ಬೆಲ್ಲದ ಕರ್ಜಿಕಾಯಿ ತಯಾರಿಸುವ ವಿಧಾನ

ಬೇಕಾಗುವ ಸಾಮಗ್ರಿಗಳು :- ಚಿರೋಟಿ ರವೆ-2 ಕಪ್ , ಮೈದಾ ಹಿಟ್ಟು-1 ಟೇಬಲ್ ಚಮಚ, ತುಪ್ಪ-1 ಟೀ ಚಮಚ, ಉಪ್ಪು-1 ಚಿಟಿಕೆ, ಹುರಿಗಡಲೆ-ಕಾಲು ಕೆಜಿ, ಬೆಲ್ಲ-1 ಕಪ್, ಬಿಳಿ ಎಳ್ಳು-2 ಚಮಚ, ಗಸಗಸೆ-1 ಚಮಚ, ಒಣ ಕೊಬ್ಬರಿ ತುರಿ -2 ಕಪ್, ಏಲಕ್ಕಿ ಪುಡಿ- ಸ್ವಲ್ಪ, ಕರಿಯಲು ಎಣ್ಣೆ .

ತಯಾರಿಸುವ ವಿಧಾನ :- ಚಿರೋಟಿ ರವೆಗೆ ಮೈದಾ, ಉಪ್ಪು ಮತ್ತು ಬಿಸಿ ಮಾಡಿದ ಎಣ್ಣೆ ಅಥವಾ ತುಪ್ಪ ಹಾಕಿ ಸ್ವಲ್ಪ ಸ್ವಲ್ಪ ನೀರು ಸೇರಿಸಿ ಗಟ್ಟಿಯಾಗಿ ಕಲಸಿ ನಾದಬೇಕು. ಹುರಿಗಡಲೆಯನ್ನು ಮಿಕ್ಸಿಯಲ್ಲಿ ಪುಡಿ ಮಾಡಿಕೊಳ್ಳಬೇಕು. ಅದಕ್ಕೆ ಬೆಲ್ಲವನ್ನು ಕೈಯಿಂದ ಸ್ವಲ್ಪ ಪುಡಿ ಮಾಡಿ ಬೆರೆಸಿ ನಂತರ ಹುರಿದ ಎಳ್ಳು ,ಗಸಗಸೆ,ಕೊಬ್ಬರಿ ತುರಿ ಹಾಗೂ ಏಲಕ್ಕಿ ಪುಡಿ ಹಾಕಿ ಬೆರೆಸಿಡಿ. ನಾದಿಟ್ಟ ಹಿಟ್ಟಿನ ಉಂಡೆಗಳನ್ನು ಪೂರಿ ಗಾತ್ರದ ಎಲೆಗಳಂತೆ ಲಟ್ಟಿಸಿ ಅದರೊಳಗೆ ಒಂದು ಚಮಚ ಹೂರಣ ಹಾಕಿ ಮಡಚಿ ಕಾದ ಎಣ್ಣೆಯಲ್ಲಿ ಕರಿದು ಸವಿಯಿರಿ.