ಇನ್ನೂ 6 ತಿಂಗಳು ಕೊರೊನಾ ಇರಬಹುದು, ಮಾನಸಿಕವಾಗಿ ಸಜ್ಜಾಗಿ – ಜುಲೈ, ಆಗಸ್ಟ್‌ನಲ್ಲಿ ಕೇಸ್‌​ಗಳು ಉಲ್ಬಣಿಸಬಹುದು : ಆರ್. ಅಶೋಕ್

ರೈಸಿಂಗ್​ ಕನ್ನಡ:

ಬೆಂಗಳೂರು:

ಕೊರೊನಾ ಸೋಂಕಿತರಿಗೆ ಚಿಕಿತ್ಸೆ ನೀಡಲು ವೈದ್ಯಕೀಯ ಸಿಬ್ಬಂಧಿಗಳು ಇನ್ನೂ ಆರು ತಿಂಗಳ ಕಾಲ ಮಾನಸಿಕವಾಗಿ ಸಿದ್ಧರಾಗಿರಬೇಕು ಎಂದು ಕೋವಿಡ್ ಉಸ್ತುವಾರಿ ಆರ್. ಅಶೋಕ್ ಸೂಚಿಸಿದ್ದಾರೆ. ವಿಧಾನಸೌಧದಲ್ಲಿ ಮಾತನಾಡಿದ ಆರ್​. ಅಶೋಕ್​​, ಜುಲೈ, ಆಗಸ್ಟ್​ನಲ್ಲಿ ಕೊರೊನಾ ಕೇಸ್​ಗಳು ವಿಶ್ವದಾದ್ಯಂತ ಹೆಚ್ಚಾಗಬಹುದು, ಕರ್ನಾಟಕದಲ್ಲೂ ಸೋಂಕಿತರ ಸಂಖ್ಯೆ ಹೆಚ್ಚಾಗಲಿದೆ. ಸರಕಾರ ಸೋಂಕಿತರಿಗೆ ಚಿಕಿತ್ಸೆ ನೀಡಲು ಸರ್ವರೀತಿಯಲ್ಲಿ ಸಿದ್ಧವಾಗಿ ಎಂದು ತಿಳಿಸಿದ್ರು.

ಪಾಸಿಟಿವ್​ ಕೇಸ್​ಗಳು ಹೆಚ್ಚಾಗಬಹುದಾದ ಸನ್ನಿವೇಶ ಇರುವುದರಿಂದ ಯಾರು ಕೂಡ ಭಯಭೀತರಾಗಬಾರದು ಎಂದು ಸರಕಾರ ಹಲವು ರೀತಿಯ ಕ್ರಮ ಕೈಗೊಂಡಿದೆ. ಕೋವಿಡ್ ಲಕ್ಷಣವಿದ್ದರೆ ತಕ್ಷಣವೇ ಆಸ್ಪತ್ರೆಗೆ ದಾಖಲಾಗಬೇಕು ಎಂದು ಮನವಿ ಅಶೋಕ್​ ಮಾಡಿದ್ದಾರೆ. ಸರ್ಕಾರ ಆಯುರ್ವೇದದಲ್ಲಿ 300 ಬೆಡ್ ಗಳ ವ್ಯವಸ್ಥೆ ಮಾಡಿದೆ. ಬೆಂಗಳೂರು ವಿವಿಯಲ್ಲಿ 1000 ಬೆಡ್ ವ್ಯವಸ್ಥೆ ಆಗಿದೆ. ಕೋರಮಂಗಲ ಇಂಡೋರ್ ಸ್ಟೇಡಿಯಂ ಸೇರಿದಂತೆ ಹಲವೆಡೆ ಬೆಡ್ ವ್ಯವಸ್ಥೆ ಮಾಡಲಾಗುತ್ತಿದೆ. BIEC ಯಲ್ಲಿ 5000 ಬೆಡ್ ವ್ಯವಸ್ಥೆ ಮಾಡಲು ಕ್ರಮಕೈಗೊಳ್ಳಲಾಗಿದೆ. ಮುಂದಿನ 6 ತಿಂಗಳಿಗೆ ಬೇಕಾಗುವ ಎಲ್ಲಾ ವ್ಯವಸ್ಥೆಯನ್ನು ಸರಕಾರ ಮಾಡಲಿದೆ.  ಇಡೀ ವಿಶ್ವದಾದ್ಯಂತ ಪಾಸಿಟಿವ್​ ಕೇಸ್​ ಹೆಚ್ಚಾಗುವುದರಿಂದ ಭಾರತದಲ್ಲೂ ಇದರ ಪರಿಣಾಮ ಆಗಲಿದೆ ಎಂದು ಅಶೋಕ್​ ವಿವರಿಸಿದರು.

ವಿಧಾನ ಸೌಧದಲ್ಲಿನ ನಡೆದ ಸುದ್ದಿಗೋಷ್ಠಿಯಲ್ಲಿ ಸಹಕಾರ ಸಚಿವ ಎಸ್.ಟಿ ಸೋಮಶೇಖರ್, ಸಂಸದ ಪಿಸಿ ಮೋಹನ್ ಭಾಗಿಯಾಗಿದ್ದರು. ಕೊರೊನಾ ಚಿಕಿತ್ಸೆಯನ್ನು ಸರಿಯಾಗಿ ನೀಡುತ್ತಿಲ್ಲ ಎಂದು ವಿಕ್ಡೋರಿಯಾ ಆಸ್ಪತ್ರೆ, ಹಜ್ ಭವನ ಸಾಕಷ್ಟು ಸುದ್ದಿಯಲ್ಲಿತ್ತು. ಈಗ ಅದಕ್ಕೂ ಕ್ರಮಕೈಗೊಳ್ಳಲಾಗಿದೆ. ಎಲ್ಲಾ  ಆಸ್ಪತ್ರೆಗಳಲ್ಲಿ ಸಾರ್ವಜನಿಕ‌ ಸಂಪರ್ಕಾಧಿಕಾರಿಗಳನ್ನ ನಿಯೋಜನೆ ಮಾಡಲಾಗಿದೆ. ಕೋವಿಡ್ ಪರೀಕ್ಷೆ ಆದ ತಕ್ಷಣ ಪೇಷಂಟ್ ಗೆ ಫೋನ್ ಮಾಡ್ತಿದ್ರು. ಇನ್ಮುಂದೆ ರೋಗಿಗೆ ಕರೆ ಮಾಡದಂತೆ ಸರ್ಕಾರ ಆದೇಶ ನೀಡಿದೆ. ICMR ಮತ್ತು BBMP ಪೋರ್ಟಲ್ ಗೆ ರೋಗಿಯ ವಿವರ ಅಪ್ಲೋಡ್ ಮಾಡ್ಬೇಕು. ಅಪ್​ ಲೋಡ್​ ಮಾಡದವರ ವಿರುದ್ಧ ಕಾನೂನು  ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದ್ರು.