ರೈಸಿಂಗ್ ಕನ್ನಡ : ರೋರಿಂಗ್ ಸ್ಟಾರ್ ಶ್ರೀಮುರಳಿ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ಭರಾಟೆ ಬಿಡುಗಡೆ ಕೌಂಟ್ಡೌನ್ ಶುರುವಾಗಿದೆ. ಇದೇ ಶುಕ್ರವಾರ ಭರಾಟೆ ತೆರೆಗೆ ಬರ್ತಿದ್ದು, ಸಾಕಷ್ಟು ನಿರೀಕ್ಷೆ ಹುಟ್ಟಿಸಿದೆ. ಭರ್ಜರಿ ಹುಡುಗ ಚೇತನ್ ನಿರ್ದೇಶನದ ಸಿನಿಮಾ ಇದಾಗಿದ್ದು, ಟ್ರೈಲರ್ನಿಂದಲೇ ಎಲ್ಲರ ನಿರೀಕ್ಷೆ ದುಪ್ಪಟ್ಟು ಮಾಡಿದೆ. ಅದರಲ್ಲೂ ಹೀರೋ ಶ್ರೀಮುರಳಿಯಷ್ಟೇ ಫೋಕಸ್ ನಟಿ ಶ್ರೀಲೀಲಾಗೂ ಸಿಗ್ತಿದೆ.
ಒಂದ್ ಲೆಕ್ಕಾಚಾರದಲ್ಲಿ ಶ್ರೀಲೀಲಾ ಅದೃಷ್ಠದ ಹುಡುಗಿ ಅಂತಲೇ ಹೇಳಬೇಕು.
ಶ್ರೀಲೀಲಾ ಅಭಿನಯದ ಕಿಸ್ ಸಿನಿಮಾ ಬಿಡುಗಡೆಗೂ ಮುನ್ನವೇ ಶ್ರೀಮುರಳಿ ಜೊತೆ ನಟಿಸೋ ಅವಕಾಶ ಸಿಕ್ತು.
ಇದೀಗ ಕಿಸ್ ಕೂಡ ರಿಲೀಸ್ ಆಗಿದ್ದು, ಒಳ್ಳೇ ಓಪನಿಂಗ್ ಜೊತೆ ಉತ್ತಮ ಪ್ರದರ್ಶನ ಕಾಣ್ತಿದೆ. ಶ್ರೀಲೀಲಾ
ಅಭಿನಯದ ಬಗ್ಗೆ ಒಳ್ಳೇ ವಿಮರ್ಶೆ ಕೂಡ ಬರ್ತಿದೆ. ಮೊದಲ ಸಿನಿಮಾ ರೀತಿ ಅನ್ನಿಸೋದಿಲ್ಲ ಅನ್ನೋ ಮಾತುಗಳು
ಕೇಳಿ ಬರ್ತಿವೆ. ಇದೀಗ ಭರಾಟೆ ಸಿನಿಮಾದಲ್ಲೂ ಶ್ರೀಲೀಲಾ ಸಖತ್ ಕ್ಯೂಟ್ ಅಂಡ್ ಬಬ್ಲಿಯಾಗಿ ಕಾಣಿಸಿಕೊಂಡಿದ್ದಾರೆ.
ಭರಾಟೆ ಸಿನಿಮಾದ ಪೋಸ್ಟರ್ಗಳಲ್ಲಿ ಶ್ರೀಲೀಲಾ ಸಖತ್ ಆಗಿ ಮಿಂಚಿದ್ದಾರೆ.
ಸಿನಿಮಾ ಬಗ್ಗೆ ಮಾತ್ನಾಡಿರೋ ಶ್ರೀಲೀಲಾ, ಶ್ರೀಮುರಳಿ ತಾಳ್ಮೆಗೆ ನಾನು ನಿಜಕ್ಕೂ ಮಾರು ಹೋದೆ ಎಂದಿದ್ದಾರೆ. ಭರಾಟೆ ಸಿನಿಮಾದಲ್ಲಿ ರಾಧಾ ರೋಲ್
ಮಾಡ್ತಿರೋ ಶ್ರೀಲೀಲಾ, ಮೂರ್ನಾಲ್ಕು ಶೇಡ್ಗಳಲ್ಲಿ ಕಾಣಿಸಿಕೊಳ್ತಿದ್ದಾರೆ. ರಾಧಾ ಪಾತ್ರಕ್ಕೆ ರಾಯಲ್
ಫೀಲ್ ಇದೆಯಂತೆ. ಪ್ರೀತಿ, ಪ್ರೇಮದ ಜೊತೆ ಪ್ರಬುದ್ಧತೆಯೂ ಸಿನಿಮಾದಲ್ಲಿ ಪ್ರರ್ದಶನ ಆಗಿದೆ ಎಂದು
ತಮ್ಮ ಪಾತ್ರದ ಬಗ್ಗೆ ಮಾತ್ನಾಡಿದ್ದಾರೆ ಶ್ರೀಲೀಲಾ.
ಅದೇನೇ ಆಗ್ಲಿ ಶುಕ್ರವಾರ ಭರಾಟೆ ಸಿನಿಮಾ ರಿಲೀಸ್ ಆಗ್ತಿದ್ದು, ಶ್ರೀಮುರಳಿ
ಹಾಗೂ ಶ್ರೀಲೀಲಾ ಇಬ್ಬರಿಗೂ ಒಂದ್ ರೀತಿ ಪರೀಕ್ಷೆ ಇದ್ದಂತೆ. ಭರಾಟೆ ಸಿನಿಮಾ ಸಕ್ಸಸ್ ಆಗಲಿ ಅಂತ
ಹಾರೈಸೋಣ.
