ದಸರಾ ಹಬ್ಬಕ್ಕೆ ಪುನೀತ್​ ಯುವರತ್ನ ಟೀಸರ್​ ಬಿಡುಗಡೆಯ ವೈಭವ : ಪವರ್​ಸ್ಟಾರ್​ ಅಭಿಮಾನಿಗಳಿಗೆ ಡಬಲ್​ ಖುಷಿ

ರೈಸಿಂಗ್ ಕನ್ನಡ : ಪವರ್​ ಸ್ಟಾರ್​ ಪುನೀತ್ ರಾಜ್​ ಕುಮಾರ್ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ಯುವರತ್ನ. ಸಂತೋಷ್ ಆನಂದ್ ರಾಮ್​ ನಿರ್ದೇಶನದ ಯುವರತ್ನ ಸಿನಿಮಾ ಶುರುವಾಗಿ ಒಂದು ವರ್ಷವೇ ಆಯ್ತು. ಆದ್ರೆ, ಈವರೆಗೆ ಫಸ್ಟ್​ ಲುಕ್​ ಪೋಸ್ಟರ್​ ಬಿಟ್ರೆ ಬೇರೇನೂ ಬಿಡುಗಡೆ ಆಗಿಲ್ಲ ಎಂದು ಅಭಿಮಾನಿಗಳು ಬೇಜಾರಾಗಿದ್ರು. ಇದೀಗ ಯುವರತ್ನ ಟೀಸರ್​ ಬಿಡುಗಡೆಗೆ ಚಿತ್ರತಂಡ ದಿನಾಂಕ ಘೋಷಣೆ ಮಾಡಿದೆ. ಇದರಿಂದ ಪವರ್​ ಸ್ಟಾರ್ ಅಭಿಮಾನಿಗಳಿಗೆ ಡಬಲ್​ ಖುಷಿ ಆಗ್ತಿದೆ.

ಮೈಸೂರು ದಸರಾಗೆ ಯುವರತ್ನ ಸಿನಿಮಾದ ಟೀಸರ್​ ಬಿಡುಗಡೆ ಆಗ್ತಿದೆ. ವಿಶೇಷ ಅಂದ್ರೆ, ಯುವರತ್ನ ಸಿನಿಮಾ ಬಹುತೇಕ ಶೂಟಿಂಗ್​ ಆಗಿರೋದು ಮೈಸೂರಿನಲ್ಲೇ. ಈಗ ದಸರಾಗೆ ಟೀಸರ್​ ಬರ್ತಿರೋದು ಅಭಿಮಾನಿಗಳು ಹಾಗೂ ಚಿತ್ರತಂಡದ ಡಬಲ್ ಖುಷಿಗೆ ಕಾರಣವಾಗಿದೆ.

ಕಳೆದ ಆರು ತಿಂಗಳಿನಿಂದ ಯುವರತ್ನ ಟೀಸರ್​ಗಾಗಿ ಅಭಿಮಾನಿಗಳು ಕಾತರದಿಂದ ಕಾಯ್ತಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಯುವರತ್ನ ಟೀಸರ್ ಯಾವಾಗ ಅಂತ ಪ್ರಶ್ನೆ ಮಾಡ್ತಿದ್ದ ಅಭಿಮಾನಿಗಳಿಗೆ ಉತ್ತರ ಸಿಕ್ಕಿದೆ. ಯುವರತ್ನ ಸಿನಿಮಾದ ಚಿತ್ರೀಕರಣ ಕೂಡ ಶೀಘ್ರದಲ್ಲೇ ಮುಗಿಯಲಿದೆ. ಸದ್ಯ ಮೈಸೂರಿನಲ್ಲೇ ಶೂಟಿಂಗ್ ನೀಡಿದ್ದು, ಕಾಲೇಜು ವಿದ್ಯಾರ್ಥಿಯಾಗಿ ಪುನೀತ್​ ಕಾಣಿಸಿಕೊಳ್ತಿರೋದು ವಿಶೇಷ.

ಪುನೀತ್​ಗೆ ಜೋಡಿಯಾಗಿ ಸಯೇಷಾ ಸೈಗಲ್​ ಕಾಣಿಕೊಳ್ತಿದ್ದಾರೆ. ಯುವರತ್ನ ಸಿನಿಮಾದಲ್ಲಿ ಸೋನುಗೌಡ ಕೂಡ ಪ್ರಮುಖ ಪಾತ್ರ ಮಾಡ್ತಿದ್ದಾರೆ.