ಅಲೋಕ್​ ಕುಮಾರ್ ಮನೆ ಮೇಲೆ CBI ದಾಳಿ : ಹೆಚ್​.ಡಿ. ಕುಮಾರಸ್ವಾಮಿಗೆ ಸಂಕಷ್ಟ..?

ಬೆಂಗಳೂರು : ಐಪಿಎಸ್​ ಅಧಿಕಾರಿ ಅಲೋಕ್​ ಕುಮಾರ್ ಮನೆ ಮೇಲೆ ಸಿಬಿಐ ದಾಳಿ ನಡೆಸಿದ್ದು, ವಿಚಾರಣೆ ಹಾಗೂ ಪರಿಶೀಲನೆ ನಡೀತು. ಹೆಚ್.ಡಿ. ಕುಮಾರಸ್ವಾಮಿ ಅವಧಿಯಲ್ಲಿ ನಡೆದಿದೆ ಎನ್ನಲಾದ ಫೋನ್​ ಟ್ಯಾಪಿಂಗ್ ವಿಚಾರವಾಗಿ , ಸಿಬಿಐ ದಾಳಿ ನಡೆಸಿದ್ರು. ಸಿಎಂ ಯಡಿಯೂರಪ್ಪ ಪ್ರಕರಣವನ್ನ ಸಿಬಿಐಗೆ ಒಪ್ಪಿಸಿದ್ದರಿಂದ ಹಲವು ರಾಜಕೀಯ ನಾಯಕರು ಸಂಕಷ್ಟಕ್ಕೆ ಸಿಲುಗಿದ್ದಾರೆ ಎನ್ನಲಾಗಿದೆ. ಮೊದಲ ಹಂತದಲ್ಲಿ ಅಲೋಕ್​ ಕುಮಾರ್​ ಸಿಬಿಐ ವಿಚಾರಣೆ, ದಾಳಿ ಎದುರಿಸಿದ್ದು, ಬಂಧನದ ಭೀತಿಯೂ ಇದೆ.

ಇದೇ ವಿಚಾರವಾಗಿ ಮಾತ್ನಾಡಿರೋ ಮಾಜಿ ಸಿಎಂ ಹೆಚ್.ಡಿ. ಕುಮಾರಸ್ವಾಮಿ, ಯಾರ ಮನೆ ಮೇಲೆ ಸಿಬಿಐ ದಾಳಿ ಮಾಡಿದ್ರೆ ಮಾಡಲಿ. ನನಗೂ ಅದಕ್ಕೂ ಸಂಬಂಧ ಇಲ್ಲ. ನನ್ನನ್ನು ಯಾಕೆ ಕೇಳ್ತೀರಿ.? ಎಲ್ಲರ ಅವಧಿಯಲ್ಲೂ ಫೋನ್​ ಟ್ಯಾಪಿಂಗ್​ ಆಗಿರುತ್ತೆ. ಅವರ ಮನೆ ಮೇಲೆ ದಾಳಿ ಮಾಡಿದ್ರೆ, ನಾನ್ಯಾಕೆ ತಲೆಕೆಡಿಸಿಕೊಳ್ಳಲಿ ಎಂದು ಹೇಳಿದ್ದಾರೆ. 

ನನ್ನ ವಿಚಾರಣೆ, ತನಿಖೆ ಬೇಕಾದರೆ ಮಾಡಲಿ. ಅದಕ್ಕೆ ಯಾಕೆ ಗಾಬರಿ. ಅಲೋಕ್​ ಕುಮಾರ್ ಈಗಲೂ ದಕ್ಷ ಅಧಿಕಾರಿಯೇ ಎಂದು ಹೆಚ್.ಡಿ. ಕುಮಾರಸ್ವಾಮಿ ಹೇಳಿದ್ರು. ಒಂದ್ವೇಳೆ ಅಲೋಕ್​ ಕುಮಾರ್​ ವಿಚಾರಣೆ ವೇಳೆ ಹೆಚ್.ಡಿ. ಕುಮಾರಸ್ವಾಮಿ ಹೆಸರು ಬಹಿರಂಗ ಮಾಡಿದ್ರೆ, ಹೆಚ್​ಡಿಕೆ ಕೂಡ ವಿಚಾರಣೆ ಎದುರಿಸಬೇಕಾಗುತ್ತೆ. ಈ ಹಿನ್ನೆಲೆಯಲ್ಲಿ ಕುಮಾರಸ್ವಾಮಿಗೂ ಮುಂದಿನ ದಿನಗಳಲ್ಲಿ ಸಂಕಷ್ಟ ತಪ್ಪಿದ್ದಲ್ಲ ಎನ್ನಲಾಗಿದೆ.