ಕೋತಿಗೆ ಇರುವ ಬುದ್ಧಿ ಮನುಷ್ಯರಿಗೆ ಇಲ್ವಾ..? ಈ ವೈರಲ್ ವಿಡಿಯೋ ನೋಡಿ

ಸದ್ಯ ಇದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್​ ಮತ್ತು ಸೆನ್ಸೇಷನಲ್. ಯಾಕಂದರೆ ಕೋತಿಯೊಂದು ನಲ್ಲಿಯಲ್ಲಿ ನೀರು ಬಿಟ್ಟು, ಕುಡಿದ ಮೇಲೆ ಅದೇ ಕೋತಿ ನಲ್ಲಿಯಲ್ಲಿನ ನೀರನ್ನ ನಿಲ್ಲಿಸುತ್ತೆ. ಟಿಕ್​ಟಾಕ್​ನಲ್ಲಿ ಈ ವಿಡಿಯೋ ಸಖತ್​ ವೈರಲ್​ ಆಗಿದ್ದು, ಕೋತಿಗೆ ಇರುವ ಮಾನವೀಯತೆ, ಬುದ್ಧಿ ಮನುಷ್ಯನಿಗೆ ಇಲ್ಲ ಅನ್ನೋ ಚರ್ಚೆ ಜೋರಾಗಿಯೇ ನಡೀತಿದೆ.

ಕೇವಲ 11 ಸೆಕೆಂಡ್​ಗಳ ಈ ದೃಶ್ಯವನ್ನ ಚುನಾವಣಾ ಆಯೋಗದ ಮಾಜಿ ಆಯುಕ್ತ ಡಾ.ಎಸ್.ವೈ. ಖುರೇಷಿ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಒಂದೇ ದಿನದಲ್ಲಿ ಈ ವಿಡಿಯೋ ಬರೋಬ್ಬರಿ 5 ಸಾವಿರ ಶೇರ್​​ಗಳನ್ನ ಪಡೆದುಕೊಂಡಿದ್ರೆ, 35 ಸಾವಿರಕ್ಕೂ ಹೆಚ್ಚು ಲೈಕ್ಸ್​ಗಳನ್ನ ಈ ವಿಡಿಯೋ ಪಡೆದುಕೊಂಡಿದೆ.

ಈ ವಿಡಿಯೋ ನೋಡಿರೋ ನೆಟ್ಟಿಗರು, ವಿವಿಧ ರೀತಿಯಲ್ಲಿ ಪ್ರತಿಕ್ರಿಯೆ ನೀಡ್ತಿದ್ದಾರೆ. ಕೋತಿಗಳಿಗೆ ಇಷ್ಟೊಂದು ಬುದ್ಧಿ, ಮಾನವೀಯತೆ ಹೇಗೆ ಬರುತ್ತೆ ಅನ್ನೋದು ನಮಗೆ ಅಚ್ಚರಿ ಅಂತ ಕೆಲವರು ಟ್ವೀಟ್​ ಮಾಡಿದ್ದಾರೆ. ಮತ್ತೆ ಕೆಲವರು ಕೋತಿಗೆ ಇರುವ ಬುದ್ಧಿ, ಮಾನವೀಯತೆ ಮನುಷ್ಯರಿಗೇ ಇರಲ್ಲ ಎಂದು ಟೀಕಿಸಿದ್ದಾರೆ.

ಒಟ್ಟಿನಲ್ಲಿ ನೀರನ್ನು ಉಳಿಸುವ ಕುರಿತು ಕೋತಿಯೊಂದು ಸಾರುವ ಸಂದೇಶ, ಸದ್ಯ ದೇಶಾದ್ಯಂತ ವೈರಲ್ ಆಗಿದೆ.