ಸುತ್ತೂರು ಶ್ರೀ ಭೇಟಿಯಾದ ಸಚಿವ ಸಿ.ಟಿ. ರವಿ

ಮೈಸೂರು : ಪ್ರವಾಸೋದ್ಯಮ ಸಚಿವ ಸಿ.ಟಿ. ರವಿ, ಮೈಸೂರಿನ ಸುತ್ತೂರು ಶಾಖಾ ಮಠಕ್ಕೆ ಭೇಟಿ ನೀಡಿ, ಸುತ್ತೂರು ಶ್ರೀಗಳನ್ನ ಭೇಟಿಯಾದ್ರು. ಸಚಿವರಾದ ಬಳಿಕ ಇದೇ ಮೊದಲ ಬಾರಿಗೆ ಮಠಕ್ಕೆ ಬಂದ ಸಿ.ಟಿ. ರವಿ ಶ್ರೀಗಳ ಜೊತೆ ಕುಶಾಲೋಪರಿ ಮಾತುಕತೆ ನಡೆಸಿದ್ರು. ಬಳಿಕ ಶ್ರೀಗಳ ಆಶೀರ್ವಾದ ಪಡೆದ ಸಿಟಿ ರವಿ, ದಸರಾ ತಯಾರಿ ಕುರಿತು ಮಾತುಕತೆ ನಡೆಸಿದ್ರು.

ಸುತ್ತೂರು ಶ್ರೀಗಳಿಗೆ ಹಣ್ಣು ನೀಡಿ, ಕಾಲಿಗೆ ನಮಿಸಿ ಸಚಿವ ಸಿ.ಟಿ. ರವಿ ಆಶೀರ್ವಾದ ಪಡೆದ್ರು. ಇದೇ ವೇಳೆ ಮೈಸೂರು ದಸರಾಗೆ ಬರುವಂತೆ ಆಹ್ವಾನ ಕೂಡ ನೀಡಿದ್ರು.

ಪ್ರವಾಸೋದ್ಯಮ ಸಚಿವರಾದ ಮೇಲೆ ಸಿಟಿ ರವಿಗೆ ಮೈಸೂರು ದಸರಾ ಸವಾಲಾಗಿದೆ. ಸಚಿವ ವಿ.ಸೋಮಣ್ಣಗೆ ಮೈಸೂರು ಉಸ್ತುವಾರಿ ನೀಡಿದ್ರೂ, ಪ್ರವಾಸೋದ್ಯಮ ಸಚಿವರಾಗಿರೋದ್ರಿಂದ, ಸಿ.ಟಿ. ರವಿ, ಮೈಸೂರಿನಲ್ಲೇ ಬೀಡು ಬಿಟ್ಟಿದ್ದು, ದಸರಾ ಕೆಲಸ ಕಾರ್ಯಗಳನ್ನ ನೋಡಿಕೊಳ್ತಿದ್ದಾರೆ.