ಜೈಷ್ ಮೊಹ್ಮದ್ ಕಮಾಂಡರ್ ಸೇರಿ ಮೂವರು ಉಗ್ರರು ಸೇನೆ ಗುಂಡಿಗೆ ಮಟಾಷ್

ರೈಸಿಂಗ್​ ಕನ್ನಡ :

ಜಮ್ಮು ಕಾಶ್ಮೀರ:

ಅಡಗಿ ಕುಳಿತಿದ್ದ ಜೈಷ್​ -ಎ-ಮೊಹ್ಮದ್​ ಸಂಘಟನೆಯ ಮೂವರು ಉಗ್ರರನ್ನ ಸೇನೆ ಮತ್ತು ಪೊಲೀಸರು ನಡೆಸಿದ ಜಂಟಿ ಕಾರ್ಯಾಚರಣೆಯಲ್ಲಿ ಎನ್​ಕೌಂಟರ್​ ಮಾಡಿದೆ.

ಕುಲ್ಗಾಮ್​ ಜಿಲ್ಲೆಯ ನಾಗನದ್​ ಚಿಮ್ಮೆರ್​ನಲ್ಲಿ ಉಗ್ರರು ಅಡಗಿ ಕುಳಿತಿರುವ ಖಚಿತ ಮಾಹಿತಿ ಮೇರೆಗೆ ಸೇನೆ  ಆ ಪ್ರದೇಶವನ್ನ ಸುತ್ತುವರೆದಿತ್ತು. ಈ ವೇಳೆ ಉಗ್ರರು ಸೇನೆ ಮೇಲೆ ಗುಂಡಿನ ದಾಳಿ ನಡೆಸಿದರು. ಪ್ರತಿ ದಾಳಿ ನಡೆಸಿದ ಸೇನೆ ಮತ್ತು ಪೊಲೀಸರು ಮೂವರು ಉಗ್ರರನ್ನ ಹೊಡೆದುರುಳಿಸುವಲ್ಲಿ ಯಶಸ್ವಿಯಾದರು. 

ಎನ್​ಕೌಂಟರ್​ನಲ್ಲಿ ಹತ್ಯೆಯಾದ ಉಗ್ರರ ಪೈಕಿ ಒಬ್ಬ ಜೈಷ್​ ಸಂಘಟನೆಗೆ ಸೇರಿದ ಕಮಾಂಡರ್​ ಹಾಗೂ ಐಇಡಿ ಎಕ್ಸ್​ಪರ್ಟ್​ ಎಂದು ತಿಳಿದು ಬಂದಿದೆ.  ಹತ್ಯೆಯಾದವರಿಂದ ಬಂದೂಕು ಮತ್ತು ಸ್ಫೋಟಕ ವಸ್ತುಗಳನ್ನ ವಶಕ್ಕೆ ಪಡೆಯಲಾಗಿದೆ.