Featured
ಇದು ಸೂರ್ಯನ ಅತ್ಯಂತ ಸನಿಹದ ಫೋಟೋ..! – ಇದು ಅಮೆರಿಕಾ, ಯೂರೋಪ್ ಆರ್ಬಿಟರ್ನ ಜಂಟಿ ಸಾಹಸ..!
ರೈಸಿಂಗ್ ಕನ್ನಡ :
ವೆಬ್ ಡೆಸ್ಕ್ :
ಅಮೆರಿಕಾ ಹಾಗೂ ಯೂರೋಪ್ನ ಬಾಹ್ಯಾಕಾಶ ಸಂಸ್ಥೆ ತಯಾರಿಸಿರುವ ಸೋಲಾರ್ ಆರ್ಬಿಟರ್, ಸೂರ್ಯನ ಅತ್ಯಂತ ಸನಿಹದ ಫೋಟೋ ಕ್ಲಿಕ್ಕಿಸಿದೆ. ಅಮೆರಿಕಾದ ನಾಸಾ ಹಾಗೂ ಯೋರೋಪಿನ ಈಎಸ್ಎ ಬಾಹ್ಯಾಕಾಶ ಸಂಸ್ಥೆಗಳು ಜಂಟಿಯಾಗಿ ತಯಾರಿಸಿರೋ ಸೋಲಾರ್ ಆರ್ಬಿಟರ್ ಬಾಹ್ಯಾಕಾಶ ನೌಕೆ ಇದಾಗಿದೆ.
2020 ರ ಫೆ.9 ರಂದು ಉಡಾವಣೆಯಾಗಿದ್ದ ಸೋಲಾರ್ ಆರ್ಬಿಟರ್, ಜೂನ್ ಮಧ್ಯಭಾಗದಲ್ಲಿ ಸೂರ್ಯನ ಅತ್ಯಂತ ಸನಿಹದಲ್ಲಿ ಹಾದು ಹೋಗಿತ್ತು. ಈಗ ಅದು ಸೂರ್ಯನಿಗೆ ಅತ್ಯಂತ ಸನಿಹದ ಚಿತ್ರಗಳನ್ನ ಕಳುಹಿಸಿದೆ. ಈ ಹಿಂದೆಂದಿಗಿಂತಲೂ ಕಾಣಿಸಿದ ಅಪರೂಪದ ಚಿತ್ರಗಳು ಎನಿಸಿಕೊಂಡಿವೆ. ಇದು ಸೂರ್ಯನ ಅತ್ಯಂತ ಸನಿಹದ ಚಿತ್ರವಾಗಿದೆ ಎಂದು ನಾಸಾದ ವಿಜ್ಞಾನಿ ಹಾಲಿ ಗಿಲ್ಬರ್ಟ್ ಹೇಳಿದ್ದಾರೆ.
ಈ ಫೋಟೋಗಳು ಸೂರ್ಯನ ವಾತಾವರಣದ ಪದರಗಳನ್ನು ಅರ್ಥ ಮಾಡಿಕೊಳ್ಳುವುದಕ್ಕೆ ಸಹಕಾರಿಯಾಗಲಿದ್ದು, ಭೂಮಿಯ ಬಳಿ ಹಾಗೂ ಸೌರ ಮಂಡಲದಲ್ಲಿ ಬಾಹ್ಯಾಕಾಶದ ಹವಾಮಾನದ ಮೇಲೆ ಪರಿಣಾಮ ಬೀರಲಿದೆ ಎಂಬುದನ್ನು ಅರ್ಥಮಾಡಿಕೊಳ್ಳುವುದಕ್ಕೆ ಸಹಕಾರಿಯಾಗಲಿದೆ ಎಂದಿದ್ದಾರೆ ವಿಜ್ಞಾನಿಗಳು.
