ದರ್ಶನ್​ ಬರ್ತ್​​​ ಡೇ ಫೆಬ್ರವರಿ 16ಕ್ಕೆ ರಾಬರ್ಟ್​ ಟೀಸರ್​ ಬಿಡುಗಡೆ : ಅಭಿಮಾನಿಗಳಿಗೆ ಡಬಲ್​ ಸಂಭ್ರಮ

ರೈಸಿಂಗ್ ಕನ್ನಡ ಸಿನಿಮಾ : ಡಿ ಬಾಸ್ ದರ್ಶನ್​ ಅಭಿಮಾನಿಗಳು ಕಾಯ್ತಿದ್ದ ಆ ದಿನ ಬಂದೇ ಬಿಟ್ಟಿದೆ. ಯೆಸ್, ಕೇವಲ ಅಭಿಮಾನಿಗಳಷ್ಟೇ ಅಲ್ಲದೆ, ಸ್ಯಾಂಡಲ್​ವುಡ್​ ಕಾಯ್ತಿದ್ದ ರಾಬರ್ಟ್​ ಸಿನಿಮಾದ ಟೀಸರ್​ ಬಿಡುಗಡೆಗೆ ದಿನಾಂಕ ಫಿಕ್ಸ್ ಆಗಿದೆ. ಚಾಲೆಂಜಿಂಗ್​ ಸ್ಟಾರ್ ದರ್ಶನ್​ ಹುಟ್ಟುಹಬ್ಬ ಫೆಬ್ರವರಿ 16ರ ಮಧ್ಯರಾತ್ರಿ 12 ಗಂಟೆಗೆ ಟೀಸರ್ ಬಿಡುಗಡೆ ಆಗಲಿದೆ.

ನಿರ್ದೇಶಕ ತರುಣ್​ ಸುಧೀರ್ ಹಾಗೂ ರಾಬರ್ಟ್​ ಸಿನಿಮಾ ತಂಡ ಈ ವಿಚಾರವನ್ನ ಟ್ವಿಟ್ಟರ್​ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ಮೂಲಕ ದರ್ಶನ್​ ಬರ್ತ್​​ ಡೇ ಅನ್ನ ರಾಬರ್ಟ್​ ಟೀಸರ್​ ಜೊತೆ ಆಚರಿಸಿ ಅಂತ ಸಿನಿಮಾ ತಂಡ ಹೇಳಿದೆ.

ಈಗಾಗಲೇ ರಾಬರ್ಟ್​ ಸಿನಿಮಾ ಸಿಕ್ಕಾಪಟ್ಟೆ ಹೈಫ್​ ಕ್ರಿಯೇಟ್ ಮಾಡಿದೆ. ದರ್ಶನ್​ ವಿಭಿನ್ನ ಲುಕ್​ನಿಂದಲೇ ಸಾಕಷ್ಟು ಕ್ರೇಜ್​ ಹುಟ್ಟಿಹಾಕಿರೋ ರಾಬರ್ಟ್​ ಟೀಸರ್ ಹೇಗಿರುತ್ತೆ.? ದರ್ಶನ್ ಮತ್ತಷ್ಟು ಹೊಸ ಅವತಾರದಲ್ಲಿ ಕಾಣಿಸ್ತಾರಾ ಅನ್ನೋ ನಿರೀಕ್ಷೆ ಅಭಿಮಾನಿಗಳು ಹಾಗೂ ಸಿನಿ ಪ್ರೇಕ್ಷಕರಲ್ಲಿ ಮನೆ ಮಾಡಿದ್ದು, ಫೆಬ್ರವರಿ 16ರಂದು ಗೊತ್ತಾಗಲಿದೆ..