ಕೂಲ್​​ ಕ್ಯಾಪ್ಟನ್ ಹುಟ್ಟುಹಬ್ಬಕ್ಕೆ ಸ್ಪೆಷಲ್​ ಗಿಫ್ಟ್ – ಟ್ರೆಂಡಿಂಗ್​ನಲ್ಲಿ ಬ್ರಾವೋ “ನಂ7” ಸಾಂಗ್​​

ರೈಸಿಂಗ್​ ಕನ್ನಡ:

ಮಹೇಂದ್ರ ಸಿಂಗ್​ ಧೋನಿ..! ಟೀಮ್​ ಇಂಡಿಯಾದ ಶಕ್ತಿ. ಅದೆಷ್ಟೋ ಯುವ ಕ್ರಿಕೆಟಿಗರ ಪಾಲಿಗೆ ರೋಲ್​ ಮಾಡೆಲ್​. ಭಾರತೀಯ ಕ್ರಿಕೆಟ್​​ನಲ್ಲಿ ವಿಕೆಟ್​ ಕೀಪರ್​ ಒಬ್ಬನ ಅವಶ್ಯಕತೆ ಮತ್ತು ಆತನ ಬ್ಯಾಟಿಂಗ್​​ ಹೇಗಿರಬೇಕು ಅನ್ನೋದನ್ನ ತಿಳಿಸಿಕೊಟ್ಟ ಸ್ಟಾರ್​ ಕ್ರಿಕೆಟರ್​. ತಾನು ಹೋದಲ್ಲಿ ತನ್ನದೇ ಶೈಲಿ ಹಾಗೂ ತನ್ನದೇ ವ್ಯಕ್ತಿತ್ವವನ್ನು ರೂಪಿಸಿಕೊಂಡವರು ಮಾಹಿ. ಟೀಮ್​ಇಂಡಿಯಾದಲ್ಲಿ ದಿನಕ್ಕೊಂದು ವಿಕೆಟ್​ ಕೀಪರ್​ ಅನ್ನೋ ಕಾನ್ಸೆಪ್ಟ್​ ಅನ್ನು ತೆಗೆದು ಹಾಕಿ ತನ್ನದೇ ಪರ್ಮನೆಂಟ್​ ಪ್ಲೇಸ್​ ಅಂತ ತೋರಿಸಿ ಕೊಟ್ಟ ಚಲಾಕಿ ನಾಯಕ. ಅತ್ತ ವಿಕೆಟ್​ ಕೀಪರ್​ ಆಗಿ ಸೇಫೇಸ್ಟ್​ ಹ್ಯಾಂಡ್​, ಇತ್ತ ಬ್ಯಾಟ್ಸ್​ಮನ್​ ಆಗಿ ಸೂಪರ್​ ಫಿನಿಷರ್​. ಒಟ್ಟಿನಲ್ಲಿ ಟೀಮ್​ ಇಂಡಿಯಾದ ಪಾಲಿಗೆ ಮಹೇಂದ್ರ ಸಿಂಗ್​ ಧೋನಿ ಅಪ್ರತಿಮ ಆಸ್ತಿ.

39ನೇ ಜನ್ಮದಿನದ ಸಂಭ್ರಮದಲ್ಲಿರುವ ಮಹೇಂದ್ರ ಸಿಂಗ್​​ ಧೋನಿಗೆ ಅದೆಷ್ಟೋ ಅಭಿಮಾನಿಗಳು ಶುಭ ಹಾರೈಸಿದ್ದಾರೆ. ಕ್ರಿಕೆಟ್​​ ಕ್ಷೇತ್ರದ ಅಜಾತಶತ್ರುವಾಗಿರುವ ಧೋನಿಗೆ ಐಪಿಎಲ್​​ನಿಂದ ಹಿಡಿದು ವಿಶ್ವದಾದ್ಯಂತ ಕ್ರಿಕೆಟಿಗರೇ ಬೆಸ್ಟ್​ ಪ್ರೆಂಡ್ಸ್​ ಅಂಡ್​ ಫ್ಯಾಮಿಲಿ ಮೆಂಬರ್ಸ್​. ಚೆನ್ನೈ ಸೂಪರ್​ ಕಿಂಗ್ಸ್​ ತಂಡವಂತೂ ತನ್ನ ನಾಯಕನಿಗೆ ವಿಶೇಷ ಅಭಿಮಾನ ತೋರಿದೆ. ವೆಸ್ಟ್​ ಇಂಡೀಸ್​ ಆಲ್​​ರೌಂಡರ್​ ಮತ್ತು ಚೆನ್ನೈ ಸೂಪರ್​ ಕಿಂಗ್ಸ್​ನ ಸೂಪರ್​ ಸ್ಟಾರ್​ ಡ್ವೈನ್​ ಬ್ರಾವೋ ತನ್ನ ನೆಚ್ಚಿನ ನಾಯಕನಿಗೆ ಹೊಸ ಸಾಂಗ್​ ಒಂದನ್ನು ಬಿಡುಗಡೆಮಾಡಿದ್ದಾರೆ. “ನಂಬರ್​ 7” ಹೆಸರಿನ ಈ ಹಾಡು ಮಾಹಿ ಜನ್ಮದಿನಕ್ಕೆ ಉಡುಗೊರೆಯೂ ಹೌದು.

ಮಾಹಿ ಕಳೆದ ವರ್ಷದ  ಐಸಿಸಿ ಏಕದಿನ ವಿಶ್ವಕಪ್‌ ಟೂರ್ನಿ ಸೆಮಿಫೈನಲ್‌ ಬಳಿಕ ಟೀಮ್​ ಇಂಡಿಯಾದಲ್ಲಿ ಕಾಣಿಸಿಕೊಂಡಿಲ್ಲ. ಹೀಗಾಗಿ ಧೋನಿ ಯುಗ ಮಗಿಯಿತು ಎಂದು ಬಹುತೇಕರು ವಾದ ಮಾಡ್ತಿದ್ದಾರೆ. ಧೋನಿ ಬಗ್ಗೆ ಹಲವು ಕಡೆ ಚರ್ಚೆಗಳು ನಡೆಯುತ್ತಿದ್ದರೂ, ಮಾಜಿ ನಾಯಕ ಈ ಬಗ್ಗೆ ಒಂದೇ ಒಂದು ಮಾತೂ ಆಡಿಲ್ಲ.  ಎಲ್ಲಾ ಅಂದುಕೊಂಡಂತೆ ನಡೆದಿದ್ದರೆ ಧೋನಿ ಐಪಿಎಲ್​ನಲ್ಲಿ ಕಣಕ್ಕಿಳಿಯಬೇಕಿತ್ತು. ಆದರೆ ಕೊರೊನಾ ವೈರಸ್​ ಧೋನಿಯ ಕಂ ಬ್ಯಾಕ್​​ ಪ್ಲಾನ್​ಗೂ ಕೊಕ್ಕೆ ಹಾಕಿದೆ.  

ಇನ್ನು ಚೆನ್ನೈ ಸೂಪರ್​ ಕಿಂಗ್ಸ್​ ತಂಡಕ್ಕೆ ಧೋನಿ ಹುಟ್ಟುಹಬ್ಬ ಅಂದ್ರೆ ಹಬ್ಬ ಇದ್ದ ಹಾಗೆ.  ಸಿಎಸ್​ಕೆ  ತನ್ನ ಅಧಿಕೃತ ಟ್ವಿಟರ್‌ನಲ್ಲಿ ” ದಿ ಹೆಲಿಕಾಪ್ಟರ್‌ 7 ಟೇಕಾಫ್ ಆಗಿದೆ! ಥಲಾ ಎಂ.ಎಸ್ ಧೋನಿಗೆ ಡಿ.ಜೆ ಬ್ರಾವೊರಿಂದ ಗೌರವ, ಧೋನಿ #ವಿಸ್ಟಲ್‌ಪೋಡು” ಎಂಬ ಶೀರ್ಷಿಕೆ ಜೊತೆಗೆ ವಿಷ್​ ಮಾಡಿದೆ. ಸಿಎಸ್​ಕೆಯ ಹಲವು ಆಟಗಾರರು ಧೋನಿಗೆ ಶುಭ ಕೋರಿದ್ದಾರೆ.