ನಮ್ಮನ್ನು ಮಾತುಗಳಲ್ಲೇ ರೇಪ್​ ಮಾಡಿದ್ರು.. ರೆಸ್ಟೋರೆಂಟ್​ನಲ್ಲಿ ಮೂವರು ಮಹಿಳೆಯರಿಂದ ದೂರು..!

ನವದೆಹಲಿ : ಇತ್ತೀಚೆಗಷ್ಟೇ ನವದೆಹಲಿಯ ರೆಸ್ಟೋರೆಂಟ್​ನಲ್ಲಿ ನಡೆದಿರೋ ಘಟನೆ ಇದು. ಮೂವರು ಮಹಿಳೆಯರು ತಮಗಾದ ಕೆಟ್ಟ ಅನುಭವವನ್ನ ಬಹಿರಂಗ ಪಡಿಸಿದ್ದಾರೆ. ಶನಿವಾರ ರಾತ್ರಿ ಸುಮಾರು 10.30ರ ಸಮಯದಲ್ಲಿ ಊಟಕ್ಕೆ ಹೋಗಿದ್ರು. ಈ ವೇಳೆ ಮೂವರು ಮಹಿಳೆಯರು ಟೇಬಲ್​ನಲ್ಲಿ ಕುಳಿತಿದ್ರು. ಪಕ್ಕದಲ್ಲೇ ಕೆಲವು ಯುವಕರು ಕುಳಿತಿದ್ರು. ಈ ವೇಳೆ, ಕೆಟ್ಟದಾಗಿ ಕಾಮೆಂಟ್ಸ್​ ಮಾಡಿದ್ದೇ ಅಲ್ಲದೆ, ಮಾತಿನಲ್ಲೇ ರೇಪ್​ ಮಾಡಿದ್ದಾರಂತೆ.

ಯೆಸ್​​, ಪಕ್ಕದ ಟೇಬಲ್​​ನಲ್ಲಿದ್ದ ಯುವಕರು ಅಸಭ್ಯವಾಗಿ ಕಾಮೆಂಟ್ಸ್ ಮಾಡಿದ್ರು. ಅಶ್ಲೀಲವಾಗಿ ಮಾತನ್ನಾಡಿದ್ರು. ತಮ್ಮ ಕಾಲುಗಳನ್ನ ನಮ್ಮ ಮುಂದೆ ತೋರಿಸಿದ್ರು. ಸುಮಾರು 25 ನಿಮಿಷಗಳ ಕಾಲ ಅವರ ವರ್ತನೆ ನಮ್ಮನ್ನು ಸಾಕಷ್ಟು ಕಷ್ಟಕ್ಕೆ ತಳ್ಳಿತು ಎಂದಿದ್ದಾರೆ. ಎಷ್ಟರ ಮಟ್ಟಿಗೆ ಅಂದ್ರೆ, ಅವರ ಮಾತುಗಳಲ್ಲೇ ನಮ್ಮನ್ನ ರೇಪ್​ ಮಾಡುವಂತೆ ಅನ್ನಿಸ್ತು ಎಂದು ಮಹಿಳೆಯರು ಹೇಳಿದ್ದಾರೆ.

ಯುವಕರ ಕೀಟಲೆ ಹೆಚ್ಚಾದಾಗ ಪೊಲೀಸರಿಗೆ ಫೋನ್ ಮಾಡಲು ಮುಂದಾದೆವು. ಅಷ್ಟರಲ್ಲೇ ಆ ಯುವಕರು ಅಲ್ಲಿಂದ ಕಾಲ್ಕಿತ್ತರು ಎಂದು ಹೇಳಿದ್ದಾರೆ. ಈ ಕುರಿತು ಪೊಲೀಸರಿಗೆ ದೂರು ನೀಡಲಾಗಿದೆ. ತಮಗಾದ ಕೆಟ್ಟ ಅನುಭವವನ್ನ ಓರ್ವ ಮಹಿಳೆ, ಫೇಸ್​​ಬುಕ್​ನಲ್ಲಿ ಬರೆದುಕೊಂಡಿದ್ದಾರೆ.