ತೆಲುಗಿನ ಖ್ಯಾತ ಹಾಸ್ಯ ನಟ ವೇಣುಮಾಧವ್ ನಿಧನ : ಚಿತ್ರರಂಗದ ಕಂಬನಿ

ಹೈದರಾಬಾದ್​ : ತೆಲುಗು ಚಿತ್ರರಂಗದ ಹಾಸ್ಯ ನಟ, ವೇಣು ಮಾಧವ್ ಇವತ್ತು ಹೈದರಾಬಾದ್​ನಲ್ಲಿ ಮೃತಪಟ್ಟಿದ್ದಾರೆ. 40 ವರ್ಷದ ವೇಣು ಮಾಧವ್ ಕಿಡ್ನಿ ವೈಫಲ್ಯದಿಂದ ಬಳಲುತ್ತಿದ್ದರು. ಕಳೆದ ವಾರದಿಂದ ಹೈದರಾಬಾದ್​ನ ಯಶೋಧ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ವೇಣು ಮಾಧವ್​ಗೆ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ..

ತೆಲುಗಿನ ಬಹುತೇಕ ಎಲ್ಲಾ ಸ್ಟಾರ್​​ಗಳ ಜೊತೆ ತೆರೆ ಹಂಚಿಕೊಂಡಿದ್ದ ವೇಣು ಮಾಧವ್​, ಚಿರಂಜೀವಿ ಜೊತೆ ಮಾಸ್ಟರ್, ಪವನ್​ ಕಲ್ಯಾಣ್​ ಜೊತೆ ತೊಲಿಪ್ರೇಮ ಚಿತ್ರಗಳ ಮೂಲಕ ತೆಲುಗಿ ವೀಕ್ಷಕರ ಮನೆ ಮಾತಾದ್ರು. ಕೇವಲ ಹಾಸ್ಯನಟನಾಗಿಯೇ ಅಲ್ಲದೆ, ನಾಯಕ ನಟನಾಗಿ ಹಂಗಾಮ, ಭೂಕೈಲಾಸ್, ಪ್ರೇಮಾಭಿಷೇಕಂ ಚಿತ್ರಗಳಲ್ಲಿ ನಟಿಸಿದ್ದಾರೆ.

ನಟ, ಹಾಸ್ಯ ಕಲಾವಿದ, ಮಿಮಿಕ್ರಿ ಆರ್ಟಿಸ್ಟ್, TV ನಿರೂಪಕನಾಗಿಯೂ ಗುರ್ತಿಸಿಕೊಂಡಿದ್ದವರು ವೇಣು ಮಾಧವ್. ಚಿರಂಜೀವಿ, ಬಾಲಕೃಷ್ಣ, ಪ್ರಭಾಸ್, ವೆಂಕಟೇಶ್, ಜೂ. ಎನ್ ಟಿಆರ್, ಮಹೇಶ್​ ಬಾಬು, ಪವನ್ ಕಲ್ಯಾಣ್​​, ಸೇರಿದಂತೆ ತೆಲುಗಿನ ಎಲ್ಲಾ ಸ್ಟಾರ್ ಗಳ ಜೊತೆ ನಟಿಸಿದ್ದಾರೆ. ವೇಣು ಮಾಧವ್ ನಿಧನಕ್ಕೆ ಇಡೀ ತೆಲುಗು ಚಿತ್ರರಂಗ ಸಂತಾಪ ಸೂಚಿಸಿದೆ.