ಡಿ ಬಾಸ್​ ದರ್ಶನ್​, ರಕ್ಷಿತಾ ಪ್ರೇಮ್​​ ಫೋಟೋ ವೈರಲ್​ : ಏನಿದರ ಮರ್ಮ..?

ಬೆಂಗಳೂರು : ಚಾಲೆಂಜಿಂಗ್​ ಸ್ಟಾರ್ ದರ್ಶನ್​ ಹಾಗೂ ರಕ್ಷಿತಾ ಪ್ರೇಮ್​, ಒಂದು ಕಾಲದ ಸಕ್ಸಸ್​ಫುಲ್ ಜೋಡಿ ಅನ್ನೋದ್ರಲ್ಲಿ ಎರಡು ಮಾತಿಲ್ಲ. ದರ್ಶನ್​ ಹಾಗೂ ರಕ್ಷಿತಾ ಜೊತೆಯಾಗಿ ನಟಿಸಿದ್ದ ಎಲ್ಲಾ ಸಿನಿಮಾಗಳು ಬಾಕ್ಸಾಫಿಸ್​ನಲ್ಲಿ ಧೂಳೆಬ್ಬಿಸಿವೆ. ಇದೀಗ ಹೊಸ ಫೋಟೋವೊಂದು ಸೋಶಿಯಲ್ ಮೀಡಿಯಾದಲ್ಲಿ ಸುಂಟರಗಾಳಿ ಎಬ್ಬಿಸಿದೆ. ಅದೇ ಡಿ ಬಾಸ್ ದರ್ಶನ್​ ಹಾಗೂ ರಕ್ಷಿತಾ ಪ್ರೇಮ್ ಜೊತೆಯಾಗಿರೋ ಫೋಟೋ.

ದರ್ಶನ್​ ಫ್ರೆಂಡ್ ಫಾರ್ ಲೈಫ್. ಇದೊಂದು ಅದ್ಭುತ ಸಂಜೆಯಾಗಿತ್ತು ಎಂದು ಸ್ವತಃ ರಕ್ಷಿತಾ ಪ್ರೇಮ್ ಈ ಫೋಟೋವನ್ನ ತಮ್ಮ ವಾಲ್​ನಲ್ಲಿ ಬರೆದುಕೊಂಡಿದ್ದಾರೆ. ಎಲ್ಲರಿಗೂ ತಿಳಿದುರುವಂತೆ ದರ್ಶನ್ ಹಾಗೂ ರಕ್ಷಿತಾ ಒಳ್ಳೇ ಸ್ನೇಹಿತರು. ಇವರಿಬ್ಬರ ಫೋಟೋ ನೋಡಿದ ಅಭಿಮಾನಿಗಳು ಲಕ್ಷಾಂತರ ಲೈಕ್ಸ್​, ಸಾವಿರಾರು ಕಾಮೆಂಟ್​ ಮಾಡ್ತಿದ್ದಾರೆ.

ನೀವಿಬ್ಬರು ಮತ್ತೆ ತೆರೆಯ ಮೇಲೆ ಮಿಂಚಬೇಕು.. ಒಂದೇ ಸಿನಿಮಾದಲ್ಲಿ ಮತ್ತೆ ಯಾವಾಗ ನಟನೆ. ಇಬ್ಬರುನ್ನೂ ಒಂದೇ ಫೋಟೋದಲ್ಲಿ ನೋಡಿ ಖುಷಿಯಾಯ್ತು. ಡಿಬಾಸ್​ಗೆ ಜೈ.. ಹೀಗೆ ಸಾವಿರಾರು ಕಾಮೆಂಟ್​ಗಳು ಬರ್ತಿವೆ. ರಕ್ಷಿತಾಗೆ ದರ್ಶನ್ ಅಭಿಮಾನಿಗಳು ಸಿಕ್ಕಾಪಟ್ಟೆ ಮೆಸೇಜ್ ಮಾಡ್ತಿದ್ದಾರೆ. ಇದರಿಂದಾಗಿ ಈ ಫೋಟೋ ವೈರಲ್​ ಆಗಿದೆ..