ರಾಕೇಶ್​ ಸಿದ್ದರಾಮಯ್ಯ ಸಾವಿಗೆ ನಾನೇಕೆ ಕಾರಣವಾಗಲಿ : MTB ಹತಾಶೆ ಹೇಳಿಕೆ : ಭೈರತಿ ಸುರೇಶ್​​

ಬೆಂಗಳೂರು : ರಾಕೇಶ್​ ಸಿದ್ದರಾಮಯ್ಯ ಸಾವಿಗೆ ಭೈರತಿ ಸುರೇಶ್​ ಕಾರಣ ಅನ್ನೋ ಅನರ್ಹ ಶಾಸಕ ಎಂಟಿಬಿ ನಾಗರಾಜ್ ಆರೋಪ, ಭೈರತಿ ಸುರೇಶ್ ಪ್ರತಿಕ್ರಿಯೆ ನೀಡಿದ್ದಾರೆ. ರಾಕೇಶ್​ ನನ್ನ ತಮ್ಮ. ಅವನ ಸಾವಿಗೆ ನಾನೇಕೆ ಕಾರಣವಾಗಲಿ. ಹತಾಶೆ ಮನೋಭಾವದಿಂದ ಎಂಟಿಬಿ ಈ ರೀತಿ ಹೇಳಿಕೆ ನೀಡಿದ್ದಾರೆ ಎಂದು ವಾಗ್ದಾಳಿ ನಡೆಸಿದ್ರು.

ಕೆ.ಆರ್.ಪುರಂನಲ್ಲಿ ಮಾತ್ನಾಡಿದ ಭೈರತಿ ಸುರೇಶ್, ಒಂದು ಸಾವನ್ನ ರಾಜಕೀಯಕ್ಕೆ ಬಳಸಿಕೊಳ್ಳುತ್ತಿರೋದು ಅವರ ಹತಾಶೆ ಎದ್ದುಕಾಣುತ್ತಿದೆ. ರಾಕೇಶ್​ ಸಾವಿಗೆ ಸಿದ್ದರಾಮಯ್ಯ ಅವರು ಮಾತನಾಡಬೇಕು. ಎಂಟಿಬಿ ಮೂರನೇ ವ್ಯಕ್ತಿ. ಆತನಿಗೆ ಮಾತನಾಡುವ ಯಾವ ಹಕ್ಕಿದೆ ಎಂದು ಪ್ರಶ್ನೆ ಮಾಡಿದ್ರು. ಇದೇ ವೇಳೆ, ನಾನು ಗ್ರಾಮ ಪಂಚಾಯ್ತಿ ಸದಸ್ಯನಾಗಿದ್ದಾಗ, ಎಂಟಿಬಿ ಎಲ್ಲಿದ್ದರು ಎನ್ನುವುದನ್ನು ತಿಳಿದುಕೊಳ್ಳಲಿ. ಗ್ರಾಮ ಪಂಚಾಯ್ತಿಯಿಂದ ಶಾಸಕನಾಗಿದ್ದೇನೆ. ನಾನು ಬಚ್ಚಾ ಅಲ್ಲ ಎಂದು ತಿರುಗೇಟು ನೀಡಿದ್ರು.

ಬೇರೆ ಮನೆಯಿಂದ ಬಂದು ಕಾಂಗ್ರೆಸ್​ನಲ್ಲಿ ವಾಸ ಅಂತೀರಲ್ಲ. ನೀವೀಗ ಮಾಡ್ತಿರೋದು ಏನು.? ಹೊಸಕೋಟೆಯಲ್ಲಿ ಬಚ್ಚೇಗೌಡ ಕಟ್ಟಿ ಬೆಳೆಸಿರೋ ಮನೆಯಲ್ಲಿ ನೀವು ವಾಸ ಮಾಡಲು ಹೋಗ್ತಿರೋದು ಸರಿಯೇ..? ನಿಮ್ಮ ಬಂಡವಾಳ, ನೀವು ನಡೆಸಿರೋ ಹಗರಣಗಳ ಬಗ್ಗೆ ನಮಗೂ ಹೊತ್ತು ಎಂದು ತಿರುಗೇಟು ನೀಡಿದ್ರು.