ಬೆಂಗಳೂರು: ಕಾಂಗ್ರೆಸ್‌ ಪಕ್ಷ ಬೇಕಾದರೆ ಡಿಕೆ ಶಿವಕುಮಾರ್‌ರನ್ನ ಕೈ ಬಿಡಬಹುದು ಆದರೆ ನಾವು ಸಮುದಾಯದವರು ಎಂದಿಗೂ ಕೈ ಬಿಡುವುದಿಲ್ಲ ಎಂದು ಕರವೇ ನಾರಾಯಣ ಗೌಡ ಅಭಯ ನೀಡಿದ್ದಾರೆ.
ಬೆಂಗಳೂರಿನಲ್ಲಿ ನಡೆಯುತ್ತಿರುವ ಬೃಹತ್‌ ಪ್ರತಿಭಟನೆಯಲ್ಲಿ ಅಭಿಮಾನಿಯಾಗಿ ಭಾಗವಹಿಸಿದ್ದ ನಾರಾಯಣಗೌಡ, ನಮ್ಮ ಸಮುದಾಯಗಳಿದ್ದರೆ ಮಾತ್ರ ಪಕ್ಷ, ರಾಜಕಾರಣ. ಕೇಂದ್ರ ಸರ್ಕಾರ ತನಿಖಾ ಸಂಸ್ಥೆಗಳನ್ನ ದುರ್ಬಲ ಮಾಡುತ್ತಿವೆ, ಡಿಕೆಶಿಯನ್ನ ರಾಜಕೀಯವಾಗಿ ಮುಗಿಸಲು ಷಡ್ಯಂತ್ರ ನಡೆಯುತ್ತಿದೆ, ಡಿಕೆಶಿಗೆ ನೈತಿಕ ಬೆಂಬಲ ನೀಡಲು ನಾವು ಬಂದಿದ್ದೇವೆ, ಎರಡು ವರ್ಷದಿಂದಲೂ ತನಿಖೆಗೆ ಸಹಕರಿಸುತ್ತಿರುವ ಡಿಕೆ ಶಿವಕುಮಾರ್ ಕಾನೂನು ಹೋರಾಟದಲ್ಲಿ ನಿಮಗೆ ಗೆಲುವಾಗಲಿದೆ ಎಂದರು.
