Featured
ಐಸಿಯುನಲ್ಲಿದ್ದ ರೋಗಿ ಸಾವು- ರೊಚ್ಚಿಗೆದ್ದ ಸಂಬಂಧಿಕರು- ಆ್ಯಂಬುಲೆನ್ಸ್ ಭಸ್ಮ, ಪೊಲೀಸ್ ಜೀಪು, ಕಾರುಗಳ ಗಾಜು ಪುಡಿ ಪುಡಿ
ರೈಸಿಂಗ್ ಕನ್ನಡ:
ಬೆಳಗಾವಿ:
ಐಸಿಯುನಲ್ಲಿದ್ದ ರೋಗಿ ಸಾವು ಹಿನ್ನೆಲೆಯಲ್ಲಿ ರೊಚ್ಚಿಗೆದ್ದ ರೋಗಿ ಸಂಬಂಧಿಕರು ಆಂಬ್ಯುಲೆನ್ಸ್ಗೆ ಬೆಂಕಿ ಹಚ್ಚಿದ ಘಟನೆ ಬೆಳಗಾವಿಯ ಬೀಮ್ಸ್ ಆಸ್ಪತ್ರೆಯಲ್ಲಿ ನಡೆದಿದೆ. ಬೆಳಗಾವಿ ಕ್ಯಾಂಪ್ ಪ್ರದೇಶದ ಘೀ ಗಲ್ಲಿಯ 55ವರ್ಷದ ವ್ಯಕ್ತಿ ಜುಲೈ19 ರಂದು ಆಸ್ಪತ್ರೆಗೆ ದಾಖಲಾಗಿದ್ದ. ವೈದ್ಯಕೀಯ ಚಿಕಿತ್ಸೆಗಳು ಫಲಕೊಡದೆ ವ್ಯಕ್ತಿ ಬುಧವಾರ ರಾತ್ರಿ ಮೃತಪಟ್ಟಿದ್ದ. ವ್ಯಕ್ತಿ ಮೃತಪಟ್ಟ ವಿಷಯ ತಿಳಿದು ಆಸ್ಪತ್ರೆಯತ್ತ ನೂರಕ್ಕೂ ಅಧಿಕ ಜನರು ದೌಡಾಯಿಸಿದ್ರು. ಏಕಾಏಕಿ ಜನರು ಆ್ಯಂಬುಲೆನ್ಸ್ ಗೆ ಬೆಂಕಿ ಹಚ್ಚಿ ನಂತರ ಆಸ್ಪತ್ರೆ ವಾರ್ಡ್ ಮೇಲೆಯೂ ಕಲ್ಲು ತೂರಾಟ ನಡೆಸಿದರು. ದುಷ್ಕರ್ಮಿಗಳ ಈ ಕೃತ್ಯದಿಂದ ಹೆದರಿದ ವೈದ್ಯರು, ನರ್ಸ್ ಆಸ್ಪತ್ರೆಯ ಒಳಗೆ ಓಡಿಹೋದರು. ಈ ವೇಳೆ ಆಸ್ಪತ್ರೆಯ ಒಳಗೆ ನುಗ್ಗಲು ಪ್ರಯತ್ನಿಸಿದ ದುಷ್ಕರ್ಮಿಗಳನ್ನು ಸೆಕ್ಯುರಿಟಿ ಗಾರ್ಡ್ ತಡೆಯಲು ಯತ್ನಿಸಿದ್ರು. ಗುಂಪುಗುಂಪಾಗಿದ್ದ ಜನರು ಸೆಕ್ಯುರಿಟಿ ಗಾರ್ಡ್ ಮೇಲೆಯೂ ಹಲ್ಲೆ ಮಾಡಿದ್ದಾರೆ.
ಹತ್ತಾರು ಜನರ ಗುಂಪು ಕಲ್ಲುತೂರಾಟ ನಡೆಸುವ ಜೊತೆಗೆಆ್ಯಂಬುಲೆನ್ಸ್ಗೆ ಬೆಂಕಿ ಕೂಡ ಹಚ್ಚಿದ್ರು, ಪೊಲೀಸ್ ವಾಹ‌ನ, ಕಾರುಗಳ ಗಾಜು ಪುಡಿ ಪುಡಿಯಾಯಿತು, ಮೇಲ್ನೋಟಕ್ಕೆ ಎಲ್ಲವೂ ಮೊದಲೇ ಪ್ಲಾನ್ ಮಾಡಿ ದುಷ್ಕೃತ್ಯ ಎಸಗಿರುವಂತೆ ಕಾಣುತ್ತಿದೆ. ಸ್ಥಳದಲ್ಲಿ ಬಿಗುವಿಣ ವಾತಾವರಣವಿದ್ದು, ಆಸ್ಪತ್ರೆಯ ಸುತ್ತ ಪೊಲೀಸ್ ಸರ್ಪಗಾವಲು ಹಾಕಲಾಗಿದೆ. ಸ್ಥಳಕ್ಕೆ ಡಿ.ಸಿ. ಎಂ.ಜಿ.ಹಿರೇಮಠ, ಎಸ್.ಪಿ. ಲಕ್ಷ್ಮಣ ನಿಂಬರಗಿ, ಪೊಲೀಸ್ ಕಮೀಷನರ್ ತ್ಯಾಗರಾಜ, ಜಿಲ್ಲಾ ಪಂಚಾಯತ್ ಸಿಇಒ ರಾಜೇಂದ್ರ ಸ್ಥಳಕ್ಕೆ ಭೇಟಿ ಪರಿಶೀಲನೆ ನಡೆಸಿದರು.
