ಸರ್ಜಾ ಕುಟುಂಬಕ್ಕೆ ಆಘಾತಗಳ ಮೇಲೆ ಆಘಾತ..! – ಧ್ರುವ ದಂಪತಿಗೂ ಕೊರೊನಾ ಸೋಂಕು..!

ರೈಸಿಂಗ್ ಕನ್ನಡ :

ಸಿನಿಮಾ ಡೆಸ್ಕ್ :

ನಟ ಧ್ರುವ ಸರ್ಜಾ ಮತ್ತು ಅವರ ಪತ್ನಿಗೂ ಕೊರೊನಾ ಪಾಸಿಟಿವ್ ಬಂದಿದೆ. ಈ ವಿಷ್ಯವನ್ನ ಸ್ವತಃ ಧ್ರುವ ಸರ್ಜಾ ಟ್ವಿಟ್ಟರ್‌ನಲ್ಲಿ ತಿಳಿಸಿದ್ದಾರೆ. ನಾವಾಗಿಯೇ ಆಸ್ಪತ್ರೆಗೆ ತೆರಳಿ ಪರೀಕ್ಷೆ ಮಾಡಿಸಿದಾಗ ಈ ವಿಚಾರ ತಿಳಿದಿದೆ.

ಅದಾಗಲೇ ನಾವು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದೇವೆ ಎಂದಿರುವ ಧ್ರುವ ಸರ್ಜಾ, ನಮ್ಮ ಜೊತೆಯಲ್ಲಿ ಆಪ್ತವಾಗಿದ್ದ ಎಲ್ಲರೂ ಪರೀಕ್ಷೆ ಮಾಡಿಸಿಕೊಳ್ಳಿ ಎಂದು ತಿಳಿಸಿದ್ದಾರೆ. ಇತ್ತೀಚೆಗಷ್ಟೇ ಚಿರು ಅಗಲಿಕೆಯ ನೋವಿನಿಂದ ಬಳಲುತ್ತಿರೋ ಸರ್ಜಾ ಕುಟುಂಬಕ್ಕೆ ಇದು ಮತ್ತೊಂದು ಬೇಸರದ ಸಂಗತಿಯಾಗಿದೆ.

ನಾವಿಬ್ಬರೂ ಆರೋಗ್ಯದ ಬಗ್ಗೆ ಜಾಗೃತಿ ವಹಿಸಿದ್ದೇವೆ. ಎಲ್ಲರೂ ಸುರಕ್ಷಿತವಾಗಿರಿ ಎಂದು ಕೂಡ ಧ್ರವಾ ಸರ್ಜಾ ಟ್ವೀಟ್ ಮಾಡಿದ್ದಾರೆ. ಅಲ್ಲದೇ ಎಂದಿನಂತೆ ಕೊನೆಯದಾಗಿ ಜೈ ಆಂಜನೇಯ ಅನ್ನೋ ಮೂಲಕ, ಎಲ್ಲರ ರಕ್ಷಣೆಗೆ ಪ್ರಾರ್ಥಿಸಿದ್ದಾರೆ.