ಬೆಂಗಳೂರು : ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ ಶಿಪ್ನಲ್ಲಿ ಪ್ರಶಸ್ತಿ ಗೆಲ್ಲುವ ಮೂಲಕ ಹೊಸ ಇತಿಹಾಸ ಬರೆದ ಬ್ಯಾಡ್ಮಿಂಟನ್ ತಾರೆ ಪಿ.ವಿ. ಸಿಂಧೂಗೆ ರಾಜ್ಯ ಸರ್ಕಾರ ಮೈಸೂರು ದಸರಾಗೆ ಆಹ್ವಾನ ನೀಡಿದೆ. ಈ ಕುರಿತು ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ, ಪಿ.ವಿ. ಸಿಂಧೂ ಅವರಿಗೆ ಆಹ್ವಾನ ಪತ್ರ ಕಳುಹಿಸಿದ್ದಾರೆ. ಅಕ್ಟೋಬರ್ 1ರಂದು ಯುವ ದಸರಾ ಉದ್ಘಾಟನೆಗೆ ಮುಖ್ಯ ಅತಿಥಿಯಾಗಿ ಆಗಮಿಸುವಂತೆ ಯಡಿಯೂರಪ್ಪ ಕೋರಿದ್ದಾರೆ.
ಮೈಸೂರು ದಸರಾ ಕರ್ನಾಕಟದ ಸಾಂಸ್ಕೃತಿಕದ ಪ್ರತೀಕ. ಲಕ್ಷಾಂತರ ಪ್ರವಾಸಿಗರು
ದಸರಾದಲ್ಲಿ ಭಾಗಿಯಾಗಲಿದ್ದಾರೆ. ದಸರಾದ ಭಾಗವಾಗಿರೋ ಯುವ ದಸರಾಗೆ ಬಂದು ತಾವು ಮುಖ್ಯ ಅತಿಥಿಯಾಗಿ
ಪಾಲ್ಗೊಂಡು, ಉದ್ಘಾಟಿಸಬೇಕು ಎಂದು ಕೋರಿದ್ದಾರೆ. ಕೋಟ್ಯಂತರ ಯುವ ಸಮುದಾಯಕ್ಕೆ ಸ್ಫೂರ್ತಿ ನೀವು.
ನಿಮ್ಮ ಸ್ಫೂರ್ತಿ ಯುವ ದಸರಾಗೂ ಬೇಕು ಎಂದು ಯಡಿಯೂರಪ್ಪ ತಮ್ಮ ಪತ್ರದಲ್ಲಿ ಬರೆದಿದ್ದಾರೆ.
ರಾಜ್ಯ ಸರ್ಕಾರ ಆಹ್ವಾನಕ್ಕೆ ಇನ್ನೂ ಪಿ.ವಿ. ಸಿಂಧೂ ಪ್ರತಿಕ್ರಿಯೆ ನೀಡಿಲ್ಲ.
ಒಂದ್ವೇಳೆ, ಪಿ.ವಿ. ಸಿಂಧೂ ಯುವ ದಸರಾ ಉದ್ಘಾಟನೆಗೆ ಆಗಮಿಸಿದ್ರೆ, ಯುವ ದಸರಾ ಮತ್ತಷ್ಟು ರಂಗೇರುವುದು
ಗ್ಯಾರೆಂಟಿ.
