Featured
ಕರ್ತವ್ಯದಲ್ಲಿದ್ದ ಕಂಡಕ್ಟರ್, ಪೊಲೀಸ್, ಆರೋಗ್ಯ ಅಧಿಕಾರಿಗಳಿಗೂ ಕೊರೊನಾ..! – ಹಾಸನದಲ್ಲಿ ಆತಂಕ ಹುಟ್ಟಿಸಿದ ಕಿಲ್ಲರ್ ವೈರಸ್
ರೈಸಿಂಗ್ ಕನ್ನಡ :
ಹಾಸನ :
ಕರ್ತವ್ಯದಲ್ಲಿದ್ದ ನಾಲ್ವರು ಕಂಡಕ್ಟರ್, ಇಬ್ಬರು ಪೊಲೀಸ್ ಸಿಬ್ಬಂದಿ ಮತ್ತು ಇಬ್ಬರು ಆರೋಗ್ಯ ಅಧಿಕಾರಿಗಳಿಗೆ ಸೇರಿದಂತೆ ಒಟ್ಟು 25 ಮಂದಿಗೆ ಕರೋನಾ ಪಾಸಿಟಿವ್ ಬಂದಿದ್ದು ಜಿಲ್ಲೆಯ ಜನರನ್ನ ಆತಂಕಕ್ಕೀಡು ಮಾಡಿದೆ.
ನಾಲ್ವರು ಕಂಡಕ್ಟರ್‌ಗಳು ಅರಸೀಕೆರೆ, ತುಮಕೂರು, ಬೆಂಗಳೂರು, ಮಾರ್ಗದ ಬಸ್‌ನಲ್ಲಿ ಕರ್ತವ್ಯ ನಿರ್ವಹಿಸಿದ್ದಾರೆ. ಇವರು ಓಡಾಡಿದ್ದ ಬಸ್‌ನಲ್ಲಿ ಯಾವೆಲ್ಲಾ ಪ್ರಯಾಣಿಕರಿದ್ದರೋ ಅನ್ನೋದು ಈಗ ಜಿಲ್ಲಾಡಳಿತವನ್ನ ಕಾಡುತ್ತಿರೋ ಪ್ರಶ್ನೆ. ಸೋಂಕಿತ ಕಂಡಕ್ಟರ್‌ಗಳು ಹಲವರ ಜೊತೆ ಪ್ರಾಥಮಿಕ ಸಂಪರ್ಕ ಹೊಂದಿದ್ದಾರೆ. ಇವರಷ್ಟೇ ಅಲ್ಲದೆ 25 ಜನರಲ್ಲಿ ಇಬ್ಬರು ಪೊಲೀಸ್ ಸಿಬ್ಬಂದಿ, ಇಬ್ಬರು ಆರೋಗ್ಯ ಇಲಾಖೆ ಸಿಬ್ಬಂದಿಗೂ ಕೊರೋನ ಪಾಸಿಟಿವ್ ಬಂದಿರುವುದು ಆತಂಕ ಮೂಡಿಸಿದೆ.
ಓರ್ವ 26 ವರ್ಷದ ಯುವಕ ಕೊರೋನಾದಿಂದ ಮೃತಪಟ್ಟಿದ್ದಾನೆ. ಇದುವರೆಗೂ ಹಾಸನದಲ್ಲಿ 479 ಕೊರೊನಾ ಪಾಸಿಟಿವ್ ಬಂದಿದ್ದು, 255 ಜನ ಗುಣಮುಖರಾಗಿದ್ದಾರೆ.
