ದರ್ಶನ್​ ಒಡೆಯ ಸಿನಿಮಾದ ಟೀಸರ್​ ಹೇಗಿದೆ ಗೊತ್ತಾ..? : ವಿಡಿಯೋ ಜೊತೆ ಈ ನ್ಯೂಸ್ ಓದಿ

ಬೆಂಗಳೂರು : ಚಾಲೆಂಜಿಂಗ್​ ಸ್ಟಾರ್​ ದರ್ಶನ್ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ಒಡೆಯ ಚಿತ್ರದ ಟೀಸರ್​ ಬಿಡುಗಡೆ ಆಗಿದೆ. ದರ್ಶನ್  ಅಭಿಮಾನಿಗಳಿಗೆ ಕನ್ನಡ ರಾಜ್ಯೋತ್ಸವದ ಉಡುಗೊರೆ ನೀಡಿದ್ದಾರೆ. 40 ಸೆಕೆಂಡ್​​​ ಇರೋ ಈ ಟೀಸರ್​ನಲ್ಲಿ ದರ್ಶನ್​ ಡೈಲಾಗ್​ಗಳೇ ಹೈಲೆಟ್ಸ್​​​.

ನಾನು ಅಧಿಕಾರದ ಆಸೆಯಿಂದ ಬಂದಿಲ್ಲ. ಅಧಿಕಾರವೇ ಆಸೆ ಪಟ್ಟು ನನ್ನನ್ನ ಇಲ್ಲಿಗೆ ಕರೆಸಿಕೊಂಡಿದೆ. ಇನ್ಮುಂದೆ ಅಧಿಕಾರನೂ ನಂದೆನೇ, ಆಜ್ಞೇನೂ ನಂದೆನೇ. ನನ್ನ ಫೇಸ್​ ಮಾಡ್ಬೇಕು ಅಂದ್ರೆ, ಗುಂಡಿಗೆಯಲ್ಲಿ ಧಮ್​ ಇರಬೇಕು ಅನ್ನೋ ಮಾಸ್​ ಡೈಲಾಗ್​ಗಳು ಟೀಸರ್​ನಲ್ಲಿವೆ. ದರ್ಶನ್​ ಫೈಟ್ಸ್​, ಲುಕ್​​, ಮಾಸ್​ ಎಂಟ್ರಿ ಟೀಸರ್​ನಲ್ಲಿದೆ. ಇದು ಪಕ್ಕಾ ಮಾಸ್ ಸಿನಿಮಾ ಅನ್ನೋದನ್ನ ಟೀಸರ್​ ತೋರಿಸುತ್ತೆ.

ಒಡೆಯ ಸಿನಿಮಾದ ಟೀಸರ್​ ಇಲ್ಲಿದೆ ನೋಡಿ.

ಇನ್ನು ಇವತ್ತು ಬೆಳಗ್ಗೆ 9 ಗಂಟೆ 55 ನಿಮಿಷಕ್ಕೆ ಬಿಡುಗಡೆಯಾದ ಒಡೆಯ ಟೀಸರ್​, ಯೂಟ್ಯೂಬ್​​ನಲ್ಲಿ ಧೂಳೇಬಿಟ್ಟಿಸಿದೆ. ಕನ್ನಡದ ಯಾವ ಸ್ಟಾರ್ ನಟರಿಗೂ ಸಿಗದ ಲೈಕ್ಸ್​, ವೀವ್ಸ್​​ ಒಡೆಯ ಸಿನಿಮಾಗೆ ಸಿಕ್ಕಿದೆ. ಕೇವಲ ಅರ್ಧ ಗಂಟೆಯಲ್ಲೇ 5 ಲಕ್ಷ ವೀವ್ಸ್​ ಪಡೆದಿರೋ ಒಡೆಯ ಹೊಸ ದಾಖಲೆ ಸೃಷ್ಟಿಸಿದೆ. ದರ್ಶನ್ ಅಭಿಮಾನಿಗಳು ಒಡೆಯ ಟೀಸರ್ ನೋಡಿ, ಫುಲ್ ಖುಷಿಯಾಗಿದ್ದಾರೆ.