Featured
ಅಫ್ಘಾನಿಸ್ತಾನದಲ್ಲಿದ್ದಾರೆ ಪಾಕಿಸ್ತಾನದ ಸಾವಿರಾರು ಉಗ್ರರು – ವಿಶ್ವಸಂಸ್ಥೆ ವರದಿ..!
ರೈಸಿಂಗ್ ಕನ್ನಡ :
ವೆಬ್ ಡೆಸ್ಕ್ :
ಪಾಕಿಸ್ತಾನ ಉಗ್ರ ಸಂಘಟನೆಗಳಿಗೆ ಸೇರಿದ ಸುಮಾರು 6,000 ದಿಂದ 6,500 ಉಗ್ರರು ಅಫ್ಘಾನಿಸ್ತಾನದ್ಲಿದ್ದಾರೆ ಎಂದು ವಿಶ್ವಸಂಸ್ಥೆಯ ಭದ್ರತಾ ಮಂಡಳಿ ವರದಿ ಮಾಡಿದೆ. ಇದ್ರಲ್ಲಿ ಹೆಚ್ಚಿನವರು ತೆಹ್ರಿಕ್-ಇ-ತಾಲಿಬಾನ್ ಪಾಕಿಸ್ತಾನ್ ಸಂಘಟನೆಯ ಉಗ್ರರಾಗಿದ್ದು, ಇವರುಗಳು ಎರಡೂ ದೇಶಗಳಿಗೆ ಅಪಾಯವನ್ನ ಉಂಟುಮಾಡಲಿದ್ದಾರೆ ಎಂದು ವಿಶ್ವಸಂಸ್ಥೆಯ ಭದ್ರತಾ ಮಂಡಳಿ ವರದಿ ಮಾಡಿದೆ.
ಅಲ್ ಖೈದಾ, ಐಎಸ್ಐಎಸ್ ಮತ್ತಿತರ ಸಘಟನೆಗಳಿಗೆ ಸಂಬಂಧಿಸಿದ ವಿಶ್ಲೇಷಣಾತ್ಮಾಕ ವರದಿಯನ್ನು ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯ ಸಮಿತಿ ಸಲ್ಲಿಸಿದೆ. ಅದರಲ್ಲಿ ಅಮೀರ್-ನೂರ್-ವಾಲಿ, ಮೊಹ್ಸೂದ್ ನೇತೃತ್ವದ ಟಿಟಿಪಿಯು ಅಫ್ಘಾನಿಸ್ತಾನದಲ್ಲಿ ಕಾರ್ಯಾನಿರ್ವಹಿಸುತ್ತಿರುವ ದೊಡ್ಡ ಸಂಘಟನೆಯಾಗಿದೆ ಎಂದು ಉಲ್ಲೇಖಿಸಲಾಗಿದೆ.
ಟಿಟಿಪಿ ಪಾಕಿಸ್ತಾನದಲ್ಲಿ ಹಲವು ಉನ್ನತ ಮಟ್ಟದ ದಾಳಿಯ ಹೊಣೆ ಹೊತ್ತಿದೆ. ಜೊತೆಗೆ ಜಮಾತ್-ಉಲ್-ಅರ್ಹಾರ್ ಮತ್ತು ಲಷ್ಕರ್-ಎ-ಇಸ್ಲಾಂನಿಂದ ಮತ್ತಷ್ಟು ಕೃತ್ಯಗಳಿಗೆ ನೆರವಾಗಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.
ಈ ಮೂಲಕ ಪಾಕಿಸ್ತಾನವೂ ಭಯೋತ್ಪಾದಕರಿಗೆ ಮತ್ತೊಮ್ಮೆ ನೆರವು ನೀಡುತ್ತಿದೆ ಅನ್ನೋದು ಸಾಭೀತಾದಂತಾಗಿದೆ. ಕಳೆದ ತಿಂಗಳು ಪಾಕಿಸ್ತಾನದ ಪ್ರಧಾನ ಮಂತ್ರಿ ಇಮ್ರಾನ್ ಖಾನ್ ಅವರು ದೇಶದ ಸಂಸತ್ ಅಧಿವೇಶನದಲ್ಲಿ ಭಯೋತ್ಪಾದಕ ಒಸಾಮ ಬಿನ್ ಲಾಡೆನ್ನನ್ನು ಶಹೀದ್ ಎಂದು ಬಣ್ಮಿಸಿದ್ದರು.
