ಡಿಕೆಶಿ ಪಟ್ಟಾಭಿಷೇಕಕ್ಕೆ ಸಕಲ ಸಿದ್ದತೆ- ಎಲ್ಲಾ ಕಡೆಯೂ ಲೈವ್​ ವೀಕ್ಷಣೆಗೆ ವ್ಯವಸ್ಥೆ

ದುಗೇಶ್​ ಮಂಗಿಹಾಳ, ಯಾದಗಿರಿ:

ರಾಜ್ಯ ಕಾಂಗ್ರೆಸ್ ನಾಯಕರ ಮಾರ್ಗದರ್ಶನದಂತೆ ಪಕ್ಷದಲ್ಲಿ ಕಾರ್ಯ ಚಟುವಟಿಕೆಗಳನ್ನು ‌ನಡೆಸುತ್ತಿರುವ ಯಾದಗಿರಿ ಕಾಂಗ್ರೆಸ್ ಜಿಲ್ಲಾ ಯುವ ಘಟಕದ ಉಪಾಧ್ಯಕ್ಷ ಅವಿನಾಶ್ ಜಗನಾಥ್, ತಮ್ಮ ನೆಚ್ಚಿನ ನಾಯಕ, ಅಭಿವೃದ್ಧಿ ಹರಿಕಾರ ಡಿಕೆಶಿ ಶಿವಕುಮಾರ ಅವರ ಕೆಪಿಸಿಸಿ “ಪ್ರತಿಜ್ಞಾ” ಕಾರ್ಯಕ್ರಮ ನಡೆಯಲಿದೆ. ಬಹಳ ಹುರುಪಿನಿಂದ ಅವಿನಾಶ್ ತನ್ನದೆ ಯುವ ಬಳಗದೊಂದಿಗೆ ತನ್ನ ಬಡಾವಣೆಯಲ್ಲಿ ಕಾರ್ಯಕ್ರಮದ ನೇರ ಪ್ರಸಾರ ವೀಕ್ಷಿಸಲು ಸಿದ್ದತೆ ಮಾಡುತ್ತಿದ್ದಾರೆ. ಲಾಕ್ ಡೌನ್ ಹಿನ್ನಲೆಯಲ್ಲಿ ನೇರವಾಗಿ ಬೆಂಗಳೂರು ಕಾರ್ಯಕ್ರಮಕ್ಕೆ ತೆರಳಿ ಶುಭಾಶಯಗಳು ಕೋರಲು ಸಾಧ್ಯವಾಗ್ತಿಲ್ಲ. ಡಿಕೆಶಿ ಅವರ ಕಟ್ಟಾ ಅಭಿಮಾನಿಯಾಗಿರುವ ಅವಿನಾಶ್​, ಅವರಂತೆ ಆಗದಿದ್ದರೂ ಅವರ ತತ್ವ ಆದರ್ಶಗಳನ್ನು ಪಾಲನೆ ಮಾಡುತ್ತಿದ್ದಾರೆ. ಡಿಕೆಶಿಯಂತೆ ರಾಜಕೀಯ ಚತುರತೆ ಬೆಳೆಸಿಕೊಂಡು ಸ್ಥಳೀಯ ಸಂಸ್ಥೆ ಚುನಾವಣೆಯಲ್ಲಿ ತಮ್ಮ ತಾಯಿಯನ್ನು ಗೆಲ್ಲಿಸಿದ್ದಾರೆ. ಅಲ್ಲದೆ ಲಾಕ್ ಡೌನ್ ಸಮಯದಲ್ಲಿ ಸತತ ಎರಡು ತಿಂಗಳು ಕಾಲ ಬಡವರಿಗೆ ಉಚಿತ ಊಟ, ಆಹಾರದ ಕಿಟ್ ವಿತರಣೆ ಮಾಡಿ ಜನರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ತಮ್ಮ ನೆಚ್ಚಿನ ನಾಯಕ ನೂತನ ಕೆಪಿಸಿಸಿ ಪಟ್ಟಧಿಕಾರ ಸ್ವೀಕಾರ ಹಿನ್ನಲೆಯಲ್ಲಿ ಡಿಕೆಶಿಗೆ ಶುಭಾಶಯಗಳನ್ನು ಕೋರಿದ್ದಾರೆ.‌ ಅಲ್ಲದೆ ಕಾಂಗ್ರೆಸ್ ನ ಮುಂದಿನ ಸಿಎಂ ಡಿಕೆಶಿ ಎಂಬುದು ಅವಿನಾಶ್​ ಬಲವಾದ ನಂಬಿಕೆ.