BIG BREAKING : ಕರ್ನಾಟಕದಲ್ಲಿ ಉಪ ಚುನಾವಣೆಯೇ ರದ್ದು : ಅನರ್ಹ ಶಾಸಕರಿಗೆ ಬಿಗ್ ರಿಲೀಫ್

ನವದೆಹಲಿ : ಕರ್ನಾಟಕದ 15 ವಿಧಾನಸಭಾ ಕ್ಷೇತ್ರಗಳಿಗೆ ಘೋಷಣೆಯಾಗಿದ್ದ ಉಪ ಚುನಾವಣೆ ತಾತ್ಕಾಲಿಕವಾಗಿ ರದ್ದಾಗಿದೆ. ಇದರಿಂದಾಗಿ 15 ಅನರ್ಹ ಶಾಸಕರಿಗೆ ಬಿಗ್ ರಿಲೀಫ್​ ಸಿಕ್ಕಿದೆ. ಅನರ್ಹ ಶಾಸಕರ ಪ್ರಕರಣ ಮುಗಿಯೋವರೆಗೆ ಚುನಾವಣೆಗೆ ತಡೆ ನೀಡಿ, ಸುಪ್ರೀಂಕೋರ್ಟ್​ ಆದೇಶ ನೀಡಿದೆ. ಅಕ್ಟೋಬರ್ 22ರಂದು ಮತ್ತೆ ಅನರ್ಹ ಶಾಸಕರ ಪ್ರಕರಣದ ವಿಚಾರಣೆ ನಡೆಯಲಿದೆ.

ಉಪ ಚುನಾವಣೆ ರದ್ದಾಗಿರೋದ್ರಿಂದ ಸಹಜವಾಗಿಯೇ ಅನರ್ಹ ಶಾಸಕರು ಖುಷಿಯಾಗಿದ್ದಾರೆ. ಅಲ್ಲದೆ, ಅನರ್ಹ ಶಾಸಕರ ಪ್ರಕರಣ ಇತ್ಯರ್ಥ ಆಗೋವರೆಗೆ ಚುನಾವಣೆ ಇಲ್ಲ ಎಂದು ಸುಪ್ರೀಂಕೋರ್ಟ್​ ಹೇಳಿದೆ. ಇದರಿಂದಾಗಿ ನಿಟ್ಟುಸಿರು ಬಿಟ್ಟಿರೋ ಅನರ್ಹ ಶಾಸಕರು, ಅಕ್ಟೋಬರ್​ 22ರ ಬಳಿಕ ಕೇಸ್​ ಇತ್ಯರ್ಥ ಆಗಬಹುದು ಅನ್ನೋ ನಿರೀಕ್ಷೆಯಲ್ಲಿದ್ದಾರೆ.

ಅಕ್ಟೋಬರ್ 22ರ ಬಳಿಕ ಅನರ್ಹ ಶಾಸಕರ ಕೇಸ್ ಇತ್ಯರ್ಥವಾದ್ರೆ, ಬಹುಶಃ ಜನವರಿಯಲ್ಲಿ 17 ಕ್ಷೇತ್ರಗಳಿಗೆ ಚುನಾವಣೆ ನಡೆಯಬಹುದು. ಜನವರಿಯಲ್ಲಿ ದೆಹಲಿ ವಿಧಾನಸಭೆಗೆ ಚುನಾವಣೆ ನಡೆಯಲಿದ್ದು, ಆ ಚುನಾವಣೆ ಜೊತೆ ರಾಜ್ಯದಲ್ಲೂ ಉಪ ಚುನಾವಣೆ ಘೋಷಣೆಯಾಗಬಹುದು. ಸದ್ಯ, ಅನರ್ಹ ಶಾಸಕರು ನಿಟ್ಟುಸಿರು ಬಿಟ್ಟಿದ್ದಾರೆ.

ಈ ಮಧ್ಯೆ, ಬಿಜೆಪಿ, ಕಾಂಗ್ರೆಸ್​​ಗೆ ಎದುರಾಗಿದ್ದ ಬಂಡಾಯ ಸದ್ಯಕ್ಕೆ ನಿಲ್ಲುವ ಲಕ್ಷಣ ಕಾಣುತ್ತೆ. ಅದರಲ್ಲೂ ಬಿಜೆಪಿಗೆ ಎದುರಾಗಿದ್ದ ಬಂಡಾಯ ಭೀತಿ ಶಮನಕ್ಕೆ ನಾಯಕರಿಗೆ ಟೈಮ್​ ಸಿಕ್ಕಂತಾಗಿದೆ.