Featured
ಅಂತ್ಯ ಸಂಸ್ಕಾರದ ವೇಳೆ ಕೋವಿಡ್ ನಿಯಮ ಮಾಯ- ಮಾಸ್ಕ್ ಮಾತೇ ಇಲ್ಲ, ಸಾಮಾಜಿಕ ಅಂತರವೂ ಇಲ್ಲ- ಹೀಗಾದ್ರೆ ಕೋರೊನಾ ಕಟ್ಟಿಹಾಕೋದು ಹೇಗೆ..?
ರೈಸಿಂಗ್ ಕನ್ನಡ:
ರಾಯಚೂರು:
ಪ್ರೇಮ ವಿವಾಹ ವಿರೋಧಿಸಿದಕ್ಕೆ ಐವರ ಬರ್ಬರ ಹತ್ಯೆ ಪ್ರಕರಣ ಇನ್ನು ಮಾಸಿಲ್ಲ. ಆದ್ರೆ ಈಗ ಇನ್ನೊಂದು ಎಡವಟ್ಟು ನಡೆದಿದೆ. ಕೊರೊನಾ ಮಹಾಮಾರಿ ರಾಯಚೂರಿನಾದ್ಯಂತ ಕೇಕೆ ಹಾಕುತ್ತಿದೆ. ಈ ಮಧ್ಯೆ ಜನ ಗುಂಪು ಗುಂಪಾಗಿ ಸೇರಿಕೊಂಡು ತಮ್ಮ ಜೊತೆ ಇನ್ನೊಬ್ಬರ ಪ್ರಾಣದ ಜೊತೆ ಚೆಲ್ಲಾಟ ಆಡುತ್ತಿದ್ದಾರೆ.
ಪ್ರೇಮ ಪ್ರಕರಣದಲ್ಲಿ ಕೊಲೆಯಾದವರ ಸಾಮೂಹಿಕ ಸಾಮೂಹಿಕ ಅಂತ್ಯ ಸಂಸ್ಕಾರಕ್ಕೆ ಏರ್ಪಾಡು ಮಾಡಲಾಗಿತ್ತು. ಅಂತ್ಯ ಸಂಸ್ಕಾರದ ವೇಳೆ ಕೋವಿಡ್ ನಿಯಮ ಉಲ್ಲಂಘನೆ ಆಗಿದೆ. ಅಷ್ಟೇ ಅಲ್ಲ ಜನಜಾತ್ರೆಯೇ ಆಗಿ ಬಿಟ್ಟಿದೆ. ಸರ್ಕಾರಿ ನಿಯಮದ ಮೃತಪಟ್ಟವರ ರಕ್ತ ಸಂಬಂಧಿಗಳು ಸೇರಿ 20 ಜನ ಮಾತ್ರ ಭಾಗವಹಿಸಬೇಕು. ಆದರೆ ಸಿಂಧನೂರ ಪಟ್ಟಣದಲ್ಲಿ ನಡೆದ ಸಾಮೂಹಿ ಅಂತ್ಯಸಂಸ್ಕಾರದಲ್ಲಿ 400 ಕ್ಕು ಹೆಚ್ಚು ಜನ ಭಾಗಿಯಾಗಿದ್ದರು ಅಂತ ಹೇಳಲಾಗುತ್ತಿದೆ.
ಅಂತ್ಯಕ್ರಿಯೆಯಲ್ಲಿ ಭಾಗಿಯಾದ ನೂರಾರು ಜನ ಮಾಸ್ಕ್ ಧರಿಸಿಲ್ಲ. ಇನ್ನು ಸಾಮಾಜಿಕ ಅಂತರವಂತೂ ಸಂಪೂರ್ಣವಾಗಿ ಉಲ್ಲಂಘಿಸಲಾಗಿತ್ತು. ಸಿಂಧನೂರಿನಲ್ಲಿ 25 ಜನರಿಗೆ ಕೊರೊನಾ ವೈರಸ್ ವಕ್ಕರಿಸಿತ್ತು ಎಂದು ವರದಿಯಾಗಿತ್ತು. ನಿತ್ಯವೂ ಸಿಂಧನೂರ ತಾಲೂಕಿನಾದ್ಯಂತ ಸೊಂಕಿತರ ಸಂಖ್ಯೆ ಹೆಚ್ಚಾಗುತ್ತಲೆ. ಈ ಮಧ್ಯೆ ಅಂತ್ಯ ಸಂಸ್ಕಾರದಲ್ಲಿ ನೂರಾರು ಜನ ಭಾಗವಹಿಸಿದ್ದು ವೈರಸ್ ಹರಡಲು ದಾರಿ ಮಾಡಿ ಕೊಟ್ಟಂತಾಗಿದೆ ಎಂದು ಸಾರ್ವಜನಿಕರು ತಲೆ ಕೆಡಿಸಿಕೊಂಡಿದ್ದಾರೆ. ಜಿಲ್ಲೆಯ ಸಿಂಧನೂರಿನ ಸುಕಾಲಪೇಟೆಯಲ್ಲಿ ಶನಿವಾರ ಸಂಜೆ ಒಂದೇ ಕುಟುಂಬದ ಐವರ ಬರ್ಬರ ಹತ್ಯೆ ನಡೆದಿತ್ತು.
