Featured
ಮೈಸೂರಲ್ಲಿ ಬಿಗ್ ಬಾಸ್ ಜೋಡಿ ಚಂದನ್ ಶೆಟ್ಟಿ ಹಾಗೂ ನಿವೇದಿತಾ ಗೌಡ ನಿಶ್ಚಿತಾರ್ಥ
ಮೈಸೂರು : ಮೈಸೂರು ದಸರಾದ ಯುವ ದಸರಾ ವೇದಿಕೆಯಲ್ಲಿ ಪ್ರಪೋಸ್ ಮಾಡಿ ಯಡವಟ್ಟ ಮಾಡ್ಕೊಂಡಿದ್ದ ಬಿಗ್ ಬಾಸ್ ಜೋಡಿ ಕೊನೆಗೂ ರಿಯಲ್ ಲೈಫ್ನಲ್ಲಿ ಒಂದಾಗಿದ್ದಾರೆ. ಯೆಸ್, ನಿರೀಕ್ಷೆಯಂತೆ ಕನ್ನಡರ ರ್ಯಾಪರ್ ಚಂದನ್ ಶೆಟ್ಟಿ ಹಾಗೂ ಬಿಗ್ ಬಾಸ್ ಖ್ಯಾತಿಯ ಗೊಂಬೆ, ನಿವೇದಿತಾ ಗೌಡ ಅಧಿಕೃತವಾಗಿ ನಿಶ್ಚಿತಾರ್ಥವಾಗಿದ್ದಾರೆ. ಈ ಮೂಲಕ ಹಲವರ ಬಾಯಿಗೆ ಆಹಾರವಾಗಿದ್ದ ಜೋಡಿ, ಎಲ್ಲರ ಬಾಯಿ ಮುಚ್ಚಿಸಿದ್ದಾರೆ..
ಮೈಸೂರಿನ ಖಾಸಗಿ ಹೋಟೆಲ್ನಲ್ಲಿ ನಡೆದ ನಿಶ್ಚಿತಾರ್ಥ ಕಾರ್ಯಕ್ರಮಕ್ಕೆ ಆಪ್ತರು, ಬಂಧುಗಳಿಗಷ್ಟೇ ಆಹ್ವಾನ ನೀಡಲಾಗಿತ್ತು. ಮನೆಯಿಂದ ಗ್ರೀನ್ ಸ್ಯಾರಿ ತೊಟ್ಟು ಹೋಟೆಲ್ಗೆ ಬಂದಿದ್ರು ಬೇಬಿ ಡಾಲ್ ನಿವೇದಿತಾ. ಹೊಟೇಲ್ಗೂ ಎಂಟ್ರಿಯಾಗೋ ಮುನ್ನ, ಹೊರಗೆ ಆವರಣದಲ್ಲಿ ಫೋಟೋ ಶೂಟ್ ಕೂಡ ನಡೀತು. ಇಡೀ ಹೊಟೇಲ್ ಕಲರ್ಫುಲ್ ಆಗಿ ಡೆಕೋರೇಟ್ ಮಾಡಲಾಗಿತ್ತು..
ಮಧ್ಯಾಹ್ನ 12.30ಕ್ಕೆ ಇಬ್ಬರು ಪರಿಸ್ಪರ ರಿಂಗ್ ಬದಲಿಸಿಕೊಂಡ್ರು. ಹಿಂದೂ ಸಂಪ್ರದಾಯದಂತೆ ಶಾಸ್ತ್ರೋಕ್ತ ಕಾರ್ಯಕ್ರಮಗಳು ಕೂಡ ನಡೆದ್ವು. ನಿವೇದಿತಾ ಹಸಿರು ಸೀರೆಯಲ್ಲಿ ಕಂಗೊಳಿಸಿದ್ರೆ, ಚಂದನ್ ಶೆಟ್ಟಿ ಬಿಳಿ ಬಟ್ಟೆಯಲ್ಲಿ ಮಿಂಚಿದ್ರು. ಬಳಿಕ ನವ ಜೋಡಿ ಕ್ರೀಮ್ ಕಲರ್ ಮತ್ತು ಲೈಟ್ ಬ್ಲೂ ಕಲರ್ ಮ್ಯಾಚಿಂಗ್ ಮ್ಯಾಚಿಂಗ್ ಡ್ರೆಸ್ನಲ್ಲಿ ಮಿಂಚಿದ್ರು.
ಇತ್ತೀಚೆಗಷ್ಟೇ ನಿವೇದಿತಾಗೆ ಚಂದನ್ ಶೆಟ್ಟಿ ಯುವ ದಸರಾ ವೇದಿಕೆಯಲ್ಲೇ ಪ್ರಪೋಸ್ ಮಾಡಿದ್ರು. ಇದಕ್ಕೆ ನೆಟ್ಟಿಗರು ಪರ ವಿರೋಧ ವ್ಯಕ್ತಪಡಿಸಿದ್ರು. ಕೊನೆಗೂ ಈ ಜೋಡಿ ರಿಯಲ್ ಆಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದು, ಶುಭ ಹಾರೈಸೋಣ..
