ಮಂಡ್ಯದಲ್ಲಿ ಸುಮಲತಾ ಗೆದ್ದಂತೆ ಹೊಸಕೋಟೆಯಲ್ಲೂ ಸ್ವಾಭಿಮಾನಿ ಕಾಂಗ್ರೆಸಿಗರು ಗೆಲ್ಲಬೇಕು : ಪರೋಕ್ಷವಾಗಿ HDKಗೆ ಸಿದ್ದು ಟಾಂಗ್​..!

ಹೊಸಕೋಟೆ : ಮಾಜಿ ಸಿಎಂ ಸಿದ್ದರಾಮಯ್ಯ ಹೊಸಕೋಟೆಯಲ್ಲಿ ಚುನಾವಣಾ ರಣಕಹಳೆ ಮೊಳಗಿಸಿದ್ದಾರೆ. ಅನರ್ಹ ಶಾಸಕ ಎಂಟಿಬಿ ನಾಗರಾಜ್​ ವಿರುದ್ಧ ರಣಭೇರಿ ಬಾರಿಸಿರೋ ಸಿದ್ದು, ಇಲ್ಲೂ ಕೂಡ ಹೆಚ್​.ಡಿ. ಕುಮಾರಸ್ವಾಮಿಯನ್ನ ಪರೋಕ್ಷವಾಗಿ ಕುಟುಕಿದ್ದಾರೆ. ಎಂಟಿಬಿ ವಿರುದ್ಧ ಸ್ವಾಭಿಮಾನಿ ಹೆಸರಿನಲ್ಲಿ ಕಾಂಗ್ರೆಸ್ ಸಮಾವೇಶ ನಡೆಸ್ತು. ಈ ವೇಳೆ ಮಾತ್ನಾಡಿದ ಸಿದ್ದು, ಮಂಡ್ಯದಲ್ಲಿ ಏನಾಯ್ತು ಅಂತ ಗೊತ್ತಿದೆಯಲ್ಲ. ಸ್ವಾಭಿಮಾನಿಗಳೇ ಮತ ಕೊಡಿ ಎಂದು ಸುಮಲತಾ ಕೇಳಿದ್ರು.. ಸ್ವಾಭಿಮಾನಿ ಮಂಡ್ಯದ ಜನ ವೋಟ್​ ಕೊಟ್ಟು ಗೆಲ್ಲಿಸಿದ್ರು ಎಂದು ಕುಮಾರಸ್ವಾಮಿ ವಿರುದ್ಧ ಪರೋಕ್ಷವಾಗಿ ವಾಗ್ದಾಳಿ ನಡೆಸಿದ್ರು.

ಇನ್ನೂ ಒಂದು ಹೆಜ್ಜೆ ಮುಂದೆ ಹೋದ ಸಿದ್ದರಾಮಯ್ಯ, ಮಂಡ್ಯದ ಜನ ದುಡ್ಡಿಗೆ ಮತ ಮಾರಿಕೊಂಡ್ರಾ..? ಇಲ್ಲ.. ಸ್ವಾಭಿಮಾನಿ ಹೆಸರಲ್ಲಿ ಸುಮಲತಾಗೆ ವೋಟ್​ ಹಾಕಿ ಗೆಲ್ಲಿಸಿದ್ರು ಎಂದು ಸಿದ್ದರಾಮಯ್ಯ ಹೇಳಿದ್ರು. ಈ ಮೂಲಕ, ಮಾಜಿ ಸಿಎಂ ಕುಮಾರಸ್ವಾಮಿ ದುಡ್ಡು ಹಂಚಿದ್ರು, ಹಣ ಖರ್ಚು ಮಾಡಿದ್ರು ಅಂತ ಪರೋಕ್ಷವಾಗಿ ಹೇಳಿದ್ರು. 

ಎಂಟಿಬಿ ನಾಗರಾಜ್​ ನಮ್ಮ ಸರ್ಕಾರದಲ್ಲಿ ಮಂತ್ರಿಯಾದ್ರು. ಇನ್ನೇನು ಮಾಡ್ಬೇಕಿತ್ತು..? ಬಿಜೆಪಿಗೆ ಯಾಕೆ ಹೋಗ್ತಾರೆ ಅನ್ನೋದು ನಮಗೆ ಇನ್ನೂ ತಿಳಿದಿಲ್ಲ ಎಂದು ಸಿದ್ದರಾಮಯ್ಯ ವಾಗ್ದಾಳಿ ನಡೆಸಿದ್ರು. ಕಾಂಗ್ರೆಸ್​ನಿಂದ ಎಲ್ಲಾ ಅನುಭವಿಸಿ, ದ್ರೋಹ ಮಾಡಿದವರಿಗೆ ಹೊಸಕೋಟೆ ಜನತೆ ತಕ್ಕ ಪಾಠ ಕಲಿಸಬೇಕು ಎಂದು ಸಿದ್ದು ಕರೆ ಕೊಟ್ರು.