ಪೊಲೀಸ್ ಠಾಣೆಗೆ ವಕ್ಕರಿಸಿದ ಕೊರೋನಾ – PSI ಸೇರಿ 16 ಜನಕ್ಕೆ ಪಾಸಿಟಿವ್​​ – ಪೊಲೀಸ್ ಸ್ಟೇಷನ್​​ ಸೀಲ್ ಡೌನ್

ರೈಸಿಂಗ್​ ಕನ್ನಡ:

ದುರ್ಗೇಶ್​ ಮಂಗಿಹಾಳ, ಯಾದಗಿರಿ:

ದಿನದಿಂದ ದಿನಕ್ಕೆ ಕೊರೋನಾ ವೈರಸ್ ಯಾದಗಿರಿ ಜಿಲ್ಲೆಯನ್ನು ಆವರಿಸಿವಕೊಳ್ಳುತ್ತಿದ್ದೆ. ಇಷ್ಟು ದಿನ ಜಿಲ್ಲೆಗೆ ಮರಳಿದ ಕಾರ್ಮಿಕರಿಗೆ ಅಂಟಿಕೊಂಡಿದ್ದ, ಕೊರೊನಾಸುರ ಈಗ ಕೊರೊನಾ ವಾರಿಯರ್​ಗಳಿಗೆ ಬೆನ್ನಬಿಡದಂತೆ ಕಾಡುತ್ತಿದೆ. ಜಿಲ್ಲಾಡಳಿತ ಭವನ, ಜಿಲ್ಲಾಸ್ಪತ್ರೆ, ಕೃಷಿ ಇಲಾಖೆ ಸೇರಿದಂತೆ, ಜಿಲ್ಲೆಯ ವಿವಿಧ ಪೊಲೀಸ್ ಠಾಣೆಗಳನ್ನು ಕೊರೊನಾ ಟಾರ್ಗೆಟ್ ಮಾಡಿದೆ.

ಈಗಾಗಲೇ ಶಹಪುರ, ಸುರಪುರ, ಬಿ ಗುಡಿ, ಠಾಣೆಗಳಿಗೆ ಕಾಲಿಟ್ಟು ಠಾಣೆಗಳನ್ನು ಸೀಲ್ ಡೌನ್ ಮಾಡಿರುವ ಕೊರೊನಾ, ಈಗ ಮತ್ತೆ ಗುರುಮಠಕಲ್​​ ಠಾಣೆಗೆ ವಕ್ಕರಿಸಿದೆ.ಠಾಣೆ ಪಿಎಸ್ ಐ ಸೇರಿದಂತೆ ಒಟ್ಟು 16 ಸಿಬ್ಬಂದಿಗೆ ಕೊರೊನಾ ಧೃಡ ಪಟ್ಟಿದೆ. ಹೀಗಾಗಿ ಠಾಣೆಯನ್ನು ಸೀಲ್​​ಡೌನ್​​ ಮಾಡಲಾಗಿದೆ. ಠಾಣೆಗೆ ಸ್ಯಾನಿಟೈಸರ್ ಸಿಂಪಡಣೆ ಮಾಡಲಾಗುತ್ತಿದೆ. ಸಾರ್ವಜನಿಕರ ಸಹಾಯಕ್ಕಾಗಿ ಠಾಣೆ ಸಮೀಪದಲ್ಲಿ ದೂರು ಸ್ವೀಕರಿಸಲು ಪ್ರತ್ಯೇಕ ವ್ಯವಸ್ಥೆ ಮಾಡಲಾಗಿದೆ.

ಜಿಲ್ಲೆಯಲ್ಲಿ ಈಗಾಗಲೇ ಒಟ್ಟು 29,383 ಜನರ ಗಂಟಲು ದ್ರವ ಮಾದರಿ ಪಡೆಯಲಾಗಿದೆ. ಈ ಪೈಕಿ 1,300 ಪಾಸಿಟಿವ್, 27,208 ನೆಗೆಟಿವ್ ಫಲಿತಾಂಶ ಬಂದಿದೆ. ಇನ್ನೂ 274 ಪ್ರಕರಣಗಳು ಸಕ್ರೀಯವಾಗಿದ್ದು, 893 ಜನ ಕೊರೊನಾ ಗೆದ್ದಿದ್ದಾರೆ. ಕೊರೋನಾ ಇನ್ನೆಷ್ಟು ದಿನ ಜನರ ಪ್ರಾಣ ತೆಗೆಯುತ್ತೆ..? ನೆಮ್ಮದಿಯಿಂದ ನಿದ್ದೆ ಮಾಡಲೂ ಆಗುತ್ತಿ ಎಂದು ಜನ ಮಾತಾಡಿಕೊಳ್ಳುತ್ತಿದ್ದಾರೆ. ದಿನಕ್ಕೊಂದು ಕಚೇರಿ, ಬಡಾವಣೆಗಳು ಸೀಲ್ ಡೌನ್ ಆಗ್ತಿರುವುದಕ್ಕೆ ಜನರು ಕಳವಳ ವ್ಯಕ್ತಪಡಿಸುತ್ತಿದ್ದಾರೆ.