Featured
ಬಾಹುಬಲಿ ಪ್ರಭಾಸ್ ಮದ್ವೆ ಆಗುತ್ತಿರುವ ಆ ಲಕ್ಕಿ ಗರ್ಲ್ ಯಾರು ಗೊತ್ತಾ..?
ಹೈದರಾಬಾದ್ : ಬಾಹುಬಲಿ ಸ್ಟಾರ್ ಪ್ರಭಾಸ್ ಮದ್ವೆ ಯಾವಾಗ ಅನ್ನೋದರ ಬಗ್ಗೆ ಹಲವು ರೀತಿಯ ಸುದ್ದಿಗಳು ಬರುತ್ಲೇ ಇರುತ್ತೆ. ಪ್ರಭಾಸ್ ಅಭಿನಯದ ಪ್ರತಿ ಸಿನಿಮಾ ರಿಲೀಸ್ಗೆ ಬಂದಾಗ, ಇನ್ನೇನು ಈ ಸಿನಿಮಾ ಮುಗಿದ್ಮೇಲೆ ಪ್ರಭಾಸ್ ಮದ್ವೆಯಂತೆ ಅನ್ನೋ ನ್ಯೂಸ್ ಬರುತ್ತೆ. ಇದೇ ತಿಂಗಳ 30ರಂದು ಪ್ರಭಾಸ್ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ಸಾಹೋ, ಐದು ಭಾಷೆಗಳಲ್ಲಿ ರಿಲೀಸ್ ಆಗ್ತಿದೆ. ಇದರ ಮಧ್ಯೆ, ಮತ್ತೆ ಪ್ರಭಾಸ್ ಮದುವೆ ವಿಷಯ ಬಂದಿದೆ. ವಿಶೇಷ ಅಂದ್ರೆ, ಈ ಬಾರಿಯ ಮದ್ವೆಯ ಹುಡುಗಿಯರ ಲಿಸ್ಟ್ನಲ್ಲಿ ಸ್ವೀಟಿ ಅನುಷ್ಕಾ ಇಲ್ಲದಿರೋದು..?
ಹಾಗಿದ್ರೆ ಪ್ರಭಾಸ್ ಮದ್ವೆ ಆಗುವ ಹುಡುಗಿ ಯಾರು..?
ತೆಲುಗು ಮಾಧ್ಯಮಗಳು ವರದಿ ಮಾಡಿರುವ ಪ್ರಕಾರ, ಅಮೆರಿಕಾದಲ್ಲಿ ನೆಲೆಸಿರೋ ತೆಲುಗು ಹುಡುಗಿಯನ್ನ ಪ್ರಭಾಸ್ ಮದುವೆ ಆಗಲಿದ್ದಾರಂತೆ. ಸಾಹೋ ಸಿನಿಮಾ ರಿಲೀಸ್ ಆದ್ಮೇಲೆ ಪ್ರಭಾಸ್ ಮದ್ವೆ ಪಕ್ಕಾ ಅಂತಿವೆ ಕುಟುಂಬ ಮೂಲಗಳು. ಇದು ನಮ್ಮ ಖಾಸಗಿ ವಿಚಾರ. ಸದ್ಯಕ್ಕೆ ಪ್ರಭಾಸ್ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಸಾಹೋ ಬಿಡುಗಡೆ ಬಳಿಕ ಮದುವೆ ಮಾತುಕತೆ ನಡೆಯೋ ಸಾಧ್ಯತೆ ಇದೆ. ಇನ್ನು ಯಾವುದೂ ಅಧಿಕೃತವಾಗಿಲ್ಲ ಎಂದು ಪ್ರಭಾಸ್ ಕುಟುಂಬಸ್ಥರು ಹೇಳಿದ್ದಾರೆ.
ಪ್ರಭಾಸ್ಗೆ ಈಗ 39 ವರ್ಷ. ಸದ್ಯ ತೆಲುಗು ಸಿನಿಮಾ ಇಂಡಸ್ಟ್ರಿಯಲ್ಲಿ ಪ್ರಭಾಸ್ ಮೋಸ್ಟ್ ಎಲಿಜಬಲ್ ಬ್ಯಾಚ್ಯುಲರ್. ಈ ಹಿಂದೆ ಹಲವು ಬಾರಿ ಪ್ರಭಾಸ್ ಮದ್ವೆ ವಿಚಾರ ಪ್ರಸ್ತಾಪ ಆಗಿತ್ತು. ಸ್ವೀಟಿ ಅನುಷ್ಕಾ ಶೆಟ್ಟಿ ಜೊತೆ ಪ್ರಭಾಸ್ ಮದ್ವೆ ನಡೆಯುತ್ತೆ. ಅವರಿಬ್ಬರು ಲವರ್ಸ್ ಎಂಬ ಗುಸು ಗುಸು ಪಿಸು ಪಿಸು ಸುದ್ದಿ ಆಗುತ್ತಲೇ ಇತ್ತು. ಆದ್ರೆ, ಸ್ವತಃ ಪ್ರಭಾಸ್ ಮತ್ತು ಅನುಷ್ಕಾ ಸೇರಿದಂತೆ ಕುಟುಂಬದ ಸದಸ್ಯರೇ ಮದುವೆ ಸುದ್ದಿಯನ್ನ ಸುಳ್ಳು ಮಾಡಿದ್ರು.
ಈಗ ಅಮೆರಿಕಾದಲ್ಲಿ ನೆಲೆಸಿರೋ ತೆಲುಗಿನ ಬ್ಯುಸಿನೆಸ್ಮ್ಯಾನ್ ಮಗಳನ್ನ ಪ್ರಭಾಸ್ ಮದುವೆ ಆಗಲಿದ್ದಾರೆ. ಅಮೆರಿಕ ಸೇರಿದಂತೆ ಭಾರತದಲ್ಲೂ ಸಾಕಷ್ಟು ಉದ್ಯಮಗಳನ್ನ ಅವರು ಹೊಂದಿದ್ದಾರೆ ಎನ್ನಲಾಗಿದೆ. ಆದ್ರೆ, ಯಾರು ಅವರು..? ಇಷ್ಟಕ್ಕೂ ಆ ಲಕ್ ಗರ್ಲ್ ಯಾರು ಅನ್ನೋದು ಮಾತ್ರ ಈವರೆಗೆ ಬಹಿರಂಗವಾಗಿಲ್ಲ.
