Featured
ಗ್ರೀನ್ ಚಾಲೆಂಜ್ನಲ್ಲಿ ಬ್ಯಾಡ್ಮಿಂಟನ್ ಸ್ಟಾರ್ ಪಿವಿ ಸಿಂಧು : ಏನಿದು..?
ರೈಸಿಂಗ್ ಕನ್ನಡ : ಬ್ಯಾಡ್ಮಿಂಟನ್ ಸ್ಟಾರ್ ಪಿವಿ ಸಿಂಧು ಈಗ ಗ್ರೀನ್ ಚಾಲೆಂಜ್ ಭಾಗವಾಗಿದ್ದಾರೆ. ಇಷ್ಟಕ್ಕೂ ಏನಪ್ಪ ಇದು ಅನ್ಕೊಂಡ್ರಾ..? ವಿಷಯ ಇಷ್ಟೇ ಓದಿ. ರಾಜ್ಯಸಭಾ ಸದಸ್ಯ ಜೋಗಿನಿಪಲ್ಲಿ ಸಂತೋಷ್ ಕುಮಾರ್ ಇತ್ತೀಚೆಗೆ ಗ್ರೀನ್ ಚಾಲೆಂಜ್ ಆರಂಭಿಸಿದ್ರು. ಇದರ ಭಾಗವಾಗಿ ಪಿವಿ ಸಿಂಧು ಕೂಡ ಈ ಚಾಲೆಂಜ್ನಲ್ಲಿ ಭಾಗಿಯಾಗಿದ್ದಾರೆ.
ಗ್ರೀನ್ ಚಾಲೆಂಜ್ ಭಾಗವಾಗಿ ಪಿವಿ ಸಿಂಧು, ಗೋಪಿಚಂದ್ ಅಕಾಡೆಮಿಯಲ್ಲಿ ಮೂರು ಗಿಡಗಳನ್ನ ನೆಟ್ಟಿದ್ದಾರೆ. ಗಿಡಗಳನ್ನ ನೆಟ್ಟಿ ಬಳಿಕ ಮಾತ್ನಾಡಿರೋ ಪಿವಿ ಸಿಂಧು, ಪರಿಸರ ರಕ್ಷಣೆ ನಮ್ಮೆಲ್ಲರ ಹೊಣೆ. ಮುಂದಿನ ಪೀಳಿಗೆಗಾಗಿ ನಾವು ಪರಿಸರ ಹಾಗೂ ಮರ ಗಿಡಗಳನ್ನ ರಕ್ಷಣೆ ಮಾಡಿ, ಬೆಳೆಸಬೇಕು ಎಂದು ಹೇಳಿದ್ರು . ಗ್ರೀನ್ ಚಾಲೆಂಜ್ ಮೂಲಕ ಈ ರೀತಿಯ ಪರಿಸರ ರಕ್ಷಣೆಗೆ ಸರ್ಕಾರಗಳು ಮುಂದಾಗಿರೋದು ಮೆಚ್ಚುವಂತಹ ಕೆಲಸ ಎಂದು ಕೊಂಡಾಡಿದ್ರು.
