ಅನರ್ಹ ಶಾಸಕರಿಗೆ ಸುಪ್ರೀಂಕೋರ್ಟ್​ ಮತ್ತೆ ಶಾಕ್​ : ಮಂತ್ರಿ ಭಾಗ್ಯ ಮರೀಚಿಕೆ ಅನ್ಸುತ್ತೆ..! ಯಾಕೆ ಗೊತ್ತಾ..?

ನವದೆಹಲಿ/ಬೆಂಗಳೂರು : ಕಾಂಗ್ರೆಸ್ ಹಾಗೂ ಜೆಡಿಎಸ್​ನ 17 ಅನರ್ಹ ಶಾಸಕರು ಮತ್ತಷ್ಟು ದಿನ ವನವಾಸ ಅನುಭವಿಸಲೇ ಬೇಕು. ನಾಳೆ ಸುಪ್ರೀಮ್​ಕೋರ್ಟ್​​ನಲ್ಲಿ ಅನರ್ಹ ಶಾಸಕರ ಪ್ರಕರಣ ವಿಚಾರಣೆಗೆ ಬರಬೇಕಿತ್ತು. ಬಂದೇ ಬರುತ್ತೆ ಅನ್ನೋ ವಿಶ್ವಾಸದಲ್ಲಿದ್ದ ಅನರ್ಹ ಶಾಸಕರಿಗೆ ಸುಪ್ರೀಂಕೋರ್ಟ್​ ಶಾಕ್​ ಕೊಟ್ಟಿದೆ. ಯಾಕಂದ್ರೆ, ನ್ಯಾಯಮೂರ್ತಿ ರಮಣ್​ ಅವರ ಪೀಠದಲ್ಲಿದ್ದ ಅನರ್ಹ ಶಾಸಕರ ಕೇಸ್​ ವಿಚಾರಣೆ, ಸೆಪ್ಟೆಂಬರ್​ 17ಕ್ಕೆ ಹೋಗಿದೆ.

ಯೆಸ್​, ನಾಳೆಯ ಲಿಸ್ಟ್​ನಲ್ಲಿದ್ದ ಅನರ್ಹ ಶಾಸಕರ ಕೇಸ್​ಅನ್ನ, ಲೀಸ್​​ನಿಂದ ತೆಗೆದಿದ್ದು, ಸೆಪ್ಟೆಂಬರ್ 17ಕ್ಕೆ ವಿಚಾರಣೆ ನಡೆಸೋದಾಗಿ ಕೋರ್ಟ್​ ಹೇಳಿದೆ. ಇದರಿಂದಾಗಿ 17 ಅನರ್ಹ ಶಾಸಕರಿಗೆ ಮತ್ತೊಮ್ಮೆ ನಿರಾಸೆಯಾಗಿದೆ. ಇನ್ನೇನು ನಾಳೆ ವಿಚಾರಣೆಗೆ ಬಂದು, ನಮಗೆ ಜಯ ಸಿಕ್ಕೇ ಸಿಗುತ್ತೆ ಎಂದುಕೊಂಡಿದ್ದ ಅನರ್ಹರಿಗೆ ಮತ್ತೆ ನಿರಾಸೆಯಾಗಿದೆ.

ಈ ನಡುವೆ, ರಾಜ್ಯ ಬಿಜೆಪಿ ಸರ್ಕಾದಲ್ಲಿ ಮಂತ್ರಿ ಸ್ಥಾನ ಹಾಗೆಯೇ ಉಳಿಸಿಕೊಂಡಿದ್ರೂ, ಅನರ್ಹರಿಗೆ ಮಂತ್ರಿ ಭಾಗ್ಯ ಸಿಗ್ತಿಲ್ಲ. ಮೂಲಗಳ ಪ್ರಕಾರ, ಬಿಜೆಪಿ ಹೈಕಮಾಂಡ್​ಗೆ ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ರಚನೆ ಮಾಡಿರೋದೇ ಇಷ್ಟವಿಲ್ಲ ಎನ್ನಲಾಗಿದೆ. ಹೀಗಾಗಿಯೇ. ಅನರ್ಹ ಶಾಸಕರ ಪ್ರಕರಣದಲ್ಲಿ ಯಾವುದೇ ಪ್ರಗತಿ ಕಾಣದಾಗಿದೆ. ಕೇಂದ್ರ ಸರ್ಕಾರ ಅಥವಾ ರಾಷ್ಟ್ರೀಯ ಬಿಜೆಪಿ ನಾಯಕರು ಈ ವಿಚಾರದಲ್ಲಿ ಅಷ್ಟೊಂದು ಮುತುವರ್ತಿ ತೋರಿಸ್ತಿಲ್ಲ ಎನ್ನಲಾಗಿದೆ.

ಒಟ್ಟಿನಲ್ಲಿ ಅನರ್ಹ ಶಾಸಕರ ಸ್ಥಿತಿ ಇಂಗು ತಿಂದ ಮಂಗನಂತಾಗಿದೆ ಅಂದ್ರೆ ತಪ್ಪಲ್ಲ.