ಒಂದೇ ವೇದಿಕೆಯಲ್ಲಿ ಹಾಲಿ-ಮಾಜಿ ಸಿಎಂಗಳು : ಸಿದ್ದರಾಮಯ್ಯ ಕೈ ಕುಲುಕಿದ ಯಡಿಯೂರಪ್ಪ

ಬೆಂಗಳೂರು : ಇದು ಅಪರೂಪದ ವೇದಿಕೆಯೇ ಸರಿ. ಯಾವಾಗಲು ಹಾವು-ಮುಂಗುಸಿಯಂತೆ ಕಿತ್ತಾಡುವ ಮಾಜಿ ಸಿಎಂ ಸಿದ್ದರಾಮಯ್ಯ ಹಾಗೂ ಹಾಲಿ ಸಿಎಂ ಯಡಿಯೂರಪ್ಪ ಒಂದೇ ವೇದಿಕೆಯಲ್ಲಿ ಅಕ್ಕ-ಪಕ್ಕದಲ್ಲೇ ಕುಳಿತು ಮಾತುಕತೆ ನಡೆಸಿದ್ರು. ಹೀಗೆ, ಹಾಲಿ-ಮಾಜಿ ಸಿಎಂಗಳ ಒಂದೇ ವೇದಿಕೆಗೆ ಕಾರಣವಾಗಿದ್ದು, ಬೆಂಗಳೂರಿನ ಅಂಬೇಡ್ಕರ್ ಭವನದಲ್ಲಿ ನಡೆದ ಎಸ್​​ಸಿ-ಎಸ್​​ಟಿ ಸಮುದಾಯಗಳ ಆರ್ಥಿಕ ಅಭಿವೃದ್ಧಿಗಾಗಿ ಅರಿವು ಮೂಡಿಸುವ ಕಾರ್ಯಕ್ರಮ.

ಸಿಎಂ ಯಡಿಯೂರಪ್ಪ ಮೊದಲೇ ತಮ್ಮ ಕುರ್ಚಿಯಲ್ಲಿ ಕುಳಿತಿದ್ರು. ಈ ವೇಳೆ ಮಾಜಿ ಸಿಎಂ ಸಿದ್ದರಾಮಯ್ಯ ಆಗಮಿಸ್ತಿದ್ದಂತೆ, ತನ್ನ ಪಕ್ಕದ ಕುರ್ಚಿಗೆ ಸ್ವತಃ ಸಿಎಂ ಯಡಿಯೂರಪ್ಪ ಬರಮಾಡಿಕೊಂಡ್ರು. ಈ ವೇಳೆ, ಸಿದ್ದರಾಮಯ್ಯ ಕೈ ಕುಲುಕಿದ್ರು ಸಿಎಮ ಬಿಎಸ್​ವೈ. ಬಳಿಕ ಇಬ್ಬರೂ ನಾಯಕರು ಅಕ್ಕ ಪಕ್ಕ ಕುಳಿತು, ಕೆಲ ಕಾಲ ಮಾತ್ನಾಡಿದ್ರು.