Featured
ಭಾರತದೊಳಗೆ ನುಸುಳಲು 300 ಉಗ್ರರ ಮಾಸ್ಟರ್ ಪ್ಲಾನ್ : “ಪಾಪಿ”ಸ್ತಾನ ಡ್ರೋನ್ ಧ್ವಂಸ ಮಾಡಿದ ಬಿಎಸ್ಎಫ್
ರೈಸಿಂಗ್ ಕನ್ನಡ
ನ್ಯೂಸ್ ಡೆಸ್ಕ್:
ಭಾರತದೊಳಗೆ ಒಳನುಸುಳಲು ಸುಮಾರು 250ರಿಂದ 300 ಉಗ್ರರು ಗಡಿಯಾಚೆಯಿರುವ ಲಾಂಚ್ ಪ್ಯಾಡ್ಗಳಲ್ಲಿ ಕಾಯುತ್ತಿದ್ದಾರೆ ಎಂದು ಮೇಜರ್ ಜನರಲ್ ವೀರೇಂದ್ರ ವತ್ಸ್ ಹೇಳಿದ್ದಾರೆ.
ಶನಿವಾರ ಬೆಳಗ್ಗೆ ಉತ್ತರ ಕಾಶ್ಮೀರದ ಕುಪ್ವಾರ ಜಿಲ್ಲೆಯ ನೌಗಾಮ್ ಪ್ರದೇಶದಲ್ಲಿ ಬಳಿ ಅನುಮಾನಸ್ಪದವಾಗಿ ಓಡಾಡುತ್ತಿದ್ದ ಉಗ್ರರನ್ನ ಸೇನೆ ಹತ್ಯೆ ಮಾಡಿತ್ತು.
ಈ ಬಗ್ಗೆ ಮಾಹಿತಿ ನೀಡಿರುವ ವೀರೇಂದ್ರ ವತ್ಸ್ ಗಡಿಯಾಚೆಗಿನ ಉಗ್ರರ ಲಾಂಚ್ಪ್ಯಾಡ್ಗಳಲ್ಲಿ 250 ರಿಂದ 300 ಉಗ್ರರಿದ್ದಾರೆ.
ಗಡಿ ನಿಯಂತ್ರಣ ರೇಖೆಯಲ್ಲಿ ಇಬ್ಬರು ಉಗ್ರರು ಅನುಮಾನಸ್ಪಾದವಾಗಿ ಓಡಾಡಿದ ನಂತರ ಸೇನೆ ಎಚ್ಚರದಿಂದ ಇದೆ ಎಂದು ಮಾಹಿತಿ ನೀಡಿದ್ದಾರೆ.
ನಿಯಮ ಉಲ್ಲಂಘಿಸಿದ ಪಾಕ್ ಸೇನೆ
ಜಮ್ಮು ಕಾಶ್ಮೀರದ ಅಂತಾರಾಷ್ಟ್ರೀಯ ಗಡಿ ಹೀರಾನಗರದಲ್ಲಿ ಅಪ್ರಚೋದಿತ ಗುಂಡಿನ ದಾಳಿ ನಡೆಸಿ ಗಡಿ ನಿಯಮಗಳನ್ನ ಉಲ್ಲಂಘಿಸಿದೆ. ಮೂಲಗಳ ಪ್ರಕಾರ ಬೆಳಗ್ಗೆ ಸುಮಾರು 5.30 ಸಮಯದಲ್ಲಿ ಪಾಕಿಸ್ತಾನ ಕಾತುಹಾ ಜಿಲ್ಲೆಯಲ್ಲಿ ಭಾರೀ ಪ್ರಮಾಣದದಲ್ಲಿ ಗುಂಡು ಮತ್ತು ಶೆಲ್ ದಾಳಿಗಳನ್ನ ನಡೆಸಿದೆ ಎಂದು ತಿಳಿದು ಬಂದಿದೆ.
ಇದೇ ವೇಳೆ ಪಾಕಿಸ್ತಾನದ ಬೇಹುಗಾರಿಕಾ ಡ್ರೋನ್ ಕ್ಯಾಮರವನ್ನ ಬಿಎಸ್ಎಫ್ ಯೋಧರು ಹೊಡೆದುರುಳಿಸಿದ್ದಾರೆ.
