ಜೆಡಿಎಸ್​ ಹಾಗೂ ಹೆಚ್​ಡಿ ಕುಮಾರಸ್ವಾಮಿಗೆ ಮತ್ತೊಂದು ಶಾಕ್​..? ಏನದು ಗೊತ್ತಾ..?

ರೈಸಿಂಗ್ ಕನ್ನಡ : ಜೆಡಿಎಸ್​ ಹಾಗೂ ಮಾಜಿ ಸಿಎಂ ಕುಮಾರಸ್ವಾಮಿ ವಿರುದ್ಧ ಪಕ್ಷದ ನಾಯಕರೇ ಭಿನ್ನಮತ ಹೊರಗೆ ಹಾಕಿರೋದು ಗೊತ್ತೇ ಇದೆ. ಇನ್ನೇನು ಎಲ್ಲವೂ ಸರಿಯಾಯ್ತು ಎನ್ನುವಷ್ಟರಲ್ಲೇ ಮಾಜಿ ಸಿಎಂ ಕುಮಾರಸ್ವಾಮಿಗೆ ಹೊಸತೊಂದು ಶಾಕ್​ ಎದುರಾಗೋ ಸಾಧ್ಯತೆ ಇದೆ. ಶನಿವಾರವಷ್ಟೇ ಮಾಧ್ಯಮ ಸಂವಾದದಲ್ಲಿ ಮಾತ್ನಾಡಿದ ಹೆಚ್​ಡಿಕೆ, ರೋಗಿಗೆ ಯಾವ ರೋಗ ಅಂತ ಹೇಳಿದ್ರೆ ಮದ್ದು ಕೊಡಬಹುದು ಎಂದು ಟಾಂಗ್ ನೀಡಿದ್ರು.

ರೋಗ ಯಾವುದು ಅಂತ ಗೊತ್ತಾದ್ರೆ, ಮಾತ್ರ ಚಿಕಿತ್ಸೆ ನೀಡಬಹುದು ಎಂದಿದ್ದ ಹೆಚ್​ಡಿಕೆ ವಿರುದ್ಧ ಮತ್ತೊಮ್ಮೆ ಬಂಡಾಯದ ಬಾವುಟ ಹಾರಿಸಲು ಜೆಡಿಎಸ್ ನಾಯಕರು ಮುಂದಾಗಿದ್ದಾರೆ. ಉಪ ಚುನಾವಣೆಯಲ್ಲಿ ಪಕ್ಷದ ಪರ ಕೆಲಸ ಮಾಡದೆ, ತಟಸ್ಥವಾಗಿರಲು ಚಿಂತನೆ ನಡೆಸಿದ್ದಾರೆ. ಪಕ್ಷದ ವತಿಯಿಂದ ನಡೆಯೋ ಪ್ರಚಾರ ಹಾಗೂ ಸಿದ್ಧತೆ ಕುರಿತ ಮಾತುಕತೆ, ಚರ್ಚೆಗಳ ಸಭೆಯಲ್ಲಿ ಭಾಗಿಯಾಗದಿರಲು ನಿರ್ಧರಿಸಿದ್ದಾರೆ.

ಜೆಡಿಎಸ್​ನ ಹಲವು ಎಂಎಲ್​ಸಿಗಳು, ಶಾಸಕರು ಸೇರಿದಂತೆ ಹೆಚ್​.ಡಿ. ಕುಮಾರಸ್ವಾಮಿ ವಿರುದ್ಧ ಅಸಮಾಧಾನ ಹೊರಹಾಕಿದ್ರು. ಅಲ್ದೆ, ಕಾಂಗ್ರೆಸ್ ಮತ್ತು ಬಿಜೆಪಿಯತ್ತ ಪಕ್ಷಾಂತರ ಮಾಡಲು ಚಿಂತನೆ ಕೂಡ ನಡೆಸಿದ್ರು. ಹೀಗಾಗಿ, ಸದ್ಯಕ್ಕೆ ಜೆಡಿಎಸ್​ ಭಿನ್ನಮತ ಬೂದಿ ಮುಚ್ಚಿದ ಕೆಂಡದಂತೆ ಇದೆ. ಮುಂದಿನ ದಿನಗಳಲ್ಲಿ ಹೆಚ್​.ಡಿ. ಕುಮಾರಸ್ವಾಮಿಗೆ ಮತ್ತಷ್ಟು ಶಾಕಿಂಗ್ ನ್ಯೂಸ್ ಎದುರಾಗೋ ಸಾಧ್ಯತೆ ಇದೆ ಎಂದು ರಾಜಕೀಯ ವಲಯದಲ್ಲಿ ಚರ್ಚೆ ನಡೀತಿದೆ.