ಜೆಡಿಎಸ್​​​ನಲ್ಲಿ ಡಿಶುಂ ಡಿಶುಂ : HDK ಬಂದ್ರೂ GTD ಬರಲಿಲ್ಲ, ಪಕ್ಷ ಬಿಡ್ತಾರಾ ಜಿ.ಟಿ. ದೇವೇಗೌಡ.?

ಮೈಸೂರು : ಮಾಜಿ ಸಚಿವ ಜಿ.ಟಿ. ದೇವೇಗೌಡ ಅದ್ಯಾಕೋ ಏನೋ ಜೆಡಿಎಸ್​ ಮೇಲೆ ಮುನಿಸಿಕೊಂಡಂತೆ ಕಾಣ್ತಿದೆ. ಪದೇ ಪದೇ ಜೆಡಿಎಸ್​ ವಿರೋಧಿಸಿ ಹೇಳಿಕೆ ನೀಡ್ತಿದ್ದ ಜಿಟಿಡಿ, ಇವತ್ತು ಮೈಸೂರಲ್ಲೇ ಇದ್ರೂ ಜೆಡಿಎಸ್​ ಚಿಂತನ-ಮಂಥನ ಕಾರ್ಯಕ್ರಮಕ್ಕೆ ಗೈರಾಗಿದ್ದಾರೆ. ಸ್ವತಃ ಮಾಜಿ ಸಿಎಂ ಹೆಚ್​.ಡಿ. ಕುಮಾರಸ್ವಾಮಿ ಬಂದಿದ್ರೂ, ಜಿಟಿಡಿ ಬಾರದೇ ಕಾರ್ಯಕ್ರಮವನ್ನ ಬಹಿಷ್ಕರಿಸಿದ್ದಾರೆ.

ಬೆಳಗ್ಗೆ 10 ಗಂಟೆಗೆ ಜೆಡಿಎಸ್ ಸಭೆ ನಿಗಧಿಯಾಗಿತ್ತು. ಆದ್ರೆ, 12.30ಕ್ಕೆ ಸಭೆ ಆರಂಭವಾಯ್ತು. ಆದ್ರೆ, ಜಿಟಿಡಿ ಬಾರಲೇ ಇಲ್ಲ. ಹುಣಸೂರು ಉಪಚುನಾವಣೆ ಮತ್ತು ಪಕ್ಷ ಸಂಘಟನೆ ವಿಚಾರವಾಗಿ ಜೆಡಿಎಸ್​ ಚರ್ಚೆ ನಡಿಸಿತು. ಆದ್ರೆ, ಕುಮಾರಸ್ವಾಮಿ ಕಾರ್ಯಕ್ರಮಕ್ಕೆ ಜಿಟಿಡಿ ಗೈರಾಗುವ ಮೂಲಕ ತಾನು ಪಕ್ಷಕ್ಕೆ ಸ್ಪಷ್ಟ ಸಂದೇಶ ನೀಡಿದಂತಿದೆ.

ಸಭೆಗೆ ಗೈರಾಗಿರೋ ಬಗ್ಗೆ ಮಾತ್ನಾಡಿರೋ ಜಿಟಿಡಿ, ನನಗೆ ಸಭೆಗೆ ಆಹ್ವಾನವೇ ಇಲ್ಲ. ನನಗೆ ಸಭೆ ಬಗ್ಗೆ ಗೊತ್ತೇ  ಇಲ್ಲ ಎಂದಿದ್ದಾರೆ. ಈ ಮೂಲಕ ಸ್ಥಳೀಯರು ನಾಯಕರು ಕೂಡ ಜಿಟಿಡಿಯವರನ್ನ ನಿರ್ಲಕ್ಷ್ಯ ಮಾಡಿರೋದು ಗೊತ್ತಾಗಿದೆ.

ಜೆಡಿಎಸ್​ನಲ್ಲಿ ಅದ್ಯಾಕೋ ಏನೋ ಎಲ್ಲವೂ ಸರಿಯಿಲ್ಲ ಅನ್ನೋದು ಈ ಘಟನೆಯಿಂದ ಸಾಬೀತಾಗಿದೆ. ಇತ್ತೀಚೆಗಷ್ಟೇ ಹುಣಸೂರಲ್ಲಿ ಜೆಡಿಎಸ್​ ಗೆಲ್ಲಲ್ಲ ಅಂತ ಜಿಟಿಡಿ ಹೇಳಿದ್ರು. ಈಗ ಸಭೆಗೂ ಹೋಗಿಲ್ಲ. ಮುಂದೆ ಪಕ್ಷವನ್ನೇ ಬಿಡ್ತಾರಾ..? ಎಲ್ಲಿ ಹೋಗ್ತಾರೆ..? ಬಿಜೆಪಿ ಸೇರ್ತಾರಾ.? ಇದೆಲ್ಲಕ್ಕೂ ಜಿಟಿ ದೇವೇಗೌಡ ಅವರೇ ಉತ್ತರ ನೀಡಬೇಕು.