ಕೆಜಿಎಫ್​ ಚಾಪ್ಟರ್​ 2 ಟೀಮ್​ ಸೇರಿದ ಸಂಜಯ್​ ದತ್​ : ಹೈದರಾಬಾದ್​ನಲ್ಲಿ ಯಶ್​ ಜೊತೆ ಶೂಟಿಂಗ್​

ಹೈದರಾಬಾದ್​ : ಕೆಜಿಎಫ್​ ಚಾಪ್ಟರ್ 2 ಸಿನಿಮಾಗಾಗಿ ಇಡೀ ದೇಶವೇ ಕಾಯ್ತಿದೆ. ಕನ್ನಡ ಚಿತ್ರರಂಗವನ್ನ ರಾಷ್ಟ್ರೀಯ ಮಟ್ಟಕ್ಕೆ ಕೊಂಡೊಯ್ದ ಸಿನಿಮಾ ಕೆಜಿಎಫ್​ ಅಂದ್ರೆ ತಪ್ಪಲ್ಲ. ಕೆಜಿಎಫ್​ ಚಾಪ್ಟರ್ 2 ಸಿನಿಮಾಗೆ ಸ್ಟಾರ್​ ಕಾಸ್ಟ್​ ದೊಡ್ಡದಾಗಿದ್ದು, ಈ ಮೊದಲೇ ಹೇಳಿದಂತೆ ಅಧೀರನ ಪಾತ್ರವನ್ನ ಬಾಲಿವುಡ್​ ನಟ ಸಂಜಯ್​ ದತ್ ಮಾಡ್ತಿದ್ದಾರೆ.

ಕೆಜಿಎಫ್​ ಚಾಪ್ಟರ್ 2 ಸಿನಿಮಾ ಹೈದರಾಬಾದ್​ನಲ್ಲಿ ಶೂಟಿಂಗ್ ನಡೀತಿದ್ದು, ಸಂಜಯ್​ ದತ್ ಈಗ ರಾಕಿ ಭಾಯ್​ ಟೀಮ್​ ಸೇರಿದ್ದಾರೆ. ಯಶ್​ ಜೊತೆ ಸಂಜಯ್​ ಸೆಣಸಾಡಲಿದ್ದಾರೆ. ಪ್ರಶಾಂತ್ ನೀಲ್​ ನಿರ್ದೇಶನ ಮಾಡ್ತಿರೋ ಕೆಜಿಎಫ್​​ಗೆ ವಿಜಯ್​ ಕಿರಗಂದೂರು ನಿರ್ಮಾಪಕರು.

2020ಕ್ಕೆ ಕೆಜಿಎಫ್​ 2 ರಿಲೀಸ್​ ಆಗಲಿದ್ದು, ಶೂಟಿಂಗ್ ಶರವೇಗದಿಂದ ಸಾಗಿದೆ. ಸಂಜಯ್​ ದತ್ ಇಷ್ಟು ದಿನ ತನ್ನದೇ ನಿರ್ಮಾಣದ ಪ್ರಸ್ಥಾನಂ ಸಿನಿಮಾದಲ್ಲಿ ಬ್ಯುಸಿಯಾಗಿದ್ರು. ಆ ಸಿನಿಮಾ ಪೂರ್ತಿಯಾದ ಬ ಳಿಕ ಈಗ ಕೆಜಿಎಫ್​ ಟೀಂ ಸೇರಿದ್ದಾರೆ.