Featured
ವಿಕ್ಟೋರಿಯಾ ಆಸ್ಪತ್ರೆಗೆ ಡಿಕೆಶಿ ಭೇಟಿ- ವೀಡಿಯೋ ಕಾನ್ಫರೆನ್ಸ್ ಮೂಲಕ ಚರ್ಚೆ- ತಪ್ಪು ಕಂಡುಹಿಡಿಯುವ ಸಮಯವಲ್ಲ ಎಂದ ಕೆಪಿಸಿಸಿ ಅಧ್ಯಕ್ಷರು
ರೈಸಿಂಗ್ ಕನ್ನಡ:
ಬೆಂಗಳೂರು:
ಕೊರೊನಾ ವಿರುದ್ಧ ಕರ್ನಾಟಕ ಕಟ್ಟಕಡೆಯ ಹೋರಾಟಕ್ಕೆ ಮುಂದಾಗಿದೆ. ಸರ್ಕಾರ ಬೆಂಗಳೂರು ನಗರ ಮತ್ತು ಬೆಂಗಳೂರು ಗ್ರಾಮಾಂತರ ಜಿಲ್ಲೆಗಳನ್ನು ಲಾಕ್ಡೌನ್ ಮಾಡಿದೆ. ಈ ಮಧ್ಯೆ ಕೋವಿಡ್ 19 ನಿಯಂತ್ರಣದಲ್ಲಿ ಸರ್ಕಾರ ಎಡವಿದೆ ಎಂದು ವಿಪಕ್ಷ ಕಾಂಗ್ರೆಸ್ ತಿರುಗಿಬಿದ್ದಿದೆ. ಕೆಪಿಸಿಸಿಯ ನೂತನ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಕೋವಿಡ್19 ಸ್ಪೆಷಲ್ ಹಾಸ್ಪಿಟಲ್ ವಿಕ್ಟೋರಿಯಾಕ್ಕೆ ಮಂಗಳವಾರ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.
ನಾನು ಮೆಡಿಕಲ್ ಎಜುಕೇಶನ್ ಮಿನಿಸ್ಟರ್ ಆಗಿದ್ದೆ. ವೈದ್ಯರು ಪ್ರಾಣವನ್ನು ಒತ್ತೆ ಇಟ್ಟು ಮಾನವ ಸೇವೆ ಮಾಡುತ್ತಿದ್ದಾರೆ. ವೀಡಿಯೋ ಕಾನ್ಫರೆನ್ಸ್ ಮೂಲಕ ಪೇಶೆಂಟ್, ವೈದ್ಯರ ಬಳಿ ಮಾತಾಡುವುದಕ್ಕೆ ಅವಕಾಶ ಮಾಡಿಕೊಟ್ರು. ನಾನು ಒಳಗೆ ಹೋದ್ರೆ 7 ದಿನ ಕ್ವಾರಂಟೈನ್ ಆಗಬೇಕು. ಪೇಶೆಂಟ್ ಗಳಿಗೆ ಮೊಬೈಲ್ ಕೊಟ್ಟಿದ್ದಾರೆ, ರಾಜ್ಯಾದ್ಯಂತ ಎಲ್ಲಾ ಕಡೆಯವರಿಗೆ ಮೊಬೈಲ್ ಕೊಡಬೇಕು. ಅವರು ಅವರ ಕುಟುಂಬದವರ ಜೊತೆಗೆ ಮಾತಾಡಿದ್ರೆ ಆತ್ಮಸ್ಥೈರ್ಯ ಬರುತ್ತದೆ.
- ಡಿ.ಕೆ.ಶಿವಕುಮಾರ್, ಕೆಪಿಸಿಸಿ ಅಧ್ಯಕ್ಷರು
ಆಸ್ಪತ್ರೆಯಲ್ಲಿ ಎಲ್ಲಾ ವೈದ್ಯರು ಉತ್ತಮ ರೀತಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ . ಕರ್ನಾಟಕದಲ್ಲಿ ರಿಕವರಿ ರೇಟ್ ಚೆನ್ನಾಗಿದೆ, ವಯಸ್ಸಾದವರು, ಮಕ್ಕಳು ಇಲ್ಲಿ ಗುಣಮುಖರಾಗಿದ್ದಾರೆ. ಕೊರೊನಾದಿಂದ ಗುಣಮುಖ ಆಗಿರುವವರು ಇಲ್ಲಿ ವಾಲೆಂಟರಿ ಆಗಿ ಕೆಲಸ ಮಾಡಲು ಮುಂದಾಗಿದ್ದಾರೆ. ಇದು ಒಳ್ಳೆಯ ಬೆಳವಣಿಗೆ. ಎಲ್ಲಾ ಮಿನಿಸ್ಟರ್ಗಳು ಆಸ್ಪತ್ರೆಗೆ ಭೇಟಿ ನೀಡಿ ಪೇಶೆಂಟ್ ಗಳಿಗೆ ಆತ್ಮಸ್ಥೈರ್ಯ ಕೊಡಬೇಕು . ತಪ್ಪು ಕಂಡುಹಿಡಿಯುವುದು ಈಗಲ್ಲ, ಇಲ್ಲಲ್ಲ. ವಿಧಾನಸೌಧ ಇದೆ. ಬೇರೆ ಕಡೆ ಮಾಡೊಣ ಎಂದು ಹೇಳಿದರು.
ಕೊರೊನಾ ಸೋಂಕಿತ ವೈದ್ಯರಿಗೆ ವಿಶೇಷ ಗೌರವವನ್ನು ಕೂಡ ಡಿ.ಕೆ.ಶಿವಕುಮಾರ್ ಸಲ್ಲಿಸಿದರು. ವೈದ್ಯರು, ನರ್ಸ್, ಪೊಲೀಸರು ಪ್ರಾಣ ಒತ್ತೆ ಇಟ್ಟು ಕೆಲಸ ಮಾಡುತ್ತಿದ್ದಾರೆ. ಅವರಿಗೂ ಕುಟುಂಬ ಇದೆ ನಾವು ಅದನ್ನು ಯೋಚನೆ ಮಾಡಬೇಕು ಎಂದು ಹೇಳಿದ್ರು.
