ನಾನು ಮುಖ್ಯಮಂತ್ರಿ ಆಗೇ ಆಗ್ತೀನಿ, ನೋಡ್ತಾ ಇರಿ : ಡಿಕೆ ಶಿವಕುಮಾರ್ ಚಾಲೆಂಜ್​​..!

ನವದೆಹಲಿ : ಮಾಜಿ ಸಚಿವ, ಕಾಂಗ್ರೆಸ್ ಮುಖಂಡ ಡಿಕೆ ಶಿವಕುಮಾರ್ ಸದ್ಯ ತಿಹಾರ್ ಜೈಲಿನಲ್ಲಿದ್ದಾರೆ. ಆದ್ರೆ, ತಿಹಾರ್ ಜೈಲಿನಲ್ಲಿದ್ದರೂ ಡಿಕೆಶಿ ಎದೆಗುಂದಿಲ್ಲ. ನಾನು ತಪ್ಪು ಮಾಡಿಲ್ಲ. ಕೆಲವು ಮಿಸ್ಟೇಕ್​​ಗಳಿಂದ ಇವರು ಇಷ್ಟೊಂದು ಆಟ ಆಡಿಸ್ತಿದ್ದಾರೆ. ಇವರ ಆಟ ಹೆಚ್ಚು ದಿನ ನಡೆಯಲ್ಲ ಎಂದು ಡಿಕೆಶಿ ಹೇಳಿದ್ದಾರೆ. ಮಾಜಿ ಡಿಸಿಎಂ ಪರಮೇಶ್ವರ್​ ಜೊತೆ ಮಾತ್ನಾಡಿರೋ ಡಿಕೆಶಿ, ನವೆಂಬರ್​ ಬಳಿಕ ನನಗೆ ರಾಜಯೋಗ ಇದೆ ಎಂದಿದ್ದಾರಂತೆ.

ನಾನು ಸಿಎಂ ಆಗಿಯೇ ರಾಜಕೀಯ ನಿರ್ಗಮನ

ನನ್ನ ರಾಜಕೀಯ ಅಷ್ಟು ಬೇಗ ಮುಗಿಯಲ್ಲ. ನಾನು ಕರ್ನಾಟಕದ ಸಿಎಂ ಆಗೇ ಆಗ್ತೀನಿ. ಮುಖ್ಯಮಂತ್ರಿ ಆದ ಬಳಿಕವಷ್ಟೇ ನಾನು ರಾಜಕೀಯದಿಂದ ನಿರ್ಗಮಿಸ್ತೇನೆ ಎಂದು ಡಿಕೆಶಿ ಹೇಳಿದ್ದಾರೆಂದು ಪರಮೇಶ್ವರ್​ ಹೇಳಿದ್ದಾರೆ. ಆ ಮೂಲಕ ರಾಜಕೀಯ ವಿರೋಧಿಗಳಿಗೆ ಡಿಕೆ ಶಿವಕುಮಾರ್ ಚಾಲೆಂಜ್​ ಜೊತೆ ಎಚ್ಚರಿಕೆ ನೀಡಿದ್ದಾರೆ.

ಸದ್ಯ 14 ದಿನಗಳ ನ್ಯಾಯಾಂಗ ಬಂಧನ ಎದುರಿಸ್ತಿರೋ ಡಿಕೆಶಿಗೆ ಶಾಸಕಿ ಲಕ್ಷ್ಮಿ ಹೆಬ್ಬಾಳ್ಕರ್​ ವಿಚಾರಣೆ ಮತ್ತಷ್ಟು ಮುಳುವಾಗೋ ಸಾಧ್ಯತೆ ಇದೆ. ಮಗಳು ಐಶ್ವರ್ಯ ಹೆಸರಿನಲ್ಲಿ ಹೂಡಿಕೆ ಮಾಡಿರೋದು ಕೂಡ ಡಿಕೆಶಿಗೆ ಸಂಕಷ್ಟ ತಂದೊಡುವ ಸಾಧ್ಯತೆ ಹೆಚ್ಚಿದೆ.

ಇಷ್ಟೆಲ್ಲದರ ಮಧ್ಯೆ, ಧೈರ್ಯದಿಂದ ಇರುವ ಕನಕಪುರ ಬಂಡೆ, ನಾನು ಶೀಘ್ರವೇ ಹೊರಗೆ ಬರ್ತೀನಿ.. ಮುಖ್ಯಮಂತ್ರಿ ಆಗ್ತೀನಿ ಎಂದು ಖಡಕ್​ ಆಗಿಯೇ ಆಶಾಭಾವನೆ ವ್ಯಕ್ತಪಡಿಸಿದ್ದಾರಂತೆ.