ವಿನಯ್ ಗುರೂಜಿಗೆ 50 ಲಕ್ಷಕ್ಕೆ ಬೇಡಿಕೆ ಇಟ್ಟು ಬ್ಲಾಕ್ ಮೇಲ್ ಮಾಡುತ್ತಿದ್ದ ಆರೋಪಿಗಳ ಬಂಧನ

ರೈಸಿಂಗ್ ಕನ್ನಡ :- ರಾಜ್ಯದ ಹೆಸರಂತ ಅವಧೂತ ವಿನಯ್ ಗುರೂಜಿಗೆ ಬ್ಲಾಕ್ ಮೇಲ್ ಮಾಡಿ 50 ಲಕ್ಷಕ್ಕೆ ಬೇಡಿಕೆ ಇಟ್ಟಿದ್ದ ನಾಲ್ಕು ಕಿರಾತಕರನ್ನು ಇಂದು ಸಿಸಿಬಿ ಪೋಲೀಸರು ಬಂಧಿಸಿದ್ದಾರೆ. ಹಣ ಕೊಡದಿದ್ದರೆ ವಿನಯ್ ಗುರೂಜಿ ವಿರುದ್ದ ಅಪಪ್ರಚಾರದ ವಿಡಿಯೋ ವೈರಲ್ ಮಾಡುವುದಾಗಿ ಬೆದರಿಕೆ ಹಾಕಿದ್ದರು.

ಬಂಧಿತರಾದ ಆರೋಪಿಗಳ ಹೆಸರು ಮುನಿರಾಜು, ಮನೋಜ್, ಮುರಳಿ ಮತ್ತು ರವಿಕುಮಾರ್ ಎಂದು ಗುರುತಿಸಲಾಗಿದೆ. ಮುನಿರಾಜ್ ಅಲಿಯಾಸ್ ಟೋಕನ್ ಮುನಿರಾಜ್ ಸೇರಿ 6 ಜನರ ವಿರುದ್ದ ಎಫ್​ಐಆರ್​ ದಾಖಲೆಯಾಗಿದೆ.
ಮುನಿರಾಜು ನೇತೃತ್ವದಲ್ಲಿ ಈ ಟೀಂ ಬ್ಲಾಕ್ ಮೇಲ್ ಮಾಡೋದರಲ್ಲಿ 1ನೇ ಸ್ಥಾನ ಪಡಿದುಕೊಂಡಿದೆ.

ಒಂದು ತಿಂಗಳಿನಿಂದ ಅವಧೂತ ವಿನಯ್ ಗುರೂಜಿಗೆ ಬ್ಲಾಕ್ ಮೇಲ್ ಮಾಡುತ್ತಿದ್ದರು. ಅಷ್ಟೇ ಅಲ್ಲದೇ ಹಣದ ವಿಚಾರವಾಗಿ ವಾಟ್ಸ್ಯಾಪ್ ವಿಡಿಯೋ ಕಾಲ್ ಮಾಡಿ ಬೆದರಿಕೆ ಜೊತೆಗೆ ಒತ್ತಡ ಕೂಡ ಹೇರಿಸುತ್ತಿದ್ದರು.

ವಿನಯ್ ಗುರೂಜಿ ಆಪ್ತ ಪ್ರಶಾಂತ್ ಸಿಸಿಬಿ ಪೋಲಿಸರಿಗೆ ದೂರು ನೀಡಿದ್ದರು. ದೂರು ದಾಖಲಿಸಿಕೊಂಡ ಪೋಲೀಸರು ಪ್ರಕರಣದ ಹಿಂದೆ ಬೆನ್ನತ್ತಿದ್ದರು. ಶೋಧ ಕಾರ್ಯಾಚರಣೆ ನಡೆಸಿದ ಪೋಲೀಸರಿಗೆ ಕೆಂಗೇರಿ ಬಳಿ ನಾಲ್ಕು ಆರೋಪಿಗಳು ಸಿಕ್ಕಿ ಬಿದ್ದಿದ್ದರು.