

ಬೆಂಗಳೂರು ಕೋವಿಡ್​ 19 ಹಾಟ್​ಸ್ಪಾಟ್​  

ಕರ್ನಾಟಕದಲ್ಲಿ ಕೊರೊನಾ ಶೇಕಡ 58 ರಷ್ಟು ಸಕ್ರಿಯವಾಗಿದೆ. ಬರೀ ಬೆಂಗಳೂರಿನಲ್ಲಿ ಪ್ರತಿ ದಿನ 2 ಸಾವಿರಕ್ಕಿಂತ ಹೆಚ್ಚು ಪ್ರಕರಣಗಳು ದಾಖಲಾಗುತ್ತಿದ್ದು  ನಗರದಲ್ಲಿ ಸೋಂಕಿತರ ಸಂಖ್ಯೆ 43,503ಕ್ಕೆ ಏರಿದೆ.

ಮನೆಯಲ್ಲೆ ಇರಿ ಮತ್ತು ಲಾಕ್​ಡೌನ್ ಸಂದರ್ಭದಲ್ಲಿ ಸುರಿಕ್ಷಿತರಾಗಿರಿ. ಕೊರೊನಾ ಸರಪಳಿಯನ್ನ ಮುರಿಯುವುದು ನಿಮ್ಮಆಸಕ್ತಿ ಮೇಲೆ ನಿಂತಿದೆ. ನಿಮ್ಮ ಸುರಕ್ಷತೆಗಾಗಿ ನಾವು ಬೀದಿಯಲ್ಲಿ ನಿಂತು ರಕ್ಷಣೆ ಮಾಡುತ್ತಿದ್ದೇವೆ ಎಂದು ಬೆಂಗಳೂರು ಪೊಲೀಸ್ ಕಮಿಷನರ್​ ಭಾಸ್ಕರ್​ ರಾವ್ ಹೇಳಿದ್ದಾರೆ.