Featured
ಶಕ್ತಿಕೇಂದ್ರಕ್ಕೂ ಕೊರೊನಾ ಭೀತಿ – ಸಂಪೂರ್ಣ ವಿಧಾನಸೌಧಕ್ಕೆ ಮಾಡಲಾಗುತ್ತಿದೆ ಸ್ಯಾನಿಟೈಸ್..!
ರೈಸಿಂಗ್ ಕನ್ನಡ :
ಬೆಂಗಳೂರು :
ರಾಜಧಾನಿ ಬೆಂಗಳೂರಿನಲ್ಲಿ ಕೊರೊನಾ ಅಟ್ಟಹಾಸ ಹೆಚ್ಚುತ್ತಲೇ ಇದೆ. ದಿನೇ ದಿನೇ ಸಾವಿರಕ್ಕೂ ಹೆಚ್ಚು ಪಾಸಿಟಿವ್ ಪ್ರಕರಣಗಳು ದಾಖಲಾಗುತ್ತಿವೆ. ಕೊರನಾ ಬಿಸಿ ಕೇವಲ ಜನಸಾಮಾನ್ಯರಿಗಷ್ಟೇ ಅಲ್ಲ, ಶಕ್ತಿ ಕೇಂದ್ರ ವಿಧಆನಸೌಧಕ್ಕೂ ತಟ್ಟಿದೆ.
ಕೊರೊನಾ ಭೀತಿ ಹಿನ್ನಲೆಯಲ್ಲಿ ಇಡೀ ವಿಧಾನಸೌಧವನ್ನ ಸ್ಯಾನಿಟೈಸ್ ಮಾಡಲಾಗುತ್ತಿದೆ. ಸೋಮವಾರ ಬೆಳಗ್ಗಿನಿಂದಲೇ ಶಕ್ತಿ ಕೇಂದ್ರವನ್ನ ಸ್ಯಾನಿಟೈಸ್ ಮಾಡೋ ಕಾರ್ಯ ಶುರುವಾಗಿದೆ. ಸ್ಯಾನಿಟೈಸ್ ಮಾಡೋ ಹಿನ್ನಲೆಯಲ್ಲಿ ವಿಧಾನಸೌಧದ ಸಚಿವಾಲದ ಸಿಬ್ಬಂದಿಯ ಕೆಲಸದ ಅವಧಿಯಲ್ಲಿ ಬದಲಾವಣೆ ಮಾಡಲಾಗಿದೆ. ಸೋಮವಾರ 12 ಗಂಟೆ ನಂತರದಲ್ಲಿ ನೌಕರರಿಗೆ ಕರ್ತವ್ಯಕ್ತೆ ಹಾಜರಾಗಲು ಸೂಚಿಸಲಾಗದೆ.
ಶಕ್ತಿಕೇಂದ್ರದಲ್ಲಿ ಐದಾರು ಕೊರೊನಾ ಕೇಸ್‌ಗಳು ಪತ್ತೆಯಾದ ಹಿನ್ನಲೆಯಲ್ಲಿ ಇಡೀ ಸೌಧಕ್ಕೆ ಸ್ಯಾನಿಟೈಸ್ ಮಾಡಲಾಗುತ್ತಿದೆ. ಒಟ್ಟಿನಲ್ಲಿ ಕೊರೊನಾ ಅಟ್ಟಹಾಕ್ಕೆ ಸಂಪೂರ್ಣ ಬ್ರೇಕ್ ಹಾಕೋದಂತೂ ಸದ್ಯಕ್ಕೆ ಕಷ್ಟ ವಿಷ್ಯ. ಆದ್ರೆ, ಜನರು ಮಾತ್ರ, ಸ್ವಯಂಪ್ರೇರಿತರಾಗಿ ಕಾಳಜಿವಹಿಸದ ಹೊರತು, ಇದರ ಕದಂಬ ಬಾಹುಗಳು ಜನಸಾಮಾನ್ಯರನ್ನ ಆವರಿಸುತ್ತಲೇ ಇರಲಿದೆ.
